زعلها زوجها وبذكاء منها خلته وبالقوة يبوس يدها ورأسها

روح خآلـد · 03-13-2011, 12:57 AM

زعلها زوجها وبذكاء منها خلته وبالقوة يبوس يدها ورأسها

هالموضوع منقول قلت خليني انقله لكم عشان الكل يستفيد
بس اعجبني وحبيت انكم تطلعون عليه

ذكاء حرمه زعلها زوجها وخلته وبالقوه يبوس ايدها وراسها

:بداية القصه

والله يابنات حسيت روحي صرت حرمه فاهمه وعاقلة
على عكس قبل كنت مااقدر اسيطر على اعصابي ودايما لساني وعصبيتي تغلبني وبالتالي كلشي ينقلب ضدي :

فالبدايه كنت زهقانه وايد لان زوجي صار له فتره مشغول واايد وماعنده وقت حتى يجلس معاي اففففف
يوم الاربعاء خبرني ان الخميس فاضي ياسلااام

تفقنا نطلع ليلة الجمعه نروح مطعم ولا اي مكان بس
قال لي مابنطول برا قلت مو مشكله :

يوم الخميس كنت متشققه لان بنطلع وقاعده ارتب
للطلعه ماتغديت ثقيل على اساس اتعشى براحتي واتصلت لامي عشان اصرف ولدي ههههههههههههههه
جهزت عباتي وقررت شنو بلبس
وكويت لزوجي ثياب

على المغرب كنت جاهزه مو باقي الا اتصال منه عشان البس

جاني الاتصال

اسف حبيبتي مابنقدر نطلع الربع متصلين لي واصرو علي نتعشى مع بعض !!!!!!

<<<اختكم صارت جذي

قلت له بكل برود وعلى غير عوايدي خخخخخخخخخ اوك حبيبي خذ راحتك

فكرت في طريقه احسسه بالندم واحسسه اني كنت محتاجه الطلعه ومحتاجه اكون معاه

قمت ودخلت المطبخ وسويت كيك وحلا عل سريع وجهزة دلة القهوه والشاي
اتصلت لاخو زوجي الصغير قلت له تعال فوق ابيك
لمى جاء عطيته الاغراض قلت له ودهم الديوانيه الي يقعد فيها اخوك <<يعني زوجي

وكتبت فكارت صغير <<حبيبي ابيك تستانس مع ربعك واتذوقهم شغل زوجتك
ونهاية الكرت ((( استانس بوقتك احبك ..))) حطيته بضرف وقلت لاخو زوجي يعطيه هل كرت بدون محد يشوف

سويت عشاي وتعشيت مع ولدي وقعدنا نطالع تلفزيون حسيت بالتعب عل الساعه 11 وكان زوجي للحين مارجع

رحت نمت مع ولدي قعدت الصبح من النوم

كان يوم الجمعه اجازه لقيت زوجي مو جمبي وولدي مو بسريره بس تدرون شنو لقيت جمبي
ورده وبطاقه مكتوب فيهى :iحبيبتي: اليوم عازمك على الغدء في المطعم الي تحبين اكله وبعدها راح نروح الملاهي انه وياج بدون الولد

شوي واله زوجي داخل علي يقول لي حياتي مجهز الفطور حابه تتفطرين معاي؟

سالته وين الولد قال وديته عند امج ووديت كامل اغراضه وقلت لها تخليه ينام عندهم الليله

بعد الفطور طلعنا رحنا المطعم وجلسنا نسولف ساعتين او ثلاث وبعدها رحنا الملاهي واستانسنا وااايد

عل مغرب رجعنا البيت قال بيروح يصلي بالمسجد وانا كنت بالبيت
رجع من الصلاه يقول لي شيلي لي بدلتين وبجامه في شنطه وشيلي لنفسج ملابس بعد !!!!!!!!

