هل اترك وظيفتي عشان ما اتطلق ؟

[لهفة حنين]

السلام عليكم ورحمة الله وبركاته
والله أختي مدري إيش أقولك .. بس حبيبتي إنتي شايفه وضعك في البيت وأدرى بيه .. بصراحه الرجال مالهم أمان فلو إنه تعامله كويس ومايسمع كلام الناس فيكي وقايم بواجباته كامله ناحية بيته وأوﻻده .. فمافي مانع تسيبي شغلك عشانه .. لكن إذا كان العكس فلا تسيبي وظيفتك وتحتاجي الناس .. والله الوظيفه الأيام هادي مهمه حتى للمرأه .. وبصراحه أنا مدري بس عن تجربه ﻻقدر الله صار شي بكرا محد حينفعك حتى أهلك ما حيقدروا يتحملوا أوﻻدك .. والرجال يرموا أوﻻدهم وﻻ همهم .. والله أنا مررره ضد إنك تسيبي وظيفتك .. لكن في نفس الوقت أهتمي في زوجك وبيتك وﻻ تخليه يحس بقصور منك .. وقبل كل شي أستخيري الله وبإذن الله ربي يوفقك باللي فيه خير لكي ولأوﻻدك .. الله يوفقك يا عسوله ويسعدك دنيا وآخره ويسخر لك زوجك ...

[أم فروحة]

حبيبتي في هالزمن الناس تدور وظيفة مو تفرط بوظيفة
إياك ثم إياك تفرطين فيها هذي مستقبلك وسندك ووقت الشدة والأزمات تلقينها حتى لو زوجك ضاقت به الدنيا
تكون وظيفتك سند ماتدرين عن الظروف
ودام الموضوع عناد خذيهم بالمسايسة * بالإقناع* ذكريهم بالمستقبل* بهموم ومصاريف الأطفال* أعباء الحياة*
واذا العقدة من أمه فعليك بها* اعتبريها امك ودلعيها وكلميها وأهديها واقنعيها وش تسوين حكم القوي على الضعيف
والمثل يقول: من لم يكن له حيلة فليحتال وانت احتالي عليهم المهم لا تتركين وظيفتك
بعدين غريبة زوجك يخيرك ين طلاقك والوظيفة والله الرجاجيل يستانسون اذا حريمهم موظفات
خلاص انت اقنعيه بالعقل وان وظيفتك هي لمستقبلكم ومستقبل عيالكم لا كبروا وزادت مصاريفهم وطلباتهم
أو واجهتكم مشاكل أو أو أو
المهم زوجك بالاقناع وأمه خذيها بالعوتطف والدلال
والله يسخرهم لك يارب

[ساره 9999]

الله يسعدكم جميعاً ، واحمد الله ان ردودكم جات مطابقة لتفكيري خصوصاً اني استخرت كثير ودائماً أميل لوظيفتي
انا انسانة عاطفية ودائماً امشي ورا عواطفي وبالأخير أندم
لكن هالمره راح امشي مع عقلي ..
انا احب زوجي فعلاً ، واحب اطفالي
لكن الأمان في وظيفتي
يا ماحاولت افهمه وحاولت اقنعه ، لكن للأسف هو حكم الموضوع وانتهى وقرر
كمان هو يكرهني فأقدر مشاعره ... الشخص اذا كره احد يحاول ينتقم منه بأي طريقة
صح ان حصل فراق راح ابكي واتعب لكن انا راضيه بالمكتوب
ولا أنا ولا هو نقدر نرد شي ربي كاتبه
يارب اكتبلي الخير وارضني فيه
انا محتااااااااجه دعواتكم فاذكروني بدعوه في ظهر الغيب .

[سيدة العمر]

الله يعينك ياشيخة... هاليومين هدول لا اهل يفيدون ولا زوج يحس
ماحد بينفع حد غير نفسه

[ورده 2012]

السلام عليكم حبيبتي ،،، عليك بالدعاء في آخر الليل ،،، وعلى العموم اجازة التيرم قربت ،،، واذا اصر عليك خذي اجازه بدون راتب ،،،، وحاولي تكسبينه لصفك حتى الاجازه قبل لاتأخينها استخيري ،،، وشكل ام زوجك غيرانه الله يهديها ،،،، وحاولي معاه بالتفاهم وانك تبغين تساعدينه واصحه يلعب عليك ويشترط يأخذ راتبك ،،، الله يكتب لك الذي فيه الخير واسفه طولت عليك

[ناعسة العين]

لو اناااااااااااااااااااا مكانك ياقلبي معليش يمكن انا قووويه


ماراح اترك وظيفي ياقلبي


انا صديقتي معاها اربع عيال زوجها طلقها لانها قالت تبي تكمل دراستها

والحمدلله كملت دراستها وتوظفت بفضل الله الحمدلله وعيال كبروو

اثنين بنت وولد تزوجو وباقي بنت وولد كبروو مع ابوهم ويزرووون امهم

وهي مبسوطه تقول وش تبي برجال لا يصرف ولا شي ويتحكم ويقول لا تكملين دراستك




قولي له والله وظيفتي الزم لي حتى اموت .. وانتي تعرفي الرجال هالايااام كيف

ولا بعدك تقولي انو ما يصرف وتستشيرررررنا وتقولي اترك الوظيفه .. كله علشان الطلاق

وايش يعني الرجل بحياتنا ما جابه غير الهم والمشاكل وامه بعد وش دخلها

معليش انفعلت بس انقهرت لك والله الله يسهلك طريق الصواب ويهديهم ويسخرهم لك يارب ياكريم

[ناعسة العين]

كيييييييييييف اهلك ما يبونك يعني بيتخلون عنك لا تبالغي

اذا اهلك ما يبونك روحي استاجري يمه بتعيشين محد مات جوع

[ساره 9999]

المشاركة الأصلية كتبت بواسطة ناعسة العين

كيييييييييييف اهلك ما يبونك يعني بيتخلون عنك لا تبالغي

اذا اهلك ما يبونك روحي استاجري يمه بتعيشين محد مات جوع

اقصد ما يبوني بعيالي ولهم ظروفهم اللي تمنعهم .. فلا تقولي مبالغه !!

[ساره 9999]

مشكورين جميعاً ... ومشكورين على الدعوات انا بتألم من الطلاق ...
لكن لو جلست راح اذوق الأمرين
فوظيفتي هي إماني بعد الله .
جزاكم الله الف خير

[الزنبق الزهري]

الله يساعدك ويكون في عونك وييسر لك الخير انا اشوف مدام السبب امه وهو يسمع لها تقربي لها وكل شهر اهديها شي حاولي تخلينها تحبك وعبري لها انك تحبيها وخليها تتوسط لك عند زوجك انه مايخليك تتركي الوظيفة سوي كل شي تقدري عليه عشان تحافظي على بيتك اولاً ووظيفتك ثانيا خليهم يشوفوا انك نافعتهم بالوظيفة وعبري لها حتي بالكلام انها زي امك وان شاء الله تتعدل امورك