ألذوأطيب الطبخات السورية

[وردة سورية]

الفريكة من أطيب المأكولات السورية
وهي صورة عن شكل حبة الفريكة مشان تتوضح للي ما يعرفها هي بتشبه حبة البرغل لكن هي لونها خضرة



المقادير -تكفي لخمسـة أشخاص
نصف ملعقة صغيرة من البهار أو الفلفل الأسود
ـ نصف كأس من الصنوبر المنقى والمحمص بسمن نباتي
ـ نصف كأس من اللوز المقشر والمحمص بسمن نباتي
ـ كأسان من الفريكة
ـ دجاجة واحدة أو نصف كيلو غرام من لحم الغنم،
ـ بصلة مقشرة
جرزة بقدونس
ـ ملعقتان كبيرتان من سمن نباتي
ـ ملعقة صغيرة من الملح
...............................
طريقة التحضير

يقلى اللحم أو الدجاج بملعقة كبيرة من السمن حتى يحمر من كل جوانبه، يغمر اللحم أو الدجاج بالماء، وتضاف إليه البصلة المقشرة، والملح والفلفل الأسود والبهار اللي تستخدميه في طبخك وخمس حبات من الهيل وورقة غار ويترك على نار متوسطة حتى ينضج، يحتفظ باللحم أو الدجاج جانباً ويصفى المرق، تنقّى الفريكة من الشوائب ثم تغسل وتصفى، يوضع مرق اللحم أو الدجاج على النار مع ملعقة متوسطة من السمن ويصحح ملحه، عندما يبدأ المرق بالغليان تضاف الفريكة المغسولة والمصفاة ويعير ماؤها ليكون ارتفاع الماء أعلى بمقدار إصبعين من مستوى ارتفاع الفريكة، تترك على نار متوسطة حتى تبدأ بالغليان ثم تخفف النار تحتها ويراعى عدم تحريكها أثناء الطهو،تترك لمدة ساعتين ونصف حتى تستوي جيدا
تحمر ملعقة من السمن وتوضع فوق الفريكة الناضجة، تقدم ساخنة مزينة باللحم المقطع أو بقطع الدجاج مع اللوز والصنوبر
تقدمي معها مرقة الشاكرية او بدلا عنها اللبن مع الخيار او السلطة كما تفضلين انتي

هي شكلها باللحم


.....لا تنسوني من دعائكم وصحتين وهناا
اتمنى أن تكون الطريقة واضحة

[وردة سورية]

اليوم جايبلكم أكلة حراء اصبعو
المكونات 2 /1 1 كوب عدس أسود مسلوق بست أكواب ماء
٤ بصل كبير
٢ باقة كزبرة مفرومة و مغسولة
عصير ٢ ليمون
فص ثوم مقشر و مدقوق
... ملعقة كبيرة دبس الرمان
١ ملعقة صغيرة ملح
للعجين:
١ كوب طحين +رشة ملح +ماء للعجين

طريقة التحضير يقلى البصل بزيت نباتي حتى يحمر.
في مقلاة أخرى يقطع الثوم مع الكزبرة قلي سريع على نار قوية حتى تذبل الكزبرة سريعاً.
يضاف الملح و الثوم و الكزبرة و ١/٢ كمية البصل المقلي للعدس و يطهى على النار.
ثم يضاف دبس الرمان و عصير الليمون و يترك المزيج على نار هادئة لمدة ١٠ دقائق تقريباً.
في هذه الثناء تصنع العجينة و ترق على سطح مرشوش طحين.
تقطع شرائح طويلة بواسطة سكين حاد و يقطع عدد من الدوائر للزينة.
يقلى العجين الدائري بالزيت و يوضع جانبا للزينة.
توضع الشرائح الطويلة مع خليط العدس وتقلى لمدة ٥ دقائق تقريباً.
يصب الحراء أصبعه في طبق التقديم و يزين بالبصل المقلي و قطع الخبز الدائرية المقلية.
وصحتين وعافية

[زهرة الحب]

اليوم عملت بطاطا بالفروج كتير طيبة وكل الناس بتحبها وخصوصاً الأطفال الصغار بحبوا يقرمشوا وجنبها كريم توم وكتشب هههههههه
المقادير:
كيلو بطاطا مقشر ومغسولة ومقطعة بشكل نص دائرة
معلقتين سمنة
4 فخاد فروج مغسولين ومنظفين
التبلة للفخاد:
معلقةكبيرة ملح
معلقة بهاركبيرة
معلقة كزبرة يابسة كبيرة
4 فصوص توم مهروس
معلقتين كبار دبس فليفلة
مقدار فنجان زيت زيتون
معلقة من زنجبيل
معلقة جوزة الطيب
عصير ليمون ليمونة واحدة
نتبلهن جيدا بحيث ينخلط المكونات مع بعضها ويتشرب الفخاد واتركيها 3ساعات بالبراد
إذا اكتر رح تعطي طعمة مرار بسبب الليمون
هي الصورة الفخاد وهنن متبلين