تتوقعون ليش ؟

يقول عازمج الليله في فندق نقضي فيه ليله حلوه ونغير جو

ياااااي ماتوقعت الكيكه والحلا الي ماكلف من وقتي اكثر من ساعه بتسوي فيه كل هذا وناااسه من قلب

بالفندق باس راسي ويدي قال لي سامحيني ندمان على الي صار امس ماتوقعت انج تفضلين راحتي على راحتج هالكثر

وتوته توته خلصت الحدوته ...

روح خآلـد · 03-13-2011, 03:47 AM

21 مشـآهدة ولآ رد وآحد

xRano0x · 03-13-2011, 05:04 AM

هع هع هع
حمااااس القصصصه بس مااظن اسويهاا يممه تخيلت نفسي وربي يمكن يطقلي عررق .
هههههههههههههههههههه
والله رجالنا يموتو فينا بس يبوون نقلهم حااضر وطيب وع طوول يبوس رجليك
بس احنا مانقددر هادي المشكله ..
هع هع
عموما تسلمــي ياروووحي روووعه القصصصه ..

كـــبرياء دمعـــة · 03-13-2011, 05:44 AM

ههههههههههههههههههههههه
اكيد ادور رحته بعدين انا اهم حيتي يكون مرتح
الله لايعطيك العافيه يارب
قصه تجنن

um 3bed&tala · 03-13-2011, 06:49 AM

فكرة رائعة جدا

تويكس · 03-13-2011, 07:06 AM

الله حلوه طريقتهاا بس مافيني صبر لو انا ابعصب عليه واتصل على امي واقولها واضل الليله كلها مرتفع ضغطي ومستحيل انام من العصبيه واذا رجع اسويله محظر خخخ الله يهديني زين القصه استفد ت منهااا --ابتادب خلااص ابرووق
يعطيك العاافيه

اخت العرب · 03-13-2011, 07:29 AM

ماشالله عليها الله يهمنيها ياااااااااااارب دايما

سموة المشاعر · 03-13-2011, 11:58 AM

هههههههههههههه من جد ذكيه بس من جد احنااا مثل ماقالت رنوووو بيطق لي عرق وبعصصصصب بس فكره حلوه يمكن اسويها عشان يندمم هع
يسلموووووووووووو

طبيبة القلوب · 03-13-2011, 12:10 PM

هههههههه
لا معلش مع احترامي لزوجي ...
لو عملت اللي انتي عملتيه ,,اقسم بالله ما يكافئني كذا ,,,,,
والله ولا كانه صار شي ,,وبالعكس يمكن الاسبوع الجاي يعمل نفس اللمة بالديوانية
ويقولي ,,,,,, وين الكيك زي حق الاسبوع الماضي ؟؟؟

زوجي واعرفه

ام جنى2009 · 03-13-2011, 03:36 PM

اقتباس:

المشاركة الأصلية كتبت بواسطة طبيبة القلوب

هههههههه
لا معلش مع احترامي لزوجي ...
لو عملت اللي انتي عملتيه ,,اقسم بالله ما يكافئني كذا ,,,,,
والله ولا كانه صار شي ,,وبالعكس يمكن الاسبوع الجاي يعمل نفس اللمة بالديوانية
ويقولي ,,,,,, وين الكيك زي حق الاسبوع الماضي ؟؟؟

زوجي واعرفه

صح 100%هههههههههههههه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حلبه قصيميه بالسكر هي بعد الله( علاج الظهر )	ايلاف	منتدى فترة النفاس	10	11-30-2014 11:40 PM
للزوجات حركه تسوينها تخلي زوجك يبوس راسك	عاشقة طيور الجنه	منتدى الحياة الأسرية والزوجية	32	11-25-2012 09:34 AM
شاب يبوس بنت قدام الهيئه والشرطه ولا يتجرئ احد يصيبه	سوسهs	ملتقى عضوات حوامل	15	11-04-2012 07:43 PM
حركة تفعلينها تجعل زوجك يبوس راسك ...	Om KHaled	منتدى الحياة الأسرية والزوجية	23	09-17-2011 03:02 AM
حآبه أسآل عمن حركة البيبي؟!	كرملآ	إستفسارات حوامل من الشهر السابع إلى الشهر التاسع	6	02-21-2011 08:55 PM