ورجعت المشاكل بين أمي وأبوي

[umbaha]

يااختى المحتارة فى اطفال شبعينين ونظاف ويبكو هم يريدو حب وحنان وليش تفكري انو بيطلقها
ليش ماطلقها من زمان وبعدين كيف تفكرى بشئ ماحصل مجرد كلام وليش تسبقى الاحدات
صح عشتى طفولة كلها مشاكل الحمدللة انك بصحتك وتعرفى تفكري حاولى تعملى لكم وجوى
جميل اول مايبدا يصيح خليه يصيح ما تردى علية ولاكلمة وحاولى انك تهدى امك ياامى خلية
يصيح طنشيه اذا صحتى بتمرضي بيجيك سكر والظغط وحالتك بصير مش good وهكدا
مش انتى وامك وابوك تصرخو فوق بعض اعوذ باللة انتى حاولى انك ترضي الطرفين حاولى تكونى مستمع معاهم الاثنين
وخلى ابوك لحد مايهدئ روحى لة دردشى معه بكلام حلو ونفس الكلام قولى لة شوف اخف
يجيك ظغط وسكر ومن الكلام الحلو مش كل واحد منكم مسكر على نفسه غرفة انتى وامك بغرفة
وهو لوحدة بلغرفة لا هذا غلط عشاء مع بعض دخلي امك مك ع المطبخ
حاولى تجمعيهم مع بعض شغلى لهم افلام مضحكة
مثل just for laugh
اعملى هذا وبعدين طمنينى واللة معكم

[المحتارة=(]

هلا أختي أم بهاء ... يزاج الله خير على تعاونج

ليش تفكري انو بيطلقها
ليش ماطلقها من زمان وبعدين كيف تفكرى بشئ ماحصل مجرد كلام وليش تسبقى الاحدات

أنا ما أفكر .. هو كلامه اللي يقول جذي ..
توني تذكرت حادثة كان عمري يمكن 10 سنين .. أذكر اني كنت أدرس بالابتدائي..

صارت مشكلة بينهم وأنا بالمدرسة.. بالعادة تصير المشكلة بس أمي ما تطلع برا البيت لبيت أهلها لأنهم بالكويت لازم سفر .. هالمرة رجعت البيت وما لقيتها !! وكنت اسأل وينها .. قالي ان جدتك تعبانه وبتسافر أمج للكويت .. أنا صدقت ..
وماكانت تكلمني لا تلفون ولا غيره .. وظليت عايشه عند زوجة أبوي .. رجعت أمي عقب أسبوع تقريبا ..
يوم كبرت قالت لي السالفة .. انهم تهاوشوا .. وقالها اطلعي من بيتي خلاص اللي بيننا انتهى .. والبنت تعيش عندي ( اللي هو أنا ) .. وما تشوفينها ولا تكلمينها طول عمرج .. (هذا كله بدون طلاق .. بس كان ناوي على الطلاق ).. هي راحت وقتها عند أحد قرايبها بالرياض .. ونادت على خوالي يجون من الكويت .. كلموه خوالي .. حاولوا يثنوه ويصلحوا .. فكان الحل الأخير انه تظل على ذمته تربيني وتكبرني . . واذا تزوجت يصير الطلاق ويفترقون وخلاص

فصار الحين كل مشكلة تصير .. يذكرها باللي صار .. وبالاتفاق ذا انه ممكن ينقضه

اول مايبدا يصيح خليه يصيح ما تردى علية ولاكلمة

هو ما يصيح وبس .. هو يسب .. يشتم .. أول ما كنت أرد عليه .. بس ما قدرت أتحمل اهانة أمي قدامي

حاولى انك تهدى امك ياامى خلية
يصيح طنشيه اذا صحتى بتمرضي بيجيك سكر والظغط وحالتك بصير مش good وهكدا

ياما حاولت معها .. خصوصا ترى بعد كل مشكلة تمرض .. لكن أبوي للأسف .. يشتمها ويشتم أهلها .. وتنهان قدامي .. فهالشيء يخليها تمرض ..
وتبين الصج ( ما أدري إذا تتفقين معي او لا ) .. كعلاقة عادية بين اي شخصين ( زمالة مثلا ) .. ما يتطنش الشتم والاهانه .. فما بالك هي تجيها الشتيمة والاهانه من زوجها وعلى مرأى ومسمع بنتها !! امر مب هين ..