نحط الفروج بالبراد ونتركه لحتى يتشرب كافة التوابل
طبعاً منكون جهزنا البطاطا ومقطعة نسحب الفروح من التبلة وناخد التبلة ومنحطها للبطاطا نضيف ملح وبها نخلط البطاطا كمان
نوزعها بصينية الفرن ونحط الفخاد فوقها ونحط معلقتين سمنة فوق الصينية نحطها بالفرن على حرارة عالية لمدة نص ساعة أو اكتر حسب الفرن أو بس يستوي الفروج
صحــــــــــــــــــــــــــــــــة وهنــــــــــــــــــــــــا
يارب تكون عجبتكن

[زهرة الحب]

وردة حبيبتي تسلم ايديكي ياعسل شو هالأكل الطيب انا بحب الفريكة كتير
منظرها بشهي كتير حلو

[وردة سورية]

يا سلام عليكي يا زهورتي والله شكلها روعة
زوجي كتير بحب البطاطا
وراح جرب هي الطريقة
الله لا يحرمنا من طبخاتك

[زهرة الحب]

الله يسلمك ياعمري يالله طيريله عقله لزوجك متل ماانا طيرت عقله لزوجي هههههههه

[وردة سورية]

المشاركة الأصلية كتبت بواسطة زهرة الحب

الله يسلمك ياعمري يالله طيريله عقله لزوجك متل ماانا طيرت عقله لزوجي هههههههه

ههههههههههههههههه اكتر من هيك خايفة يظلوا بلا عقل بعدين
هههههههه يحرء حريشك ضحكتيني
تئبشي قلبي

[وردة سورية]

راح اطعميكن اليوم فتة تسقيه بالسمنه وهاي فطور شامي كل يوم جمعه بتلاقي سوريا كلها بتفطر هيك
اول خطوه بنفت الخبز مشان هيك اسمها فته (بنقطعه )احجام شوي صغيرة



وبزبديه بنحط علبة حمص مطحون وعلبة لبن زبادي وشوية طحينه سائله وملح وحمض الليمون




وبنخلطن منيح ليصيرو متل الكريمه




بنغلي علبة حمص حب مع المرقه تبعتو



وعلى الخبز المقطع بنحط شوية مرقه مع الحمص الحب ونضيف نص كمية الخلطه يلي بالزبديه فوقهن مع ملح عصير ليمون واهم شي الكمون

وبنخلطهن بسرعة عشان الخبز ما يتبل كتير ويبرد




وبس خلطناهم بنضيف النص التاني وبنسوي السطح املس ما بنخلي الخبز يبين




وهلا بنحط السمنه على النار لحتى تقدح يعني تحمى كتير



ولبين ما السمنه تحمى بنزين الطبق بالحمص الحب والكمون والسماق والقدونس

مهلا بتكون السمنه حميت بنديرها بالتوزيع على الطبق بشويش عشان ما تنحرقوا

وبيتقدم جنبها المخلل والفجل وممكن بصل اخضر وابيض



وبكون شكلها هيك




وهاي صورة عن قريب



وممكن تتزين كمان بقطع صغيرة من الخبز المقلي والصنوبر




ان شاء الله تكون التسقيه بالسمن عجبتكوا

وعلى فكره انا ما بهمني التقيمممممممممم (مزحه مزحه )

[زهرة الحب]

ياااااااااااااااااااااااااسلام ياوردة فرطتلي ريقي على هالفتة تسلم إيديكي ياقمررررر

[زهرة الحب]

أوزي أطيب اكلة مع كاسة لبن
المقادير :
رقائق العجين (أبو اللبن)
ربع كوب سمنة
الحشو:
نص كيلو لحمة
ملح وفلفل أسود معلقة كبيرة
رز نص كليو منقوع وجاهز للطبح
مكسرات مشكلة ومحمصة بالسمنة
كوب بازلاءخضراء
الطريقة:
نقلي اللحمة ونضيف الملح والفلفل ونقلبها حتى تستوي ثم نضيف البازلاء ونقليها مع اللحمة قليلاًنضع ماء مقدار نص كوب نغسل الرز ونصفيه نضع معلقة من السمنة بالماء المغلي ثم نضيف الرز ونتركه حتى يستوي ثم نكون حمصنا المكسرات بالسمنة ونضعها فوق الرز ونحركه جيدا لكي ينخلط نتركه ليبرد تماما نفرد رقائق ونقوم بدهنها اطرافها بالسمنة
ونحشيها بالرز ونشكل الشكل الذي نرغبه دائرة او اصبعة حسب الرغبة
ندهن صينية الفرن القليل من السمنة ثم نضعها بالفرن على درجة حرارة متوسطة حتى تتحمر قليلاً تقدم مع اللبن
وصحة وألف هنا جربوها مارح تندموا ابدا كتير طيبة وسهلة