تجمع الجزائريات الغاليات المتأخرات في الحمل ‏

[rayhana05]

لبنات انا من قبيل كتبت مشاركة و قتلكم بلي عيطت لمريم و مرفدتش عليا
منعرف وين راحت هذي المشاركة
المهم راني خلتلها رسالة بالاك مازالهي ماش قادرة تهدر
ان شاء الله لعشية نعاود نعيطلها و ان شاء الله ما اكون غير الخير
ادعيولها يا لبنات ربي اقومها بالسلامة و تكون بخير و عافية هي وولدها

[ASMA layal]

ريحانة قريت المشاركة ديالك ومازالها في بلاصتها ولي للصفحة 1 تلقايها

ياربي وتقوم مريم بالسلامة ونسمعو عليها خبر يفرح

رانا نسناو فيك ريحانة طمنينا

[rayhana05]

علابلك قبيل من دخلت كانو مكانش
و زيد كي دخلت ماكانش كاين هذاك الرابط نتاع المسابقة هذا وين حطوه سبحان الله
و الله ماني فاهمة حاجة و شراكي اسماء ان شاء الله لاباس

[سهام فرنسا]

المشاركة الأصلية كتبت بواسطة asmabb

السلام عليكم يا اخواتي انا مينداك نطل على التجمع تا الجزايريات و يعجبني و نحب نشارك مي ما نعرفش لبنات
ان شاء الله تكون معرفة خير ونتعاونو و نفيدو بعضانا
انا اسما من الجوائر العاصمة عمري 30 سنة متزوجة عندي عامين و نص و ما حملتش السبب ان زوجي عندو ضعف العدد و الحركة و انا الحمد لله رانا ندعيو و نصليو ربي يفرج علينا و يرزقنا ان شاء الله

أهلا بيك أخت أسما و مرحبا بيك معانا و حنا كامل نهار دخلنا المرة الاولى كنا مانعرفو حتى واحدة و بشوي تعرفنا مليح على بعضانا و لينا الحمد لله كي لخواتات و كل وحدة تحكي همها و مشكلتها للأخرى
المهم أهلا و سهلا بيك و أنا سهام عمري اليوم 23 سنة عام و شهرين زواج و ربي مازال ماكتبلناش و الحمد لله على كل حال
و راهم كي ماقالتلك ريحانة بزاف بنات هنا كيفي و كيفك يستناو و كل وحدة و المشكل تاعها
ربي يفرحك إن شاء الله و أهلا و سهلا بيك

[Nourelhouda]

اهلا الزينات راني عيطت لمريومة ولدت الحمد لله و اليوم راهي مليحة قالتلي بلي وقفت و مششات شوية ، اليوم خرجت من الغيانيماسيو. البارح كانت فيها و ماكاش الريزو على بها ماحكمتهاش،،،،،الحمد لله جا " يانيس " بخير و على خير " راجل بنتي الزين ". الف الف مبروك لمريومة الزينة الدلوعة تاع التجمع ربي يحفظها و يحفظ يانيس و يتربى في عزه ماماه و باباه و لعقوبة لينا كامل يا رب ،،،،،،،،،،،،،،

[Nourelhouda]

سهام عيد ميلاد سعيد لعقوبة ل100 سنةانشاء الله اتمنى لك كل الخير و السعادة و الهناء يا رب و العام الجاي ان شاء الله يجوز عيد ميلادك ووليدك او بنتك في حجرك يا رب يا رب امين

[mounira]

المشاركة الأصلية كتبت بواسطة asmabb

السلام عليكم يا اخواتي انا مينداك نطل على التجمع تا الجزايريات و يعجبني و نحب نشارك مي ما نعرفش لبنات
ان شاء الله تكون معرفة خير ونتعاونو و نفيدو بعضانا
انا اسما من الجوائر العاصمة عمري 30 سنة متزوجة عندي عامين و نص و ما حملتش السبب ان زوجي عندو ضعف العدد و الحركة و انا الحمد لله رانا ندعيو و نصليو ربي يفرج علينا و يرزقنا ان شاء الله

مرحبا بيك وسطنا .. ربي يرزقك .. و معرفة خير انشاء الله

[mounira]

نور الهدى اختي راكي بخير و الببون ديالنا نجم التجمع راهو يقباح ..
الف مبروك لمريم راني بعثلها ميساج .. الله غالب ما نقدرش نكلمها .. ادعولي بالشفاء .. و لعقوبة للباقيين ربي يرزق الجميع بالدرية الصالحة

[Nourelhouda]

اهلا اسماء مرحبا بيك في التجمع تاعنا ان شاء الله يجعلو عتبة خير عليك و تحملي باذن الله يا رب،،،،،
انا نورالهدى من العاصمة بصح متزوجة في بويرة عندي 31 سنة و عندي اربعة سنوات زواج نديرهم في 31 ديسمبر الجاي. حملت و اجهضت في ثمانية اشهر زواج بدون مانعرف و منبعد مدة دار زوجي تحاليل لقاو عندو قلة في العدد 200000 حيوان منوي قالولنا تروحو تجرو ديرو تلقيح بصح انا و راجلي قلنا نداويو دوا عرب اعشاب و خلطات تاع العسل و ليرهم و بعد سنة تقريبا كي ماحملتش روحنا لعيادة فريال باش نديرو التلقيح دارولنا التحاليل تاع الهرمونات كلش مليح بصح الصدمة الكبيرة كي دارو لراجلي تحليل الحيوان المنوي و لقاو صفر تماك انا و هو هبلنا،،،،،، المهم قالولنا نديرولو عملية الخزعة دارها حلولو خصية و جبدو خلية منوية و اديناها " lanapat" باش يستخرجو حيوانات و نجمدوهم بعد 15 يوم تقريبا رجعنا باش ندو النتائج قالولنا بلي مالقاو حتى حيوان على خاطر الخلية غير ناضجة كي رجعنا للطبيب في العيادة قاللنا خلوها على ربي،،،،، و عاودنا روحنا لعند بن غربية في حسين داي اعطى لراجلي تحاليل الدم يروحو لفرنسا " قالو هذو يبينو اذا عند الزريعة او لا " و قالو اذا عندك نداويك باذن الله و اذا ما عندكش خليها على ربي ،،،، المهم راجلي مادارهمش خاف و انا راني مفوضة امري الى الله ،،،، ربي يرزقنا ان شاء الله ،،،،،،

[Nourelhouda]

اهلا منيرة لاباس !؟!؟ و الله مازال ماشفتوش اليوم العشية و الا غدوة نروح باذن الله،،،،،،، توحشتو،،،،،،،و انت بناتك لاباس!؟!؟ و قرايتك لاباس!؟!؟!؟