وخلى ابوك لحد مايهدئ روحى لة دردشى معه بكلام حلو ونفس الكلام قولى لة شوف اخف
يجيك ظغط وسكر ومن الكلام الحلو مش كل واحد منكم مسكر على نفسه غرفة انتى وامك بغرفة
وهو لوحدة بلغرفة لا هذا غلط

كنت أتناقش معه .. وان ما يصير .. وان الأمر بسيط بس تراك تكبره .. وأعصابك لا تتعبها .. لكن يكيل الشتائم لأمي .. وانها غلط وانها انسانه سيئة وتجيب المشاكل .. وانا أبي افتك منها ومن شرها !!
يعني أنا ابي أحاول أحل المشكلة معه وابين له ان الموضوع طبيعي والمفروض تحله بالطريقة هذي أحسن .. لكن ما يحاول يسمع أبدا ..

تعرفين فيه بعض الناس اللي عندهم مبدأ أنا فقط الصح والباقي هم غلط .. أحس الوالد من هالنوع الله يصلحه ويهديه ويسامحه

[المحتارة=(]

خواتي أم نرجوسه وأم بهاء .. مشكورين وايد على تعاونكم معي

الوضع عندي حاليا هدنة .. ان شاء الله يكون عقبها خير

ما شفنا ابوي ولا كلمناه .. قاعد عند زوجته الأولى

والله يستر من باجر .,,

أنا طبعا يا خواتي جاوبت على كلامكم .. كانت نصيحتكم مشتركة هي الحوار والمسايسه .. وكان ردي اني جربتها قبل بس الوالد للأسف ما يسمع مني ولا كلمة ويكيل الشتائم والاهانات على أمي ولا يمكن يسمع عنها كلمة طيبة !!

ما أدري .. إذا وجهة نظركم انه ممكن يكون الأسلوب والحل الوحيد .. هل ياخذ وقت طويييييل ؟؟ لأني صرت أتعب بزيادة

طبعا ردودي رديت عليكم مسبقا باقتباسات لكلامكم .. وجزاكم الله خير

[umbaha]

why do you always think negative

يااختى الحياة فيه positive and negative
you never think positive

that's your problem

[المحتارة=(]

المشاركة الأصلية كتبت بواسطة umbaha

why do you always think negative

يااختى الحياة فيه positive and negative
you never think positive

that's your problem

جزاك الله خير

بس يا أختي مو سلبية .. هذا واقع أعيشه .. ما كذبت في حرف قلته .. ولا نسجته من خيالي

وطبعا الحياة منها أمور سلبية ومنها أمور ايجابية .. لأنها طبيعة الحياة

لكن الواقع قدامي كذا .. فشلون أتعامل معاه ؟

[ام نرجوسه]

