أرجو المساعدة (مشكلتي مع زوجي)

[ماروكوو]

المشاركة الأصلية كتبت بواسطة halawa

حبيبتي انا زوجي قبل الزواج كان يحبني بس لما تزوجني كرهني بدون سبب بس لحد الحين مستحملة بداية كنت ابكي كثير بس ويش اسوي هذا نصيبي

شنو كرهني بدون سبب وايش اسوي هاذا نصيبي لا ياحللوه مو نصيبك انتي اخذتيه على انه يحبك وبيظل يحبك ليش وايش الي غيره هاذا مايستاهل الحياه معك ولاهو قدها لما حس بالمسؤليه وانتك صرتي حلاله وقدام عينه مل منك وكرهك لا لا لا ابدا لاترضين بكذذا

رجاااااااااااااااااااااال يفقعوون المراره

[ماروكوو]

المشاركة الأصلية كتبت بواسطة دروووب

مرحبا أخواني وخواتي ارجو منكم المساعدة ولو بدعوة انا صارلي متزوجة سنة ومن اول ما تزوجت وزوجي مقصر معي اول ما تزوجنا زوجي ما دخل علي الأ بعد ثلاثة اشهر من زواجنا مع اني كنت احاول معه وأكلمه بالموضوع بس ما فيه رد وبعد كذا ابدا ما يقرب صوبي الا اذا انا طلبت منه واكثر الأوقات الي اطلب فيها يرفض ويقول ما لي نفس وكأني جالسه اطلب شي ما من حقي والله يعلم اني اتزينله والبس واحاول اتقرب منه بس ما شي فايدة كل شي حاولته بس ما نفع شي حتى صرت اتمنى ولو مره وحده يطلب مني بدون ما اطلب انا منه وحتى بتعامله معي ما يقولي كلمة حلوة واحس انه جاف بتعامله معي وحاولت اتكلم معه بهذا الموضوع وكل مره يقولي ما ضروري الواحد يقول كلمه حلوة معني اقوله كلام حلو بس يرد علي بجفاف وحتى بتعاملة ما يحسسني انه يحبني واذا أساله اذا كان يحبني يقول اكيد احبك بس انا ما احس انه يحبني لانه الواحد اذا يحب شخص يحسسه بهذا الحب سوا بالكلام الحلوى والمعاملة الزينة واهتمامه فيه احيانا اجلس اصيح من الضيق الي فيني بس ما يسأل ايش فيك وليش تصيحي واغلب الوقت ماسك تلفونه يراسل اصدقائه واذا اي واحد من اصدقائة اتصل يفرح واذا انا اتصل فيه يبغى يسكر بأي طريقة والله اني تعبت معه كنت قبل كل ما اتضايق منه ارسلة رسالة اوضحلة اني متضايقة منه وانه مقصر معي بس ما يرد علي وما كأني رسلة شي وهذي الفتره صرت كل ما يضايقني احاول اتغاضى عن الموضوع وابتسم له قلت يمكن لو غيرة تعاملي معه وقللت من التذمر راح يتعدل بس بعد ما شي فايدة وانا الحين حامل بالشهر الخامس والله يعلم اني تعبانه من الألم الحمل وضغط دوامي وفوق هذا تعامله معي هوه الحين مأخذ اجازه لمدة اسبوعين يعني يقدر يخلص مشاويره الصباح ويجلس معي بالليل بس لا أغلب الوقت هوه برع البيت لدرجة انه امس كان جالس معي بس ما يتكلم وكأنه متضايق وجلست اسأله اذا متضايق وله فيه حاجه بس قالي ما فيه شي وكل ما اجلس معه يوضحلي انه باغي ينام وهو ينام بالمجلس الظهر وانا بالغرفة وبالليل ننام مع بعض بس ما كأنه نايم عندي هوه بصوب وانا بصوب الله يعلم اني تعبانه نفسين وما عارفة ايش اسوي حتى امس ما قدرت انام كله اصيح واصلي وادعي ربي واقراء قراءن وهوه جالس على تلفونه ذا فيه حد عنده حل لمشكلتي اتمنى تفيدوني انا اعرف انه كل شي بأمر الله والله ادعي ربي طول الوقت ومتأكده انه ربي قادر على كل شي بس انا بحاجتكم من بعد الله عسى تفيدوني واسفه طولت عليك بس حابه ارتاح واطلع كل الي في قلبي والله يسعدكم ويريح بالكم

