تبادل خبرات

[عهود2]

بالنسبه من بعد سنه زواج بديت افكر بموضوع الحمل
لان شفت كثير بعدي تزوجوا وخلفوا وباقي ما كملو السنه
والناس بس تسال للحين ما حملتي فقررت اراجع عند طبيبة نساء
وللاسف قالت لي كملي سنتين زواج وبعدها ارجعي الحين ما اقدر اسوي شي لك
غير تحاليل عمن هرمون الحليب و الغده الدرقيه وهذي الامور فقلت ممكن خيره واحمل من غير مستشفيات و هم
وكملت السنتين ورجعت لها ووريتها ورقة التحاليل
والحمدلله كنت سليمه وسالت عند الدوره منتظمه قلت لها ايه بس مرات تتقدم يوم او تتاخر يوم
قالت لازم تاخذين منظم عشان تنزل بوقت محدد و اخذتها ثلاث شهور
وبعدها قالت الحين انتي كل شي عندك سليم باقي زوجك كشف زوجي وكان سليم بس عدد الحيوانات كان خمس ملايين
وقال الدكتور لها ياخذ حبوب فيتامين وابر يضربها كل اسبوع لمدة ثلاث شهور والحمدلله بعدها صار العدد عنده 30 مليون
هنا الدكتوره اعطتني منشط كلوميد اخذتها من ثالث يوم دوره خمس حبات كل يوم حبه
بس مشكلتها ما تابعت معي التبويض وانا ما كان عندي علم بهذا الشي
والشهر اللي بعده جات الدوره ورحت لها وقالت خلاص بحولك على المستشفي لان كنت اراجع في مستوصف
والشهر اللي بعده رحت المستشفى وسوا لي الدكتور تحاليل مثل الاولى لان فات عليها سنه وقال ابي شي جديد امشي معاك فيه
وتابع معي التبويض من غير منشط والحمدلله التحاليل و التبويض كله كان سليم فقال بسوي لك اشعه صبغه يمكن عندك انسداد او شي
وسويتها الاشعه تعبت منها كثير فقالت لي الدكتوره خلاص بوقف شغل لان الرحم عندك مره ضيق والادوات ماوصلت لقناة فالوب وحقناك
بالقدر الكافي من الصبغه و النتيجه ماكنت مثل ما نبيها عشان كذا بنوقف لان تعرضتي لاشعه كثيره وتعبتي كثير معنا
عاد انا ما صدقت على طول قلت لها خلاص لان كنت حيل موجوعه و تعبانه ومصدعه من البكاء و الالم بس قالت لي يصير جماع من بكره
يوم و ترك قلت لها اوك
والاسبوع الماضي رحت عشان اخذ النتيجه دور الدكتور بالكمبيوتر ولا حصل شي
ولمن رحت سالت في الاشعه قالت لي احنا كنسلنا الشغل ولا عاد كملنا قلت لها واللي صورته قالت خلاص ماعاد ارفقناه بملفك
لان وقفنا وقلت لها و الحل قالت الدكتور يشوف لك حل او يسويها لك مره ثانيه
عاد هنا انا تذكرت هذاك اليوم و التعب اللي تعبته وكل شي وشلت هم كبير
ورحت امس للدكتور عشان اشوف وش راح يقرر لي وكان مو موجود
وبروح له الاسبوع الجاي كمان وان شاء الله
والدوره الاسبوع الجاي كان حتجي وان شاء الله ما تجي ويكون فيه حمل
هذي قصتي كامله مع تاخر الحمل (احسهم قاعدين يلعبون فيني )
بس حاجتي عندهم
سوري طولت عليكم

[أم حمودي وعبودي]

تدرين يا عهود أنا لما سويت أشعة الصبغة ضليت فترة طويلة وأنا نفسيتي تعبانة وكارهة زوجي
لأن الدكتورة عملتها لي بدون أي نوع من المسكنات
دار راسي ولاعت كبدي وحسيت رحمي بينفجر و الحمد لله الأنابيب كانت مفتوحة
المفروض المستشفى ما يكنسلوا أشعتك حتى لو كانت خطأ
بس ما بيدك حيلة لازم تعيديها مرة ثانية بس هذه المرة اطلبي مسكن أو بنج أي شي يخفف الألم وحاولي تكوني مرتاحة على الآخر وكلها ربع ساعة وانتي مخلصة بعدين ترتاحي لما تطمني على الأنابيب

[أم حمودي وعبودي]