ارجع واقول مرة اخرى كلام ام بهاء صحيح
اختي الحياة مزيج بين السعادة والحزن ومزيج بين اﻷيجابية والسلبية.ان الله لم يختص الفرح لي احد من عباده دون الاخر ولم يخص الحزن بي احد دون الاخر بل وهب لنا هذه الدنيا واعطانا العقل. لتقدير اﻷمور والشاطر فينا الي يغلب شعور الفرح على شعور الحزن ويبقى متفائل حتى في حزنه واقول لك شيء تعلمته من دكتور التنمية البشرية رحمه الله الدكتور ابراهيم الفقي ...وهو "عيش كل يوم في حياتك وكأنه اخر يوم في حياتك عيش بي ابتسامة وبحب وتفاؤل. وخليي ثقتك بالله كبيرة وقدر قيمة الحياة "
فلا تعيشي حياتك بحزن وتخلي مشاكل والديك تصنع منك انسانة حزينة كئيبة منطوية . متشائمة خليك قوية
والله اني لمست فيك من كلامك انك بنت ذكية وشخصيتك قوية فما تنطوي على نفسك وما تلتفتي لمشاكل والديك خليك متفائلة وأصنعي جو لنفسك يخليك في حالة افظل بلاش نخلي أحد يتحكم في حياتك و يسيرها على كيفه
أمك ليها وقت متحملة هم الوالد واعتادت عليه فما رح تمرض ولا يصير معاها شيء طالما انها قاعدة متعايشة مع هالوظع الي صأرلها سنين متعايشة معاه فيعني خلاص اخذت حصانة وقادرة انها تتحمل غإلي قاعد يصير فما تشيلي همها وتقدري كمان تحكي معها بإنه أنتي واثقة فيها وانك فحورة فيها وان أهلها الي همه خوالك مصدر فخر وعزة لك وانه كلام الوالد واتهاماته مارح يغير من الواقع.
وبالنسبة لي والدك أنتي أدرى بوضعه وطالما قلتي أن إلي بيعمله هوه طبع ومو بسبب الكبر فما تخلي طبعه يخرب عيشتك وخلوه يسب ويحكي ويسب ويلعن على كيفه ولما يلقاكم مطنشين ما تردون رح ينقهر من الغيظ وهذا انسب حل معه طالما انتي قلتي أنه لا يمشي معه لا حوار ولا مسايسة أنتي بس طنشيه انتي وامك واتفادوا غضبه ولكم اﻷجر .....وانا عارفة أنك ممغوصة من تصرفاته والله حاسة فيك واكييييييد حاليآ بتقولي اني انا بحكي وخلاص واني مو حاسة فيك. بس والله يعلم اني حاسة فيك ﻹني مارة علي مثل هاﻷمور واحيانآ من كثر ما اساير الوالد ويرجع يتمشكل معانا ثاني يجيني شعور انه ساكناته نفس شريرة ههههههههههه بس برجع واقول الشيطان شاطر والنفس امارة بالسوء وهذا الي قدامي وصاني عليه خالقي ورح أتحمله رغبة في رضاء ربي واﻷجر وتمشي الحياة.
وما خليت المشاكل تأثر علي أهتميت بنفسي وطورت من نفسي وتفاعلت مع محيطي وما انطويت على العكس تمامآ. ورح يجي يوم وتتزوجي وترتاحي ولو لا قدر الله والدك طلق والدتك فا أنا أشوف أنها رح ترتاح منه فالطلاق أرحم من ان يستمر الزواج على هذه الكيفية سامحيني ممكن تكون هالجملة ما عجبتك بس هذا الي اراه ولو أستمرت فا أعملي مثل ما حكيت معك اﻵن طيبي خاطرها. وما تلتفتوا لما يفعله الوالد. خلوه يحكي ويسب ويلعن وما تردوا عليه ولو ما أستحى بسبب عدم ردكم عليه رح يستتفه تصرفاته ويتوقف على مضايقتكم ﻹنه ما عاد. يلقى في ردة فعل منكم تستدعي اﻷستمرار في اذيتكم

[المحتارة=(]

يعطيج العافية أم نرجوسه .. مشكورة وايد حبيبتي على تعاونج وكلامج اللطيف

اختي الحياة مزيج بين السعادة والحزن ومزيج بين اﻷيجابية والسلبية.ان الله لم يختص الفرح لي احد من عباده دون الاخر ولم يخص الحزن بي احد دون الاخر بل وهب لنا هذه الدنيا واعطانا العقل. لتقدير اﻷمور والشاطر فينا الي يغلب شعور الفرح على شعور الحزن ويبقى متفائل حتى في حزنه واقول لك شيء تعلمته من دكتور التنمية البشرية رحمه الله الدكتور ابراهيم الفقي ...وهو "عيش كل يوم في حياتك وكأنه اخر يوم في حياتك عيش بي ابتسامة وبحب وتفاؤل. وخليي ثقتك بالله كبيرة وقدر قيمة الحياة "
فلا تعيشي حياتك بحزن وتخلي مشاكل والديك تصنع منك انسانة حزينة كئيبة منطوية . متشائمة خليك قوية

كلامج 100 % سليم ..
أنا قاعده أحاول وأبذل جهدي وأطلع من القوقعة اللي أنا فيها ..