وانتي يالثانيه ايش الحياه هاذا هاذا الي وصى فيه الله والرسووول الرسوول الهم صل وسلم عليه قال اوصيكم بالنساء خيرا وهو على فراش الموووووت انتي تحتاجي لتدخل سريع وفوري بس ااااااااخ يالقهر في طفل مسكين ويمكن يكوون يتيم الاب لانه ما اعطاكي الحب بيعطي هولدك
شنو مادخل علي الا بعد ثلاث شهووور هاذا مستحيييييييييييييل يكوووون رجااااااال نعم مستحيل كيف حرمه قدامه بكامل زينتها وجمالها لا 23سنه يعني قمه الشباب والدلع ومايحرك فيه ساكن انتي ظلمتي نفسسسك والله بيحاسبك عليها انا مستغربه كيف حملتي؟؟؟؟؟
زوجك اخل بالفطره

[sweet moon]

اخت ماروكو : مو بكل المشاكل الزوجيه الحل يكون الانفصال

الانفصال يكون اخر حل

ومافي شي اسمه كيف حملتي منه !!

وكيف هي ظلمت نفسها خليني افهم وجهة نظرك وتحليلك الشخصي لحاله اختنا !!!

يعني بنظرك الافضل ترجع لاهلها وتقول لو سمحتوا طلقوني منه

مادخل علي الى بعد 3 شهور !!!!

في حل المشاكل الزوجيه

اولا ننظر للمشكله , وبعدها ننظر للحلول المتاحه , وبعدها نبدا بحل ورا حل الين نلقى النتيجه

واذا فشلت وصار الحياه ماتطاق فتطلب الطلاق

اما الاخت زوجها مايضربها ولا يهينها ولا يأذيها اومايصرف عليها

ولا سكير ولا عربيد ولا زير نساء

يعني المشكله محتاجه جلسة صراحه وفهم لنفسيه الزوج وتصرفاته

احنا لحين ماندري ايش سبب تصرفاته عشان تحكمين انها ظلمت نفسها او ان زوجها انسان مايستحق العشره

____________________________________

وانصحك تتروين بنصايحك بمشكلات الاخوات

وتشوفين الحل الامثل لحالتهم وتبتعدين عن التسرع بالكلام لانه ممكن ياثر فيهم ومن بعدها يصير مالايحمد عقباه

لان دايم ردودك متسرعه وفيها من المثاليه والكبرياء والكرامه الشي الكثير

وشكرا

[ماروكوو]

المشاركة الأصلية كتبت بواسطة sweet moon

اخت ماروكو : مو بكل المشاكل الزوجيه الحل يكون الانفصال

الانفصال يكون اخر حل

ومافي شي اسمه كيف حملتي منه !!

وكيف هي ظلمت نفسها خليني افهم وجهة نظرك وتحليلك الشخصي لحاله اختنا !!!

يعني بنظرك الافضل ترجع لاهلها وتقول لو سمحتوا طلقوني منه

مادخل علي الى بعد 3 شهور !!!!

في حل المشاكل الزوجيه

اولا ننظر للمشكله , وبعدها ننظر للحلول المتاحه , وبعدها نبدا بحل ورا حل الين نلقى النتيجه

واذا فشلت وصار الحياه ماتطاق فتطلب الطلاق

اما الاخت زوجها مايضربها ولا يهينها ولا يأذيها اومايصرف عليها

ولا سكير ولا عربيد ولا زير نساء

يعني المشكله محتاجه جلسة صراحه وفهم لنفسيه الزوج وتصرفاته

احنا لحين ماندري ايش سبب تصرفاته عشان تحكمين انها ظلمت نفسها او ان زوجها انسان مايستحق العشره

____________________________________

وانصحك تتروين بنصايحك بمشكلات الاخوات

وتشوفين الحل الامثل لحالتهم وتبتعدين عن التسرع بالكلام لانه ممكن ياثر فيهم ومن بعدها يصير مالايحمد عقباه

لان دايم ردودك متسرعه وفيها من المثاليه والكبرياء والكرامه الشي الكثير

وشكرا

انا ماقلت الانفصااال لازم احد من اهلها يتدخل
ولييش الوحده تتزوج عشان تمتع معه بعلاقه الله شرعها لها بالحلااال ولا بنظرك يا اختي الكرريمه عييب تناقش معه هالمواضييع
نفسك الله يحاسبك فيييها لانك رضيتي لها بالذل وزوجها يا اختي الكررريمه لايقدس الحياه الزوجيه هاااذا لعوووب ولا وين كلام الله والرسوول لاتهجروهن فوق اربع ليالي
يعنني بنظرك ياحللوه مشكلتها عاديه ومايحتاج اهلها يتدخلوون يعني انتظر لين يظربني ولا يسكر عشان ازعل واسووي سالفه وبنظرك حياتها معه ليست بالمهانه
ولازم اكوون بنظر نفسي انسانه استحق اقلها حقووووق شررعيه وين الحقووق بنظرك هجران ولامبالي ولاصحابه وجواله الاهتمام الاكبر ووين خيركم خياركم لاهلكم وين الحقوووق هاذي جاوبيني
قلبي يتقطع عليها لاني متزوجه وزيها بنفس عمرها وماتوقع في قووه بالدنيا تجبرني اكمل حياتي الغاليه بنظري مع انسان يهجرررني وهو بطرف السرير وانا بالطرف الثاني ولايقدر ولا يحترم ولايمشي بمايرضي الله والرسوول معي انتي حطي نفسك بمكانها وش التصرف الي بتتصرفيينه انا من طبعي ما اتدخل بمشاكل زي كذا لاكن سالفتها حركت فيه الكثييير
انا مستعده ما اتدخل بس تطلب مني صاحبه الموضووووع انتظر ردها

