خايفه من أخواني وخايفه من المستقبل >> محتاجة استشارتكم =(

المحتارة=( · 08-23-2013, 02:10 AM

أخواتي ..

السلام عليكم ورحمة الله وبركاته

أنا أختكم عضوة جديدة بالمنتدى

بصراحة سجلت فيه شفت مساعدتكم ونصائحكم لبعض

وأنا ما عندي أخوات أشتكي وأفضفض للي بداخلي .. قلت أستشيركم باللي حاصل لي واللي أحس واللي خايفه منه =(

أنا عمري 27 سنة .. غير متزوجة ... عاطله عن العمل .. وحيدة أمي .. ما عندي خوات ولا أخوان أشقاء

أمي من الكويت .. وأبوي من السعودية .. وعايشين بالسعودية ( طبعا العائلتين كلهم مختلفين عن بعض في بعض العادات والتقاليد ... وحتى في التعليم .)

أمي الزوجة الثانية بالنسبة للوالد .. يعني الوالد متزوج قبل أمي .. وزوجته الأولى عايشة معنا بنفس البيت .. وعندي أخوان من أبوي .. كلهم متزوجين وكل واحد ببيته وعياله

علاقة أمي وأبوي للأسف خلاف داااائم من يوم وانا صغيرة لحد هالوقت أتذكر كل هوشاتهم .. وما يتهاوشون الا قدامي =(

ويوم كبرت وصرت مراهقة تقريبا .. أمي تقول ان أبوي تغيرت معاملته لأمي بعد ما فضت شراكة العمل معه ( لأن الوالد كانت معه شراكة عمل مع أمي وجدي من أمي ) وانها لاحظت أطماعه في فلوسها .. لذلك فضت الشراكة وصارت تشتغل هي لحالها

أبوي منعني من خوالي وخالاتي وعيالهم من انهم يزورونا للسعودية أو أزورهم أنا للكويت .. لدرجة اني ما أعرف أشكالهم للحين =(

أخواني من أبوي . علاقتي بهم شبه سيئة .. فيه حزازات من فترة للثانية بيني وبينهم .. وهذا السبب اللي خلاني أكتب لكم

أحس أحيانا من كلام أخواني انهم يلومون أبوي ليش تزوج على أمهم !! وحكيهم مبطن بالحقد نوعا ما .. وأحيانا من كلامهم يظهر ان أبوي ما يستفيد من فلوس أمي شيء حتى في مصاريف البيت .. طبعا ما يقولونه بصيغة مباشرة بل بصيغة مبطنة !!

بعض المواقف اللي أسردها لكم ..

1/ إذا جوا يشترون شيء من البقالة أو من المطعم أو يشرون لي شيء من السوق يقولون لي ادفعي .. وإذا ما معك خلي أمك تدفع لك أنا مب صارف عليك !! ( وأحيانا يكون المبلغ ما يستاهل يعني 10 ريال أو 20 ريال )

2/ مره قبل 10 سنين يوم كنت بالثانوي .. أخوي بيجيب انترنت واي فاي .. قالي ان سعره 3600 مع الجهاز والاشتراك لمدة 6 شهور .. ادفعي انت النص وانا النص 1800 ريال .. انا ما كنت أعرف بالسعر الحقيقي ودفعت له فعلا 1800 ريال .. الا يوم صديقتي بالمدرسةقالت لي ان هذا 1800 سعر الجهاز + الاشتراك لمدة سنة !!
ومع ذلك ما كنت أستفيد من النت كان يوديه عند ربعه بالاستراحة .. ولا يقفله .. ولا يقولي خربان .. ولا يقولي ضعيف وأبي أقويه .. وانا اللي دافعه المبلغ كااامل وعلى حسابي وياغفلين لكم الله =(

3/ يوم تخرجت من الجامعة .. وصرت أدور على وظيفة .. أخوي قال انا ممكن أتوسط لك لكن بشرط .. تعطيني 50% من معاشج ( راتبي ) !! وطبعا رفضت =(