أنا بدأت الانطوائية معي وأنا بالمتوسط .. يعني مراهقة كنت .. واستمرت معي لين تخرجت من الثانوي .. بالجامعة شوي شوي بدأت أفك انطوائية وأكون صداقات محدودة جدا ..

عقبها قعدت بالبيت عاطلة عن العمل ورجعت انطوائية للأسف ..

الحين توني توظفت .. وظيفة بسيطة وراتب بسيط .. أبي أعتمد على نفسي .. وأقضي وقت فراغي .. وأتحرر من انطوائيتي .. أبي أكون انسانة ثانية .. بس يوم تصير مشاكل أبوي .. كل مودي ينقلب وأرجع لأول ..

أمك ليها وقت متحملة هم الوالد واعتادت عليه فما رح تمرض ولا يصير معاها شيء طالما انها قاعدة متعايشة مع هالوظع الي صأرلها سنين متعايشة معاه فيعني خلاص اخذت حصانة وقادرة انها تتحمل غإلي قاعد يصير فما تشيلي همها وتقدري كمان تحكي معها بإنه أنتي واثقة فيها وانك فحورة فيها وان أهلها الي همه خوالك مصدر فخر وعزة لك وانه كلام الوالد واتهاماته مارح يغير من الواقع.

للأسف تمرض وتظل طريحة الفراش .. لين ما يمر أسبوع تقريبا وتنسى الموضوع وتقوم شوي ..
أنا الآن أخذت إجازة من عملي يومين لأنها مريضة .. وأبي أقعد يمها شوي ..
أمي من النوع سريعة وشديدة التأثر .. وتكتم بنفس الوقت .. أكثر شخص تشتكي له أنا .. حتى خواتها وأخوانها ما تكلمهم عن اللي يصير

وبالنسبة لي والدك أنتي أدرى بوضعه وطالما قلتي أن إلي بيعمله هوه طبع ومو بسبب الكبر فما تخلي طبعه يخرب عيشتك وخلوه يسب ويحكي ويسب ويلعن على كيفه ولما يلقاكم مطنشين ما تردون رح ينقهر من الغيظ وهذا انسب حل معه طالما انتي قلتي أنه لا يمشي معه لا حوار ولا مسايسة أنتي بس طنشيه انتي وامك واتفادوا غضبه ولكم اﻷجر .....وانا عارفة أنك ممغوصة من تصرفاته والله حاسة فيك واكييييييد حاليآ بتقولي اني انا بحكي وخلاص واني مو حاسة فيك. بس والله يعلم اني حاسة فيك ﻹني مارة علي مثل هاﻷمور واحيانآ من كثر ما اساير الوالد ويرجع يتمشكل معانا ثاني يجيني شعور انه ساكناته نفس شريرة

أكيد لازم الواحد يطنش .. فيه أمور تتطنش منه وما نعيرها اهتمام ..ويتكلم ويصارخ ولحد عنده .. يقوم يزيد ويدور أي مشكلة ثانية ويتجه ناحية الاهانات والتهديد بالطلاق .. وأحيانا ضرب ..
طيب صارحيني .. الاهانات الواحد يطنشها ؟؟
بصراحة .. كنت أسكت عن الاهانات .. بس الحين ما قدرت أتحمل الاهانات قدامي .. أرجع اسكت مره ثانية حتى لو كانت اهانة ؟؟
الشعور صعب جدا ..

مشكلتي أنا كيف أتعامل مع إهانات أبوي لأمي قدامي .. لو من وراي بكيفه .. لكن قدامي .. إهانات وبأبشع الصفات والشتائم ..

طيب معليش سؤال .. تقولين انك مجربة المشاكل اللي تحصل مع والدك .. طيب للأمانة أبوك يهين أمك ؟ ولا بس خلاف عادي بصوت عالي وخلاص ؟

ولو لا قدر الله والدك طلق والدتك فا أنا أشوف أنها رح ترتاح منه فالطلاق أرحم من ان يستمر الزواج على هذه الكيفية

أنا معك بترتاح 100 % .. لكن ما راح أشوفها ولا أكلمها طول العمر !! حرمان تااام ..

