زوجي قاسي معي بليز ساعدوني

[روح خآلـد]

كلآم هموسسه صح يعني سوي الي عليك في كل شي بيتك وشكلك بس خليك غير في تصرفاتك يعني خوذي الصمت وسيله ردي عليه بأختصار عامليه مثل معاملته بس فتره بسيطه والله بيرجع يفقدك ويدور الي كانت قبل وأذا سألك قولي مافيني ششي بس أحسس أني لازم أسير كذآ وّأذآ أصر أجلسي جلسه رايقه معاه بدون ماتلتقي عينك بعينه وفهميييه كل شي بس مو ع اساس أنتو احكيله قصتكم ع أشخاص ثانييين ووريه عيوبه بالقصه يمكن هو مو حاس انه مسوي شي وأن شاء الله يتفهمك واهم شي البيبي انتبيهله مو زين هالنفسيه عليه

[رونق الروح]

الله يسخرلك زوجك...... لان عجز لساني عن التعبير

[رونق الروح]

الله يسخرلك زوجك...... لان عجز لساني عن التعبير

[امنيتي بتوأم]

بصراحه ما اقدر اقول الا الله يسخره لك ويرده لصوابه ويعاملك احسن معامله يارب العالمين
وانتبهي لنفسك ولجنينك لأن النفسيه تأثر عليه تحياتي تقبلي مروري بود

[هاله7]

شكرا جزيلا لكل من رد علي وصدقوني والله اني مو مقصرة في البيت مايدخل البيت الا وهو يلق لق وانا مبدله واحسن مايكون وبنته نظيفة ومرتبه بس فترة النساه كلها اسبوع او اسبوعين الي طلعت فيها انا اخسأ الخاسئين بس الحين ادوس ع نفسي واسوي كل شي من تنظيف وطبخ وترتيب لمظهري واهتمام فبنته والي فبطني مادري عنه والله حتى احيانا انسى اني حامل واشيل واحط بس بحفظ الرحمن وعلى اني اكعد معه وهو رايق سويتها مليون مرة بس ينكر اسلوبه او يقول هذا اسلوبي عاجبج اهلا وسهلا مو عاجبج كيفج يعني يسكتني غصب وعلى اني مارد عليه انا فطبيعتي هاديه حيل وابد ماعصب وسوالفي ع كد الاجتماعات الي اشوفها الي هو بيت اهله (كل يووووووووووووووووووووم) وبعض الطلعات لقرايبهم لان ماكملت دراستي لان جنسيتي غير ومايقبلوني فالجامعه فما عندي اجتماعات او اصدقاء بس غصب عني لان ماشوف غير اهله وحاولت ادخل معهد كل يوم يقول بكرة وبعدين يقول مااقدر ادخلج غالي اشتركت بدار تحفيظ فصل واحد بالقوة يوديني ع قولة انا تعبان وتوني راد من الدوام ابي انام يوم اداوم وعشر لا
شكرا للكل والله يوفقكم اجمعين يارب

[هاله7]

نسيت اقول لكم من يومين نفسيتي تدهورت حيل لان حيل ودي اسمع كلمة حلوة من اي بني ادم واقرب انسان مايقول لي غير الكلام الي يغث فعصبت ع بنتي وماكان لي خلق اتكلم ابد سالني شفيج قلت له نفسيتي تعبانه رد علي مباشرة الله ياخذج الله يريحني منج يامعقده يا يا يا يا يا ...الخ
خليت ورحت غرفتي ابجي حتى بالجذب قول من اي ايش قول شي يريحني يهديني ابد ,ومن يومين وهو مايكلمني ابد ابد اذا بغى شي قال لبنتي تجي تقولي كأني غلطت معاه شسوي؟
مع اني مرتاحه منه مايكلمني ع الاقل مااسمع كلامه الي يعور القلب بس صرت اتكلم مع الحيطان اهدوني الله يهديكم

[هاله7]

تخيلوا توني اقوله ابي اروح الطبيبه لان من حملت مرة وحده رحت بس مرة وحده ويوم رحت قالت لي عندج فقر دم وقولون حمل وضغطج مررررة منخفض ووصفت لي حليب فيتامين بس ماقدرت اشربه كان طعمه ابد مو طيب ومن ذيك المرة يمكن كنت شهر بس عقبها مارحت وكل يوم يهيج عندي القولون وضغطي ع طووووووووووول منخفض قلت له ابي اروح افحص قال بالعيد اوديج طيب ليش؟انا قلت ليش وهو هجم مثل ركبه جني انا بضربج وانا براويج وانا بادبج ومن هالكلام البنت مسكينه خافت هو شافها خذها وطلع الحين خايفه بس يجي يضربني لانه ضربني كنت شهرين فعادي عنده بليييييييييييييييييييييييييييييييييييييز مالي غير الله ثم انتوا بليز ساعدوني؟

[أم لارين]

الله يصبرك و يعينك
بعدين حرام عليك تعصبين على بنتك هذى فلذت كبدك
المفروض تعطيهااا حنان أكثر و تعوضيها
من صراخ أبوها إللى دائماً تسمعه
و حرام كمان تهملى صحتك و صحة جنينك حتى لو هو رفض
يوديك أطلب أي شخص قريب يوديك للمشفي تتطمنين
على صحتك و صحة الجنين بكره لو يصير فيه شى أو شخص
بيتضرر أنت ..
أكثري من الإستغفار أختى و ربي يفرج عليك ..