4/ وهذا آخر حدث صارلي قبل أسبوعين .. واحد من أخواني قالي أنه بيسافر أوروبا .. وماوده حرمته وعياله معنا لأنه بيروح سينما وأماكن ترفيهية فيها حركة وايد وهذول يعيقونه .. أبيك تجين معي نسافر ونستانس ونغير جو .. بس تذاكر السفر عليك .. أنا وافقت .. فجأة أمي مرضت وجتها آلام بالكلى .. وانا هونت .. قلت مو مسافره بما ان أمي مريضة من يقعد معها ويباريها ويخدمها .. وشوي وان أبوي (ومن غير قصد) يقول ان اساسا السفر يكلف فوق 30 ألف .. وأكون أنا اللي مسفرته على حسابي هو وزوجته وعياله !! وانا معهم البنك المتنقل !!

أنا ما أدري ليه أخواني يسوون كذا .. وخصوصا الحركة الأخيرة الوسخة هذي اللي ما توقعتها .. مع ان أنا وأمي أبدا ما آذيناهم ولا غيره .. ودايم نجيب لعيالهم هدايا وإذا سافروا لحالهم يخلون عيالهم عندنا ولا نقول شيء .. بس ليه هالتعامل هذا ما أدري =(

وكل ذي المواقف أبوي يدري عنها وساكت !!

أمي تقول ان كل ذا من أطماع أبوي ..ومورثه لعياله عشان يستغلونا !!

وتقول أمي : مب بعيدة إذا مت ( بعد عمر طويل ) يخلونك تسكنين عندهم وتدفعين انت ايجار السكن حق غرفتي وأدفع حق المصاريف من أكل وشرب ( طبعا تقصدني أنا اللي أدفع )

المشكلة ان الحالة المادية لأبوي وأخواني ما شاء الله تبارك الله ممتازة .. كل واحد عنده وظيفة حكومية براتب وقدره + أعمال حره بالاضافة لعملهم

فليه هذا الأسلوب ما أدري !!

ليه هذا الحقد ما أدري !!

أمي جدا متخوفه علي .. خصوصا انها تعبانه هالفترة هذي .. تقول أخاف أموت وانت ما تزوجتي ( تقصدني انا ) ولا تطمنت عليك .. وأخاف يغشونك ويعذبونك =( وانت وحيدة لا أخ ولا أخت ولا رجل =(

بعد هي مقلقها أمر تأخر زواجي ( خصوصا اني ما قد انخطبت أبدا لا من جماعة أمي ولا جماعة أبوي )

قسم بالله صرت أخاف من أخواني ونياتهم هم وحريمهم .. ما أضمنهم أبد .. والمشكلة انهم أخواني من لحمي ودمي .. سندي في هالحياة بعد عين أمي وابوي =(

بالله وش أسوي أنا فعلا محتارة ...

أعطوني استشاراتكم

المحتارة=( · 08-23-2013, 03:06 AM

6 مشاهدة بدون رد !!!!

~~نور العين ماما~~ · 08-23-2013, 05:05 AM

أسعد الله صباحك بكل خير عزيزتي
قصتك تفطر القلب , الله يطول بعمر أمك ويخليها لك :(

مدري ب أيش أكتب ولا ب أيش أصبرك
لكن البلا كل البلا في أخوانك
اللي المفروض يكونون سند وعون لك (لكن الله يهديهم)

عسى ربي يرزقك بالزوج الصالح اللي يخاف الله فيك
عزيزتي لا تخافين من تدابير البشر
وتذكري قول الله عزوجل:(
الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل)
لا تقلقين فهناك رب يعلم بك وبحالك أكثر منا
وربي عزوجل أرحم بحال عباده أكثر من الأم على أطفالها
أحسني الظن بالله

