حابة افضفض

[دروووب]

مرحبا حوامل شخبارك ان شاءالله تكونو بصحة وعافية - انا ما احب اشكي لأحد غيركم انا حامل في الأسبوع 37 يعني بالتاسع والي اعرفه انه الجماع يساعد على تسريع الولاده وطبعا زوجي ما جامعني من الشهر الخامس لانه كانت عندي المشيمة نازلة بس ارتفعت بالشهر السابع بس زوجي ما يحب يجامعني من قبل ما احمل كنت اعاني من هذي المشكلة بس دائما كنت احاول معه احيانا تنجح ويجامعني واحيانا يخليني انام زعلانه وامس طلبت منه عشان يسهل علي لاني تعبت من ثقل الحمل وكنت احاول اتقرب منه بس صدني وقالي روحي عني اريد انام والله اني انقهرت وتفشلت وطلعت من الغرفة وانا ابكي من الضيقة الي فيني ما يكفي تعب الحمل الا هوه زادني بس جلست اصلي واقراء قران والحمدالله حسيت براحه شوي ورحت انام بس كل الي اتمناه ان الله يهدي زوجي ويسخره لي ويقربه مني اكثر لاني احس انه حياتنا ماله معنى مع بعض والله يسخر كل الأزواج لحريمهم ويسهل علي ولادتي ويسهل على كل الحوامل ويرزق كل محرومه
أميييييييييييييييييييييييين
واسمحولي طولت عليكم وازعجتكم معي بس انا ما احب اكتم شي في قلبي وقلت افضفض معكم لاني متأكده اني برتاح

[مهره الدنيا]

الله يصبرك ياقلبي

يمكن يكون مضايق او تعبان او في مشكله لاسمح الله

ادعي الله واكثري من الاستغفار والصدقه

والله يسهلك زوجك ويريح قلبك ويسعدك

وينور طريقكم ياااارب

وان شاءالله تولدي بالسلامه وتملى حياتكم

الفرحه والسعاده

والله يسهلك ويقومك بالسلامه ياااااارب

[دروووب]

مرحبا مهره الدنيا تسلم حبيبتي على الرد والدعوه والله يسعدك دنيا واخره

[نور الجنوب]

لاحول ولا قوة الا بالله
وربي يالرجال بعضهم مايخافو الله .غريبه من زوجك من الشهر الخامس ماقربك .انتي اجلسي معاه واتكلمي قولي ليش ماتبغى تقربني فيني شي صارحني قوليلو انا ليش اتزوجتك عشان اطبخلك واغسل ملابسك واقوم بالبيت ولمن اطلب منك الي حلله ربي ليا تمنع قوليلو اذا موعاجبك الوضع معايا وديني بيت اهلي ....بس خوفي لاتصدقي عاد والله من جد ..الله يهديه زوجك ويجعله يوموت فيكي يارب
بس انا اقول شكلو زوجك متزوج لان الرجال مستحيل مايقرب حرمتو الا معاه شي
الله يفرج عنك ياقلبي وحاولي انك تطنشيه بعد ماتجلسي تتكلمي معاه وربي مايبغالهم الا كذا

وعليكي بالاستغفار ياقلبي الله يوفقك ويسعدك ويحفظلك النونو الي في بطنك

[امه الله 2]

حاسه فيكي حبيبتي الله يسخر لنا ازواجنا ويهديهم يمكن عليه مشاكل او ديون او مهموم ادعي ربنا يرد زوجك لك ردا جميلا والله مع الصابرين الله يهديهم حبيتي

[دروووب]

مرحبا حبيبتي نور الجنوب تسلمي على الرد والله يسعدك دنيا واخره - الله يعلم اني حاولت اتكلم معه اكثر من مره بس ما فيه فايده وسألته مثل ما قلتي اذا فيني شي ما عاجبه بس يقول ما فيه بس انه ما له نفس يمارس الجماع ليش ما ادري أقترحت عليه يروح عند دكتور يمكن يكون عنده نقص بالهرمونات بس كل مره يقولي بشوف وما يروح والله اني حاولت كل الطرق بس ما فيه فايده ما باقيلي غير اني ادعي ربي يسخره لي والله كريم ويسخر كل ازواج الحريم لهم

[دروووب]

مرحبا امه الله 2 مشكوره فديتك بس الي انا اعرفه انه ما عنده ديون ولا مشاكل بس يمكن فيه عنده شي وما يريد يخبرني مع العلم انه زوجي ما من النوع الي يفضفض اذا صار معه شي والله يسمع منك ويسخر لنا ازواجنا ويهديهم والله يسعدك دنيا واخره

[كلاسيك]

حصني نفسك وزوجك ودايما شغلي سورة البقرة في البيت بصوت عالي
ثانيا
حاولي تلبسي اشياء مغرية قدامة مثلا بجايم قصيرة او ملابس عارية بس مو قمصان نوم وتجولي في البيت ولا تبيني انك تبي شي
وتحركي قدامه كثيير
وحركات حريم عاد تعرفينها
وجربي انك ماتبيني له انك تبين هالشي منه
بس سوي حركات اغراء وانك مو قاصدتها
مثال بسيط
دنقي تحت طاولة وانتي لابسه قصير كانك تبين تاخذين شي وخليه خلفك >> اسفة على المثال بس للتوضيح فقط لاكثر

والله يسخر لك زوجك يارب

[MS.JOJO]

عادي ترا .. ممكن خايف عليك بس ما يبي يبين لك
او مستقرف من البطن . وفي رجال كثييير كذا ..

اعرف وحده زوجها ما لمسها من حملت الى بعد النفاس .

[روز بااريس]

انا مع الاخت اللي فووووقي وبقووووة

وبالعكس زوجك عجبني هذا دليل انه يفكر في صحتك وفي النونو ماهمه غريزته وبس

لاتغرينه ولاشي خليها بعد الولاده فكري في نفسك بس

وان شاء الله الله بيسهل عليك وتولدين بدون جماع ولا غيره

احنا جماعتنا كلهم من تدخل التاسع تروح لاهلها وتولد الحمدلله بدون جماع

الله يقومك بالسلامه