[امونه.~]

حبيبتي انتي لازم بعد ماتهتمين لامره وربي راح يحس............
لانه هو انتي تهتمين هو مايهتم فاعادي بنسبه له....بيقول بنفسه اهم شي هي تهتم فيني
بطقاق هي....اسمعي ياقلبي انتي لاتسوين له ولاتفعلين له..واذا قالك ليش وليش...
قولي له انت مجبور تسوي لي وتفعل لي...ولا ماخذني حق تخليني خدامه ومنطمه..
تراني مشاعر وروح....حس فيني شوي .....واتركي له البيت شهر شهرين وقسم راح يحس فيكي...صدقيني...من دام قلتي يحبك ..يحبك بس مايحب يفرض حبه عليك .لانه بعض الرجاجيل اذا فرضو حبهم لحريمهم يعتقدون هم ثيران او من هالقبيل بس انتي لاتسكتين عن حقك طيعيني ولاتدخلين احد بينكم مهما صار...

[ღ..وســـــن..ღ]

المشاركة الأصلية كتبت بواسطة همسة دلع

عن نفسي اشوف وااحد بهذا الاسلوب تعااملي معااه بطريقه تليق فيه
اهم شي طبعا حافظي على نظافة بيتك واهتمي بنفسك عشاان لا يكون له كلام
وثااني شي تكلمي معااه رسمي لا تطولين الكلام يعني جاوبيه على قد السؤال
وخلك كتومه حتى لو ما لقيتي احد تشكين له عاادي تحملي لو تجيبين دفتر وتخلينه مذكرات يوميه تطلعين كل اللي في خااطرك
لاكن هو خلي معاملتك معااه عاادي عشاان يفتقدك واذا سالك ليش صرتي كذا قوليله اذا تكلمت تقلل مني احسن شي اكون سااكته
والله يكون بعونك ويحنن قلبه عليك

انا معها

يوم من الايام تكشخي كشخه مغررريه جدا وطنشيه روحي رتبي ولا سوي شي يشغلك عنه بس خليه بالاول يشوفك وخلك كاتمه

وخليه يقعد لحاله راح يجيك يضحك ويحاول يضحكك وهيك انتي طالعيه ويعبي عليه بشي مثلا قولي له يووه توني انتبه ان خشمك كبييير وهو بيسكت ويتحطم

ولاسكت قولي له ادري جا بخاطرك ترا انا نفس الشي احس ويجي بخاطري لما تعلق علي بطريقه مافيها رومنسيه انا مراه ومحتاجه لرومنسيتك واذا ماتبي تدلعني ولاتعطيني رومنسيه هذا انا قدامك جسد تبيه خذه جسد بدون مشاعر حاولت بكل الطرق معك عشان تحس بشعوري ومع ذلك احس انك ماتهتم

وبسسسسسس اسكتي ولاتكثرين معه حكي

لاتجلسين معه جلسه عصير وروقان بعدين تفتحين معه الموضوووع غلللللللللللط

لان انتي كذا تخلينه من البدايه اصلا اول مايسمع كلامك يطفش ومابيسمعك ولاراح يهتم

لان اكيد مو هذي المره الاولى الي تكلمينها فيه عن اسلوبه

فزوجك مابينفع معو الا انك تقابلينه بالمثل وسوي زي ماقلت لك وشوفي راح تلاقينه

كم يووم كذا ساكت ويفكر بس يمكن يتغير شوووي طبعا ماراح يتغير بكل شي

بس اذا حسيتي بتغييير ع طوول امدحيه وقولي له انا مبسوطه معك وكلامك مرره يجنن وهيك من الحكي واكثر

مو تقولين له زين انك تغيرت ااو شي مثل كذا ترا اذا حسستيه انك انتبهتي لتغيييره راح يرجع مثل ماكان

من شان هيك امدحيه تغيره وبالغي بالمدح وكل ماتغير هيك امدحيه وسوي له ليله ماينساها

وراح ينبسط ويفك شوي من عقدته

حنا مشكلتنا بالخليج خصوصا معلمين بناتنا ورجالنا منذ الصغر ع التحطيييم

وان عيب الواحد يطلع مشاعره لانه بيكون ضعيف وبمعنى اخر عندنا خروف

فلا تلووومينه هذا مو منك ولامن تقصيرك هذا من اهله وتربيتهم فيه