تجمع حــوامل التوائم

[نورة نايف]

اتمنى من بكره الحماس يرجع لكم يالغاليات انا عندي موعد كل اثنين عشان تثبيت الاجنه لمدة شهر فيه وحده خذت تثبيت من السادس

[لمياء]

المشاركة الأصلية كتبت بواسطة نورة نايف

اتمنى من بكره الحماس يرجع لكم يالغاليات انا عندي موعد كل اثنين عشان تثبيت الاجنه لمدة شهر فيه وحده خذت تثبيت من السادس

الله ييسر لك نوره ويثبت حملك وتفرحين بشوفة البيبيات

بعد ماترجعين من موعدك طمنينا عليك

[نورة نايف]

لاحول ولا قوة الا بالله

[نورة نايف]

سبحانك اللهم وبحمدك اشهد ان لااله الا انت استغفرك واتوب اليك

[نورة نايف]

تصبحوون على خير ياحلوين موعدنا بكرة اذا الله عطانا عمر

[أستاذة ذوق]

كان نفسي ميمي وكوثريه يحكون قصة ولادتهم بالتفصيل بس شكله صعب عليهم
لسه تعبانين وانا شكلي بولد قبل اعرف قصتهم كان نفسي أستفيد

مشكورين يابنات على الدعم النفسي بس والله مادري كيف بولد بتركها لله..

[ام الجازي]

صباح الخير
ادعوكم لمشاركتنا في قروب حوامل
لنكون معا اغلب الاوقات
هو للنساء فقط ممنوع دخول الرجال
وإلي حابه تشاركنا تراسلني على الخاص

[البرنسيسة..؟]

استغفر الله واتوووووب اليه اني كنت من الظالمين

[ميمي الاموره]

قصة ولادتي لعيون توامي

بعد ماسكرت من المنتدى طلعت ارتب اغراضي والاشياء اللي احتاجها طبعا شنطة الولاده ببيت اهلي وبتجي مع امي بس هذي احتياجات للعمليه اوراق وخرابيط وفلوس ورتبت بيتي ودقيت على زوجي وقلت له اني دقيت على المستشفى ولقيت سرير جاني ورحنا للمستشفى ودخلت لتنويم اول ماجيت لبسوني اسوارتين عشان توامي وفيها ارقام لكل واحد رقم
بعدين قاسوا وزني وطولي وسوو لي تحليل دم
وطلبوا اثنين يسوون تبرع بالدم عشان لاقدر الله لو احتجت دم بالولاده
وبعدها ودوني لغرفتي ومعي زوجي وامي قلنا نبي مرافق رفضوا وقالوا لا مومسموح
الا باذن الطبيب وركبولي جهاز قياس الطلق ياشينه يخووف مدري يمكن لاني انا خايفه احسه يخوف وقاسوا ضغطي وحرارتي وترا على فكره الصباح كان الدكتور معطيني ابره ماادري وشو بس يقول هذي للاجنه مو لك عطاني اياها الساعه 11 ونص وقالي اذا تنومتي خلي الممرضه تعطيك اياها الساعه 11ونص بالليل واخدتها بنفس الوقت اللي قاله الدكتور وركبوا ابرة المغذي بيدي وقالوا لي صيام من الساعه 12 حتى عن المويه بعد شوي جاني دكتور البنج وجلس يسالني ايش افضل كامل ولانصفي وذكرت كلام كوثريه انها تمدح النصفي قلت ابي نصفي شجعني وقالي عن ايجابيات النصفي وسلبيات الكامل وعطوني حبه عشان الحموضه وقالوا صومي عليها راحت امي وزوجي بهذيك اللحظه حسيت انهم تركوني بسجن ابو غريب وراحوا عني جلست اقرا قران واذكر الله الين جت الساعه 7 الصباح من الخوف ماقدرت انام جوني قالوا لي عمليتك الساعه 8 بهاللحظه وقف قلبي فرحانه وخايفه ومتوتره مشاعر مظطربه وقالوا لازم تتروشين وتلبسين لبس العمليه تروشت مع اني كنت متروشه قبل لا اجي ولبسوني شراب عشان التجلطات وركبوا المغذي
دقيت على اهلي وجوني الا زوجي ناااايم بالعسل ماجاني الا 9 اشوا ان العمليه تاجلت الى الساعه 12 ولا كان ذبحته
يوم جت الساعه 11 قاسوا ضغطي وحرارتي مره ثانيه وركبوا قياس الطلق وشوي وركبوا لي قسطرة البول ياحياتي ياامي وهم ماخذيني بالسرير امي معاهم تركض يالبى قلبها ودي اقول ركبوها بدالي ماتقدر على هالركض بعدها اخذوني لتحت عند غرفة العمليات عشان يجهزوني بنفس الغرفه ركبوا اجهزة قياس القلب والتنفس وثبتوا يدي وطهروا مكان الجرح وركبوا لي الاكسجين جاء دكتور البنج اول شي ضربوني ابره بنج عشان يضربوني ابره الظهر بعدها ضربوا ابرة الظهر والله انها مولمه شوي بعدها حسيت ان جسمي كله تخدره من الصدر الييييييين اطراف اصابعي معاد احس ولا اقدر احرك شي ابد
بدات العمليه وقلبي ضرب طبووول من الفرحه والخوف والرهبه بعد شوي اسمع صوت عصفورتي نتوفه وشوي بعد اسمع صوت سوسو يالبى قلبهم قلت وش طلعوا بنات ولا ولد وبنت قالوا انتي وش تتوقعين قلت مدري بس الدكتور يقولي واحد بنت والثاني مو مبين قالواماعليك من الدكتور انتي شتتوقعين قلت احساسي بنت وولد بس الناس يقولون بنات قالوا لا احساسك صح بنت وولد قلت طيب ابي اشوفهم قالوا طيب بس ينظفونهم
شوي وجابوهم لي وبست نتوفه وسوسو واخذوهم مني وودهم للحضانه وودوا ياسر للعنايه عشانه كان تعبان بس وانا بغرفة العمليه ماقالوا لي شي قالوا انهم سليمين
بهذيك اللحظه يوم تطمنت على عيالي اني شفتهم جاني نوووووم موطبيعي ابي انام مررره بس ماقدر قالي دكتور البنج نعطيك منوم قلت لا بشوف فرحة اهلي
وطلعوني غرفة النقاهه
دخلت امي علي وجلست تبكي ياحبيبتي سالتها عن عيالي قالت طيبين بس الله يقومك بالسلامه وكانت عارفه ان ياسر بالعنايه
بعد ساعه رجعوني لغرفتي وجابوا نتوفه عندي وركبوا لي جهاز التجلطات زي الدفايه برجلي وبدات بعدها معاناة الالم يوم خف البنج وبس

وتراني دعيت لكل اللي بالتجمع ان ربي يهون عليهم ولادتهم ويقر عينهم بشوفة توامهم وانا بغرفة العمليات
وانتهت الحتوته

[أستاذة ذوق]

اهلين اهلين ميمي
والله فرحت مره بردك طمنتينا طول الوقت افكر في بنتك وادعيلها
الحمدلله ع سلامتها بس كيف ارتجاع بالمريء يعني المريء صغير صح؟

عموما الحمدلله ان الفحوصات كلها سليمه
وانتبهي من الناس طنشوهم ولاتردون عليهم والله ينخاف من عيون الناس