حفظك الله وأستودعت الله حياتك أن يجعلها هادئة هانئة مطمئنة

لاتنسين الأكثار من الدعاء وذكر الله بالسراء والضراء

المحتارة=( · 08-24-2013, 03:28 AM

اقتباس:

المشاركة الأصلية كتبت بواسطة نور العين ماما

أسعد الله صباحك بكل خير عزيزتي
قصتك تفطر القلب , الله يطول بعمر أمك ويخليها لك :(

مدري ب أيش أكتب ولا ب أيش أصبرك
لكن البلا كل البلا في أخوانك
اللي المفروض يكونون سند وعون لك (لكن الله يهديهم)

عسى ربي يرزقك بالزوج الصالح اللي يخاف الله فيك
عزيزتي لا تخافين من تدابير البشر
وتذكري قول الله عزوجل:(
الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل)
لا تقلقين فهناك رب يعلم بك وبحالك أكثر منا
وربي عزوجل أرحم بحال عباده أكثر من الأم على أطفالها
أحسني الظن بالله

حفظك الله وأستودعت الله حياتك أن يجعلها هادئة هانئة مطمئنة

لاتنسين الأكثار من الدعاء وذكر الله بالسراء والضراء

جزاك الله خير على الكلمات الطيبة

وحسبنا الله هو نعم المولى ونعم المصير

والله يا أختي الوساوس براسي تارستني من جد تعبانه من التفكير بهالموضوع

ninya · 08-23-2013, 07:14 AM

الله يقويك عليهم بتعرفي اكتر الاخوان هيك يعني ما تزعلي ما حدا يخاف عليكي غير امك وابوكي ان شاء الله تتزوجي و ترزقي باطفال وما تحتاجي ليهم بالمستقبل شوفي ما في داعي تفكري وتقلقي لان المستقبل بيد الله وانت لسه صغيره ارجوكي انا حاسه بخوفك لان مريت بننفس ضروفك لكن الفرق ان كنت بخاف من الزمن ومن فقدان الاب واعيش وحيده وفقيره وما كان حد بيخطبني مع ان شكلي جميل قلت خلاص باين مش حتزوج لكن سبحانه الله اتززوجت واتغير كل تفكيري سبحانه الله ربنا يكتبلك اللي فيه الخير ويرزقك بالزوج الصالح يارب

المحتارة=( · 08-24-2013, 03:32 AM

اقتباس:

المشاركة الأصلية كتبت بواسطة ninya

الله يقويك عليهم بتعرفي اكتر الاخوان هيك يعني ما تزعلي ما حدا يخاف عليكي غير امك وابوكي ان شاء الله تتزوجي و ترزقي باطفال وما تحتاجي ليهم بالمستقبل شوفي ما في داعي تفكري وتقلقي لان المستقبل بيد الله وانت لسه صغيره ارجوكي انا حاسه بخوفك لان مريت بننفس ضروفك لكن الفرق ان كنت بخاف من الزمن ومن فقدان الاب واعيش وحيده وفقيره وما كان حد بيخطبني مع ان شكلي جميل قلت خلاص باين مش حتزوج لكن سبحانه الله اتززوجت واتغير كل تفكيري سبحانه الله ربنا يكتبلك اللي فيه الخير ويرزقك بالزوج الصالح يارب

الأخوان يا أختي سند وظهر وقت الغربة وإذا دارت الدنيا لا سمح الله علي

بس هذول أحس اني ماني متطمنة لهم

خايفه وما عندي ثقة فيهم أبد

وليه هالتعامل وهالأسلوب مدري !!

ووشلون بتعامل معاهم مستقبلا مدري !!