انت تقدرين تغيبين عن أمك ولا تكلمينها يوم واحد ؟؟ ما أعتقد

ولا حتى أمي بتصبر على فراقي .. ما فيه أم في الدنيا تصبر على فراق عيالها ..

والله ثم والله ثم والله .. لو أضمن أبوي إذا طلق أمي يخليني اشوفها وأزورها وأكلمها أنا اللي اقول لهم تطلقوا وارتاحوا من بعض ..
لكن ما اشوفها انحرم منها طول عمري !! وهذا اللي ما أبيه يصير .. لأني مشكلتي وحيدة ما عندي خوات ولا أخوان ( اشقاء اقصد) يساندوني .. لو عندي تمشي الحياة معهم .. لكن ما عندي .. عندي من زوجة أبوي أخوان بس كل واحد عايش حياته وببيته مستقر .. أنا بعيدة عنهم نوعا ما

طيب .. كنقطة نقاش .. لو لا سمح الله حصل طلاق .. وانحرمت من أمي ( لا سمح الله ) .. تتوقعي حياتي بتمشي أفضل أو أسوأ .. أو كيف ؟؟ وجهة نظرك أبي أعرفها

[ام نرجوسه]

أختي انا لا اريد ان اخوض في حياتي الشخصية ولكن حبيت ابين لك إن المشاكل مرت على الجميع حتى ولو كانت تختلف انواعها وطريقة تعاطي اﻷسر معها ولكنها تقع تحت نفس المسمى وهو المشاكل
ومع وجود المشاكل ولكن الحياة تستمر بين افرادها بالصبر والتفكير في الحل أكتر من التفكير في المشكلة ومن الغلطان ومن الي معاه الحق ولو أستعصى. عليهم التفاهم مع أحد افراده بيتجنبوا ألمشاكل معاه.
وبالنسبة لمشكلتكم .
انا فهمت منك ان والدك حاليآ عند زوجته الثانية يعني الوضع هادي فا أنسوا الي صار وما تتعاطوا في هالمشكلة وعيشوا حياتكم بشكل طبيعي. وما توقفوا عند هالمشكلة وتخلوها عقبة في حياتكم. الحياة قاعدة تسير والوقت قاعد يمر والي بيضيع حا يضيع من عمرك وعمر أمك وأبوك تلقيه عايش مبسوط في بيته الثاني ولا همه فلا تخلوه يأثر عليكم سلبآ ويتعب نفسيتكم وهوه معاكم وهوه بعيد عنكم فا طالما حاليآ أخذ جنب وهدت اﻷوظاع فا اتصلي بي احد من معارفكم الي بتنسجموا معاه وجيبولكم مكسرات وتسالي وأعملولكم جلسة عائلية تتخللها الضحك والنكتة
رفهوا عن أنفسكم وانسوا. انسوا على شان تعيشوا ولو أنتي او امك تعرضتوا لﻹهانة مرة في الشهر غيركم بيتعرض لﻹهانة والقذف كل يوم وما زالوا بيعيشوا حياتهم وبيطنشوا على شان يعيشوا ونشوفهم مبسوطين ويا حلاتهم لدرجة اننا نقول أنهم خاليين من المشاكل والهموم. واﻷمثلة على. هالشيء كتير ومنهم المشاهير واغلبهم من أهل الفن
ولكنهم بيستمروا وبيثبتوا وجودهم وبينجحوا
حبيبتي الي أحب اوصله لك أن التجاهل. قصدي تجاهل الامور السلبية في الحياة يساعدنا على التقدم والمشاكل الي تعرضتي لها اليوم رح تقويك على شان بكرة تعرفي تسيري. حياتك مع زوجك واولادك. واعملي مثل قصة الفقير الي أشترى بكل ما يملك من مال 3برتقالات.
فتح اﻷولى فوجدها فاسدة. فرماها وفتح الثانية فوجدها فاسدها فرماها ثم فتح الثالتة فوجدها فاسدة فا أكلها .
هذه الحياة أحيانآ نضطر ان نتجاهل حتى نعيش
وعمومآ انا حابة أسألك سؤال
إذا شعرتي بي اﻷلم في أي عضو من أعضاء جسمك فماذا سا تفعلي. ؟؟
انتظر ردك على هذا السؤال