[الوفاا طبعي]

يالله والله انك وجعتي قلبي ياقلبي اصبري شو راح تسوي هاذا في الاخير زوجك والله المستعان استغفري قد ماتقدري انا كل مايحصل بيني وبين زوجي شيء يزعلني لدرجة اني ابكي اقعد استغفر والله مايتم لحظات الا وكل شي رجع والله تقول شي رباني من رب العالمين (اقتنعت كل شي نريدة بس نستغفر كثيييير ) وربنا يهون عليك

[نبعة الحب]

ما اعرف كلام البنات معقولة ؟
طيب هو مجبور انا عمري ما سمعت ان في رجال ما يحب ينام مع زوجتة؟ مستحيل وبقى 3 شهور بعيد عنج اكيد في سر كبير ربنا يهدي زوجك تصرفاتة مو طبيعية

[دروووب]

تسلموا حبيبتي على الردود والله يسعدكم دنيا واخره - وانا هذا الي بسوية بخلية فحاله وبسوي واجبي اتجاه كزوجه واهم شي رضى ربي - حبيبتي جارة القمر انا سألته اكثر من مره بس ما يجاوبني -halawa الله يصبرك ويصلح زوجك وزوجي وازواج كل المسلمات يارب ويهديهم أميييييييييييييييييين

[دروووب]

حبيبتي ماروكوو مشكوره على الرد بس انا للحين ما اعرف ايش سبب تعامله معي بهذي الطريقه وهو ما كان مجبور لمن تزوجني بالعكس هذا كان بإرادته وانا تكلمت مع زوجة اخوه وهيه خبرة زوجها عن الموضوع وكلمه تعدل فتره ورجع مره ثانية على حالته بس كل ما ازعل معه واروح عند زوجة اخوه حتى لو ما اخبرها لما ارجع البيت ويعرف اني كنت عندها يعيرني كيف عاد خبرتيها وصرت ما اشكيلها عن اي شي يصير معي وانا افضل اني اصبر عليه عسى الله يهديه وفالنهاية الأجر عند رب العالمين وما ممكن اطلب الطلاق والحين بيجين ولد وابغض الحلال عند الله الطلاق انا الي بغيته انه حد يواسيني في مشكلتي ويحصلي حل فيها وطريقه عشان اتعامله معه فيها ويتعدل

[انت لي وبس]

المشاركة الأصلية كتبت بواسطة دروووب

حبيبتي ماروكوو مشكوره على الرد بس انا للحين ما اعرف ايش سبب تعامله معي بهذي الطريقه وهو ما كان مجبور لمن تزوجني بالعكس هذا كان بإرادته وانا تكلمت مع زوجة اخوه وهيه خبرة زوجها عن الموضوع وكلمه تعدل فتره ورجع مره ثانية على حالته بس كل ما ازعل معه واروح عند زوجة اخوه حتى لو ما اخبرها لما ارجع البيت ويعرف اني كنت عندها يعيرني كيف عاد خبرتيها وصرت ما اشكيلها عن اي شي يصير معي وانا افضل اني اصبر عليه عسى الله يهديه وفالنهاية الأجر عند رب العالمين وما ممكن اطلب الطلاق والحين بيجين ولد وابغض الحلال عند الله الطلاق انا الي بغيته انه حد يواسيني في مشكلتي ويحصلي حل فيها وطريقه عشان اتعامله معه فيها ويتعدل

حبيبتي ماشاء الله عليك انتي مبين من تصرفك وكلامك انك انسانه فااهمه وعقلك كبير ربي يسعدك بحياتك
بس نصيحه ماتشكين لاحد من اهله لانك ماتدري وش السبب ربي يصبرك ويكتب لك اجر صبرك

[دروووب]

وحتى امس سألته هل انا قصرت معك بشي أو زعلتك بشي قالي لا قلتله عيل ليش تعاملني كذا ما رد علي وقالي روحي نامي قلتله اهم شي انا ارتحت لاني ما مقصره معك بشي ولا زعلتك ورحت اصلي واقراء قراءن ونمت