فيني قلق شديد =(
وأمي جدا خايفه من هالموضوع وخصوصا ان زواجي متأخر .. 27 سنة بالخليج عندنا على أبواب العنوسة للأسف .. واللي بيتزوجها يا واحد مطلق ولا أرمل وعنده عيال .. ولا ياخذني ضرة على غيري =(

ninya · 08-24-2013, 08:24 AM

اقتباس:

المشاركة الأصلية كتبت بواسطة المحتارة=(

الأخوان يا أختي سند وظهر وقت الغربة وإذا دارت الدنيا لا سمح الله علي

بس هذول أحس اني ماني متطمنة لهم

خايفه وما عندي ثقة فيهم أبد

وليه هالتعامل وهالأسلوب مدري !!

ووشلون بتعامل معاهم مستقبلا مدري !!

فيني قلق شديد =(
وأمي جدا خايفه من هالموضوع وخصوصا ان زواجي متأخر .. 27 سنة بالخليج عندنا على أبواب العنوسة للأسف .. واللي بيتزوجها يا واحد مطلق ولا أرمل وعنده عيال .. ولا ياخذني ضرة على غيري =(

27كبيييييييرة ضحكتيني هههههههه
لسه صديقتي متزوجه راجل غني كتيير مدلعها اخر دلع عمرها 34 سنه وديما بتقولي انا مش رايده اتزوج غير لما الاقي اللي يمتعني فحياتي انا كنت فكرها بتفشر لكن اهي في الاخر اتزوجت احلى زواجه الله يهنيكي متلها ويعطيكي اللي فبالك

المحتارة=( · 08-26-2013, 10:45 PM

اقتباس:

المشاركة الأصلية كتبت بواسطة ninya

27كبيييييييرة ضحكتيني هههههههه
لسه صديقتي متزوجه راجل غني كتيير مدلعها اخر دلع عمرها 34 سنه وديما بتقولي انا مش رايده اتزوج غير لما الاقي اللي يمتعني فحياتي انا كنت فكرها بتفشر لكن اهي في الاخر اتزوجت احلى زواجه الله يهنيكي متلها ويعطيكي اللي فبالك

يا عزيزتي

عمر تأخر الزواج يختلف من عائلة لعائلة ومن دولة لدولة ..

حنا بعائلتنا 27 سنة ( وما انخطبتي ) يعني محد دق باب بيتك أو كلم أبوج أو أمج عنج ... يعني محد يبيج .. وش معناها هذي !!!

ويمكن المشكلة أنا مو حاسه فيها .. كثر مو حايه فيها أمي لأنها هي اللي تحاتي من وضعي خصوصا اني وحيدتها

ومنها قمت أوسوس على وضعي =(
الله يهني رفيجتج ويوفقها ويسهل أمرها قادر يا كريم

الأمورة سوس · 08-23-2013, 12:47 PM

الله يفرج عليك حبيبتي ماادري ويش اقولك

المحتارة=( · 08-24-2013, 03:33 AM

اقتباس:

المشاركة الأصلية كتبت بواسطة الأمورة سوس

الله يفرج عليك حبيبتي ماادري ويش اقولك

ادعي لي ان ربي يحميني

تعبت من التفكير بذا الموضوع ولوحدي =(

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
محتاجة استشارتكم ضروري	Lonasmail	المنتدى الطبي الــعــام	6	08-29-2013 08:19 PM
دور برد شديد فى اول التانى،،،محتاجة استشارتكم	shemooo	إستفسارات حوامل ثلاثة شهور الأولى	6	08-07-2013 12:09 AM
محتاجة استشارتكم حبيباتي	sama zrka2	منتدى أعراض الحمل والوحام	12	02-05-2013 05:27 AM
هاتف مستشفى المستقبل ، عنوان مستشفى المستقبل ، فاكس مستشفى المستقبل	حب العمر	إستفسارات المستشفيات و عيادات نساء وولادة	0	07-07-2012 12:19 PM
أرجوكم الكل يدخل محتاجة استشارتكم...	sosoum	منتدى أعراض الحمل والوحام	41	06-07-2011 02:36 PM