[المحتارة=(]

هلا أختي .. يعطيج العافية يا رب

أختي انا لا اريد ان اخوض في حياتي الشخصية ولكن حبيت ابين لك إن المشاكل مرت على الجميع حتى ولو كانت تختلف انواعها وطريقة تعاطي اﻷسر معها ولكنها تقع تحت نفس المسمى وهو المشاكل

أنا آسفة والله ... حقج على راسي .. ما قصدت أتطرق لحياتج الشخصية .. صج آسفة لا تواخذيني وأنا أختج وتزعلين علي

مع وجود المشاكل ولكن الحياة تستمر بين افرادها بالصبر والتفكير في الحل أكتر من التفكير في المشكلة ومن الغلطان ومن الي معاه الحق ولو أستعصى. عليهم التفاهم مع أحد افراده بيتجنبوا ألمشاكل معاه.

سليم 100 % .. أحس اني هدأت شوي يوم قريت هالجملة .. مع اني عارفه .. بس الواحد تجي له حالات ضعف أستغفر الله يا ربي

وبالنسبة لمشكلتكم .
انا فهمت منك ان والدك حاليآ عند زوجته الثانية يعني الوضع هادي فا أنسوا الي صار وما تتعاطوا في هالمشكلة وعيشوا حياتكم بشكل طبيعي.

اي نعم هذا اللي صاير الحين .. على الرغم ان أمي تعبانه بس أحاول أغير المود شوي ..عشانها هي

ولو أنتي او امك تعرضتوا لﻹهانة مرة في الشهر غيركم بيتعرض لﻹهانة والقذف كل يوم وما زالوا بيعيشوا حياتهم وبيطنشوا على شان يعيشوا ونشوفهم مبسوطين ويا حلاتهم لدرجة اننا نقول أنهم خاليين من المشاكل والهموم. واﻷمثلة على. هالشيء كتير ومنهم المشاهير واغلبهم من أهل الفن
ولكنهم بيستمروا وبيثبتوا وجودهم وبينجحوا

انزين .. عادي تضربين لي مثال لهالمشاهير .. لأني غافله عن هالشيء ..

معليه أنا حابه أطلع على تجارب ناس ثانية ..

وإذا أزعجتك بنقاشي خلاص مب لازم يا قلبي

وعمومآ انا حابة أسألك سؤال
إذا شعرتي بي اﻷلم في أي عضو من أعضاء جسمك فماذا سا تفعلي. ؟؟

عادي .. أعالجه بنفسي إذا سبق ومر علي الألم .. أو أروح الدكتور وأعالجه

بس ليه ..ما فهمت ؟

[المحتارة=(]

أختي أم نرجوسه ..

أنا حابه أشكرج وايد وايد وايد على نقاشج معي ..

ما تتخيلين أرتاح حق ردودج ... صج والله العظيم ربي يشهد ..

وسامحيني إذا كثرت أسئلة أو كثرت نقاش ..

بس والله العظيم يا أختي .. الكلام اللي أقوله وكتبته الحين ما أقدر أقوله حق قرايبي أو زميلاتي للفضفضة أو البحث عن حل .. لأني أستحي وأتفشل من المشاكل اللي تصير .. وأحسها فعلا مالها حل لدرجة أدعي على نفسي اني أموت ولا أشوف اللي اشوفه أو أسمع اللي أسمعه
لجل جذي أفضفض عندكم .. وأنا آسفه .. آسفه .. آسفه .. تحملوني معليه .. اعتبروني جاهله ما أعرف شيء .. وأبيكم تنصحوني وتعاونوني




ومره ثانية أختي أم نرجوسة .. وايد . وايد .. وايد مشكورة .. وجعلها في ميزان حسناتج يا رب