زوجي أسباب همي؟؟؟

[ام الجازي]

السلام عليكم ورحمة الله وبركاته
الموضوع باين من العنوان

بنات وحدة منكم بس تقولي وش الحل؟؟؟؟
أنا متزوجة من سنة و4 شهور
وحامل والحمل جايب لي حالة نفسية
أنا وزوجي رحنا لأهله في رمضان قبل العيد ب4أيام
ولاجيت إلا في 18/10 تخيلو وتعب الحمل
بس تحملت عشانه قلت مايخالف هذا حقه إنه يشوف أهله
وجيت على اساس عندي موعد في المستشفى
ويوم جينا قال لي شوفي بقعد معك كم يوم
على اساس عنده إجازة وبعدين بروح لأهلي
وإنتي بكيفك تبغين تروحين معي وإلا إقعدي عند أهلك
إنتو عارفين طريق والسيارة تتعب الحامل وانا رفضت
لإن تعبانة من ظهري المهم راح بس ماإرتحت لروحته
ولا تطمنت مدري ليه معه إنو يروح بلحاله دايم عادي
بس كان يروح مثلا اربعاء خميس وجمعة راجع
أمس كمل إسبوع من راح ولسه يقولي ماسمحت
يعني مامليت والله يابنات من يوم راح ماذقت طعم النوم
حتى أكلي مو مثل اول وحالتي حالة حتى قبل يومين
تعبت ظهري كان مرة متعبني وإمي تقول خلينا
نوديك للمستشفى وأنا رافضة أبغاه هو يوديني
إتصلت عليه تخيلو وش كان رده عادي كل الحوامل
يتعبون إتسطحي على ظهرك وبيخف وانا فكرته
على طول راح يجي والله يابنات من يوم راح لين اليوم
وأنا احلم فيه وأفكر فيه انا خايفة لايكون تزوج علي
بس انا الحمد ماقصرت معاه في شي بس انتو تعرفون الزواج
من زوجة ثانية صار موضة وأهلة مايحبوني ويستانسون
إذا كنت مو مع زوجي والله احس بقهر اجازه ماخذها
عشان يقعد بلحاله وانا كنت انتظر إجازته قولولي
وش الحل عارفة طولت بالهذره بس تحملوني
اللي ترد علي الله يسهل دربها ويرزقها

[sweet moon]

الله يكون بعونك يأختي وييسر امرك

خليه الحين وسوي اللي عليك اتصلي عليه وتطمني

بس لما يرجع اجلسي معاه وصارحيه

تكلمي وقولي كل اللي بخاطرك

وشوفي ردة فعله .. وعلى حسبها انتي تعرفي هو وين كان

وان شالله مايكون صار اللي في بالك

واهم شي صحتك .. انتي حامل تغذي ونامي كويس

مو زين حق الجنين انك ماتاكلين ونفسيتك تعبانه

ريحي بالك .. وكل شي بينحل بالهداوه

والله ييسرها عليك ولا يعسرها

[هنادي تنادي]

حبيبتي :


الله يسهل عليك ويرزقكم الصفاء والذرية الصالحة ..

تطمني قلبي ..

كل الرجال يبون خلوه بأنفسم ..

يون يحسون بنعمة الزواج بتذكر العزوبية ..

وحنا مانصبر عنهم .. بس هذا قدرنا ..

وتذكري إن الحامل تكون نفسيتها بقلق زائد .. يعني لا تحاتي وتتعبي فكرك .. زوجك يحبك ودوبكم جدد ويبي يبتعد عنك لأن الحمل متعب للزوج خصوصاً الجديد ..

أما كلامك عن محبة أهله صدقيني كل شخص يصنع تاريخه .. يعني خليك معاهم طيبة وإذا رحتي زورة لهم خذي هدية لام زوجك واخواته لو كان عنده خوات .. صدقيني تملكين قلوبهم .. وبعدين حبيبتي لازم تعب أول الزواج وما أحلاه من تعب حين تقطفي الثمرة وتغرقينهم بجميل تربيتك وخلقك الرفيع ..

المهم الآن : أكلي زين .. نامي بدري .. لاتفكري كثير .. كل يوم أتصلي مره وحده : كيفك وش حالك ؛ أشتقت لك ؛ كيف الوالد والوالدة والأخوات عديدهم وحده وحده ؛ أمانه أنقل سلامي لهم .. الله يحفظك ويردك بالسلامه ..!

وقتها تبي دعين لي بإذن الله . المهم لاتنكدي عليه ولاتقولي ليش ووكذا وكذا من سوالفنا يالحريم الي تطفش كل رجال ..

ربي يهدي سركم ويحفظكم.

كوني بصحة وربي يسعدك.

[ام الجازي]

(sweet moon)
يعطيك العافية ياقلبي وعلى ردك اللي يبرد القلب
وأنا كنت افكر في نفس كلامك أخليه لما يجي
بعدين أصارحه والتعب بحاول إني اهتم عشان البيبي
الله يرزقك من حيث لاتحتسبين

[ام الجازي]

يالله غريب هالمنتدى
انتو تكتبون مشاكلكم ولازم الواحد يرد عليكم وتزعلون اذا مااحد رد
وش دعوة 27 مشاهدة بس وحدة اللي نصحتني

[حياة الروووح]

ياقلبي ياام الجازي انا حاسه فيك احمدي ربك انه عند اهله انا زوجي يروح بالايام مع اصحابه يتمشون ولاادري وين مكانه باضبط المهم اهتمي بنفسك وباللي في بطنك وان شاء الله تقومين بالسلامه

[ام الجازي]

هنادي تنادي & حياة الروووح
مشكورين ماقصرتم على وقفتكم الحلوة
بنات انا انقرفت اصلا منه ومن اهله
والله ثم والله اللي مصبرني وساكته
اللي في بطني ماله ذنب يعيش مشتت
انا كل همي هو بس
بعدين مافي احد يفكر في احد كل واحد همه نفسه وبسسسسس

[~~لحن الحياة~~]

حبيبتي انا من راي لا تحسسي انك مهتمة فيه
هو لحالو رح يسأل عنك يا قلبي
ديري بالك على حالك ووكلي امرك لله
واقراي القران الكريم وادعي اللهولما يتصل او يجي صارحيه بقعدة هادئة عن كل الي بتنوجعي منو وان شاء الله خير

[gogo]

خدى بالك من الى ف بطنك وهنى نفسك وكولى كويس ولا تفكرى ف حاجه ومتتعبيش اعصابك اذا كان هو قاعد مبسوط انتى تحرقى دمك ليه الى ف بطنك اهم من الدنيا كلها
واذا كان على اهله عامليهم بما يرضى الله حبوكى محبوكيش مش زمبك اعملى الى عليكى وبس

[ام الجازي]

توأم كوكي&gogo
يعطيكم ألف ألف عافية على ردودكم
الحمد الله الدنيا توها بخير
اللهم لاإعتراض على قدرتك