أرجو المساعدة (مشكلتي مع زوجي)

[دروووب]

مرحبا أخواني وخواتي ارجو منكم المساعدة ولو بدعوة انا صارلي متزوجة سنة ومن اول ما تزوجت وزوجي مقصر معي اول ما تزوجنا زوجي ما دخل علي الأ بعد ثلاثة اشهر من زواجنا مع اني كنت احاول معه وأكلمه بالموضوع بس ما فيه رد وبعد كذا ابدا ما يقرب صوبي الا اذا انا طلبت منه واكثر الأوقات الي اطلب فيها يرفض ويقول ما لي نفس وكأني جالسه اطلب شي ما من حقي والله يعلم اني اتزينله والبس واحاول اتقرب منه بس ما شي فايدة كل شي حاولته بس ما نفع شي حتى صرت اتمنى ولو مره وحده يطلب مني بدون ما اطلب انا منه وحتى بتعامله معي ما يقولي كلمة حلوة واحس انه جاف بتعامله معي وحاولت اتكلم معه بهذا الموضوع وكل مره يقولي ما ضروري الواحد يقول كلمه حلوة معني اقوله كلام حلو بس يرد علي بجفاف وحتى بتعاملة ما يحسسني انه يحبني واذا أساله اذا كان يحبني يقول اكيد احبك بس انا ما احس انه يحبني لانه الواحد اذا يحب شخص يحسسه بهذا الحب سوا بالكلام الحلوى والمعاملة الزينة واهتمامه فيه احيانا اجلس اصيح من الضيق الي فيني بس ما يسأل ايش فيك وليش تصيحي واغلب الوقت ماسك تلفونه يراسل اصدقائه واذا اي واحد من اصدقائة اتصل يفرح واذا انا اتصل فيه يبغى يسكر بأي طريقة والله اني تعبت معه كنت قبل كل ما اتضايق منه ارسلة رسالة اوضحلة اني متضايقة منه وانه مقصر معي بس ما يرد علي وما كأني رسلة شي وهذي الفتره صرت كل ما يضايقني احاول اتغاضى عن الموضوع وابتسم له قلت يمكن لو غيرة تعاملي معه وقللت من التذمر راح يتعدل بس بعد ما شي فايدة وانا الحين حامل بالشهر الخامس والله يعلم اني تعبانه من الألم الحمل وضغط دوامي وفوق هذا تعامله معي هوه الحين مأخذ اجازه لمدة اسبوعين يعني يقدر يخلص مشاويره الصباح ويجلس معي بالليل بس لا أغلب الوقت هوه برع البيت لدرجة انه امس كان جالس معي بس ما يتكلم وكأنه متضايق وجلست اسأله اذا متضايق وله فيه حاجه بس قالي ما فيه شي وكل ما اجلس معه يوضحلي انه باغي ينام وهو ينام بالمجلس الظهر وانا بالغرفة وبالليل ننام مع بعض بس ما كأنه نايم عندي هوه بصوب وانا بصوب الله يعلم اني تعبانه نفسين وما عارفة ايش اسوي حتى امس ما قدرت انام كله اصيح واصلي وادعي ربي واقراء قراءن وهوه جالس على تلفونه ذا فيه حد عنده حل لمشكلتي اتمنى تفيدوني انا اعرف انه كل شي بأمر الله والله ادعي ربي طول الوقت ومتأكده انه ربي قادر على كل شي بس انا بحاجتكم من بعد الله عسى تفيدوني واسفه طولت عليك بس حابه ارتاح واطلع كل الي في قلبي والله يسعدكم ويريح بالكم

[دروووب]

مرحبا حبيبتي sweet moon اسفة بس تو قريت القوانين انا عمري 23 سنه وزوجي عمره 31 سنه وهو يكون ولد عمت ابوي

[sahab]

ما دخل علي الأ بعد ثلاثة اشهر من زواجنا ؟؟؟

زوجك وحدة من الثلاث

يا انه مريض اومووش طبيعي او انه يخربط !!!!!

مالك الا الدعاااء

وحاولي لاتكلمين احد بهالموضوع

لانه حساس ويمكن تكثر فيه الاقاويل والكلام عليك او عليه

كنت خاشة زائرة بس شفت موضوعك قلت لازم ارد

الله يعينك ويهديه ويسخره لك ياارب

[آجمل آنسآنه]

آنآ آعرف وحده مثلك تمام بس هي كانت تعرف ان له علاقه مع وحده
تخيلي صار موقف معهم قلب صار يبوس رجولها من كثر الحب
وهي حامل اللحين
تصدقين تهاوش مع جاره واطلق عليه نار
انسجن جلس 6 شهور ولا احد كان واقف معه غير زوجته واخوانها
باعة الذهب حقها مايقارب 20 الف واعطو الجار وتنازل وطلع من السجن
انسان ثاني حس بقيمتها
ومن بيكون مرده له
انتي خليك مثلها صلي وادعي واستغلي اوقات الاستجابه
وربي قادر على كل شي

[دروووب]

شكرا حبيباتي على الردود والله يخليلكم اولادكم وازواجكم ويسعدكم دنيا واخره وان شاءالله راح اكثر من الدعاء والصلاه وربكم كريم

[دروووب]

بس انا ما عارفه كيف اتعامل معه هل اتقرب منه واحاول معه ولا اخليه لين ربكم يصلحه

[sweet moon]

ابقولكم وجهة نظري بالموضوع

بس لاتزعلين مني ولا تنجرحين هي بالنهايه مجرد تحليل مني لحاله زوجك

اظن زوجك كان يحب وحده قبلك وناوي يتزوجها والله اعلم

وصار اللي صار وماتزوجها وانخطبتي له وتزوجتي

فزوجك مو قادر يتقبلك بحياته او انه مو قادر ينسى حبه القديم

فعشان كذا تحسين بجفاف بتعامله

__________________________

او ممكن زوجك مغصوب عليك وكمان الله اعلم

فعشان تحسين للحين مو متقبل هالزواج

_______________________________

في جميع الحالات الحل الامثل

هو انك تتركين زوجك على ماهو عليه

سوي اللي عليك كزوجه وهو مصيره يقتنع انك زوجته وام عياله

وخصوصا بعد ماتولدي بالسلامه

الانسان نساي وكمان قنوع فمصيره يقنع وتعيشوا بسلام

فلا تضغطي عليه وخليها تجي منه

يقول المثل ( كل شي بوقته حلو )

والوتر والدعاء والله يسهل لك

[الله كريم والله]

انا من رائي انه اتركيه لحاله واصلا خلص انتي اعملتي اللي عليكي انشالله عن قريب بتولدي والبيبي رح يغير حياتك وحياته كامله وضالك متوكله على الله بس لا تزعلي ولا تفكري بالموضوع بس فكري بشي واحد في ابنك اللي عالطريق وبس ...الله يهونها عليكي ويصلح حال زوجك وازواجنا يارب العالمين

[جارة القمر]

بصراحه مو عارفة شو ممكن يكون السبب .............لكن ليه ما تسأليه عن سبب تعامله معك بهالطريقة ممكن
يفتح لك قلبه ............الله يوفقك

[halawa]

حبيبتي انا زوجي قبل الزواج كان يحبني بس لما تزوجني كرهني بدون سبب بس لحد الحين مستحملة بداية كنت ابكي كثير بس ويش اسوي هذا نصيبي