مشكلتي هل لها حل !!!

[ساره 9999]

السلام عليكم ورحمة الله وبركاته
انا مشكلتي طوووويلة جداً
لكن بختصرها قد ما أقدر
أنا متزوجة من 9 سنوات
وعندي طفلين والحين حامل يارب لك الحمد
الزبدة أنا قبل ثلاث سنوات انقلبت حياتي جحيم مع زوجي
وهجرني لمدة سنتين بدون سبب واضح
المهم كبرت المشاكل وطلقني طلقة
يالله لما طلقني كيف مت وعشت وضاقت علي الدنيا
لما قالها كيف اشتغل شريط ذكرياتي معاه
من أول ليلة في زواجنا الى اخر يوم
وما استسلمت
حاولت ارجعله بكل الطررررررق
دخلت كل الناس ورضي يرجعني قبل انتهاء العده بأسبوع
المهم قال تتركين وظيفتك وابشري بعزك ومصروف وحياة كريمة
قلت أوكي بس اخذت اجازة ما تركتها
وطلع الوعد كذب
ما اعطاني ولا ريال
وحملت من أول شهر بعد الطلقة
وبدأت رحلة العذاب
لا رضى يجيب شغالة
ولا رضى يرحمني في حملي
آخر شيء كلم أمه وقالها كل شيء عن حياتنا
حتى توافه الأمور
وفجأه لقيت أمه جاتني البيت بدون مقدمات
هددتني وقالت مافي وظيفة
وعادي كلي عيش وملح
وووووو الخ
كله تهزيء وولدها جنبها يقول صح صح ايه كذا
وبلعت التهزيء وبست يدها وراسها وهي طالعة
وكمل هو رحلة العذاب
طلعات لا
فلوس لا
مستشفى لا
أهلي لا
احتياجات خاصة لا
أدوية الحمل لا
وصبرررررررت
آخر شيئ امه كلمت اختي أمس
وقالت قولي لأختك تبشر بطلاقها بعد الولادة
جننت ولدي ووالله لأزوجه ؟؟؟؟؟؟!!!!!!!!!!!!!!!!!!!!!!!!!!
الحين أنا جننته !!!!!!!!!!!
حسبي الله ونعم الوكيل
ما أعرف ليش كتبتلكم هالكلام
بس يا ناس يابشر
في أحد كذا ؟؟
أم تخرب بيت ولدها في 3 أطفاااااااااااال
ما تخاف من ذنبهم لما تشتتهم
ما تخاف تدور عليها الأيام ؟؟؟؟
حسسسسبي الله ونعم الوكيل فيها
الله ينصرني عليها قبل ولادتي وأشوف فيها عجائب قدرته يارب .

[قــــــــــمر]

لاحول ولآقوة الا بالله
انا ماشوف فيه مشكلة واضحه ابدا يعني ليش كذا زوجك فجئه كرهك ويبغى يطلقك وامه الله يهديها بس واقفه معاه
انا اقول مالك غير ربك الجئي اليه باخر الليل صلي ركعتين وابكي وادعيه سبحانه الي يغير من حال الا حال
ودائما حاولي تذكريه الاطفال وش ذنبهم؟ قولي بيجي يوم من الايام بيقولو ليش حنا مو مثل الناس امنا وابونا مفترقين!
واهتمي ببيتك قدر المستطاع عشان مايقول انك مقصره معاه وصبري الصبر ثم الصبر ثم الصبر
وادعي ربك انه يعينك بمصيبتك يارب.
.
.
.
واذا لآ سمح الله انه طلقك فعلا ..... وش صار بدنيا يعني ممكن تتحسفين لما يكون الي بينكم من مشاكل ممكن تنحل وترجع الامو
لاكن هذا لو طلقك لاسمح الله لآتحزني عليه ابدا ناوي يعيشك بجحيم والله مطلقة ولآ جحيم خلاص حبيبتي
واصبري الدنيا فانية ياعمري واجر صبرك علية رآح ينفعك .....
الله يعينك يارب ويصبرك ويهدي زوجك ولاتنسين الاستغفار والدعاء بكل اوقات استجابة الدعاء....

[meso]

الله يفرج همك ياااااااااارب
وهدى اعصابك انتى حامل ولا تتعبى روحك
ادعى الله كثيييييييير وصلى اخر الليل وادعى الله يهدى لك زوجك
وان شاء الله مايصير الا كل خير ان شاء الله

[فوضت امري لله]

ياقلبي الله يفرج همك ويكشف غمك

ويسخر لك زوجك

ويحنن قلبه عليك

والله ما ادري وش اقول الا الله يهدي سركم ويسخركم لبعض

[ثقتي بربي تغمرني]

اختي ماليك الا الدعاء ادعي ربك في اخر الليل انه ينصرك عليهم ولا تخلين الدعاء ادعي في صلاتك وفي كل وقت
ودائما ردي حسبي الله ونعم والوكيل
ودائما قولي انا كفيناك المستهزئين (هذا اختي علمتني اياها تقولي قوليها اذا بغيتي تروحي عند ام زوجك لانها شر ) فأنتي يا اختي كل يوم قوليها
والله ينصرك عليهم وربي يحنن قلب زوجك عليك

[ساره 9999]

الله يسعدكم يااااااااااااااااااااااارب
ويفرج همكم
ادعولي أحتااااااااااااااااااااااااااااااااااااااااااااااا ج دعوات في ظهر الغيب

[أم أصيـــل]

والله مدري كيف صابرة الله يزيدك قوة يارب,,

المهم إنتي إرجعي لوظيفتك وخذي عيالك وخليك فبيت قريب من أهلك,,

ولو ضربك بلغي عليه وطلعي تقرير من المستشفى,,إمسكي عليه أي شي

ربي خلقك وخلقه وإذا بيستقوي عليك هو وأمه إستقوي عليهم وماتخافي غير ربك,,,

وحتى لو طلقك هو الخسران والله تدور عليهم الدنيا ويشوف شي هو وأمه وساعتها خليها تنفعه,,

هذولا مرضى الله يبعد عننا وعنك ياارب......

[بنت من البنات]

حسبي الله عليه من عجوزز

وانتى خير لكى الطلاق عشان ما وراء امه الا المشاكل
والله يعوضك فى رجل افضل

[احلى من العسل]

عليك بالدعاء عند الولاده مستجاب

[ريمو&]

اول شي عليكي بالدعاء واذا طلقك هوا الخسران زوجه صابره مثلك عليه مايحصل صدقيني لو تزوج بيرجع يبوس رجلك ندم علشان ترجعين له وكلام ام اصيل حلو اذا طلقك خليكي في وظيفتك وبيت قريب من اهلك

ايش هذي العالم ماتخاف الله لازوجك ولا عمتك الله يعينك ويفرج همك ياعسل