أمل

معقولة الورم الليفي يحصل بسبب الكلوميد والأبر !
بس واضح أن الدكتورة الأولى كانت جداً دايخة
على كل وحدة منا البحث مستشفى يمتلك أجهزة متقدمة
خصوصاً السونار المهبلي أوضح بكثير من السونار البطني
على فكرة الورم الليفي مو دائماً يمنع الحمل عشان فتشي يمكن يكون عندكم سبب ثاني
ودائماً خلي يكون عندك أمل

[عهود2]

المشاركة الأصلية كتبت بواسطة أم حمودي وعبودي

تدرين يا عهود أنا لما سويت أشعة الصبغة ضليت فترة طويلة وأنا نفسيتي تعبانة وكارهة زوجي
لأن الدكتورة عملتها لي بدون أي نوع من المسكنات
دار راسي ولاعت كبدي وحسيت رحمي بينفجر و الحمد لله الأنابيب كانت مفتوحة
المفروض المستشفى ما يكنسلوا أشعتك حتى لو كانت خطأ
بس ما بيدك حيلة لازم تعيديها مرة ثانية بس هذه المرة اطلبي مسكن أو بنج أي شي يخفف الألم وحاولي تكوني مرتاحة على الآخر وكلها ربع ساعة وانتي مخلصة بعدين ترتاحي لما تطمني على الأنابيب

والله انك صادقه انا كرهت المستشفى وكرهت اسم الاشعه من الوجع وسوها لي مثلك
بدون اي بنج او مسكن وكرهت نفسي بعد
المشكله كانت ان الرحم عندي ضيق وتخيلي سوها لي مرتين مره مع دكتوره عمرها صغير
ولا قدرت تتصرف غير انها تنادي وحده اكبر منها بالعمر و اخبر منها
وفكوا كل شي من الرحم وقالت لي ارتاحي لين تجي الدكتوره الثانيه
يعني سويتها مرتين بنفس الوقت تقريبا راحه بس خمس دقايق
وان شاء الله معد اسويها في حياتي
وعندي امل كبير هالشهر احمل باذن الله

[أم حمودي وعبودي]

يا رب تحملي هذا الشهر وما تحتاجيها أبداً

[امل1]

صحيح كثير حملو معهم ورم
ومنهم صحبتي
صراحه مادري اش فيا بالضبط
لن شاء الله دكتوري يكون فاهم ويعرف السبب من ايش
عهود
دوري ع دكتور شاطر وفاهم معقوله يكون في عنق رحم ضيق
صراحه اول مرا اسمع زي كذا
وربي يرزقنا جميعا الذريه السليمه من غير تعب

[khaled alger]

انا اليوم جايبتلكم طريقة مضمونه للحمل 100% بإذن الله:

وهذي الخلطة مفيده جدا جدا للي عندها سدد أو ضعف في المبايض..

وبالنسبه للنتايج اللي أنا شخصيا أعرفها...كالتالي..

1/ وحده ماحملت من عشريــــــــــــن سنه وبعد ماإستعملتها لمدة كم شهر

رزقها الله بتوأم..ماشاء الله:

2/ وحده عمر ولدها عشر سنوات يعني بخامس إبتدائي وبعد ماإستعملتها ماشاء الله جابت

بنت
وكنت أنا اللي وصلتلها اللخلطة وقالت تكفون عطون إسم اللي أعطتني الخلطة عشان أسمي بنتي عليها طبعا أنا

قلت يكفيني دعواتها وبصراحة فرحت من كلللللللللل قلبي

3/ والثالثة تزوجت وماحملت وجربت عدة محاولات وأخيرا حملت لكن للأسف سقطت في

الشهر الخامس ..وفيه ناس شاروا عليها إنها تكفل طفل من دار الايتام وفعلا كفلت بنت حلللللللوة ورضعتها لأن مثل

ماتعرفون الوحده يصير فيها حليب بعد ماسقطت بالخامس..

عاد هي إستعملت هالخلطة وماشاء الله حملت بعد كم شهر واللحين جابت ولد ..يارب لك الحمد..:

وهذولاء اللي أنا أعرفهم ونفعت معهم الخلطه..

ماأطول عليكم..

المقادير هي كالتالي:

3 فناجيل قهوة كمون مطحون

3 فناجيل قهوة قرنفل مطحون

3 فناجيل قهوة حبه سوداء

3 فناجيل قهوة فلفل أسود مطحون

3 فناجيل قهوة رشاد<<طبعا بدون طحن>>

3 ملاعق صغيرة حلبة

الطريـــــــــقه:

يطحن كل مقدار على حده ما عدا الرشاد لا يطحن وبعدين تخلط المقادير مع بعض..

طريقــــة الأكل:

تؤكل ثالث يوم من الدورة ملعقة كبيرة ويشرب <<توكل ولاتذوب في الماء>>كأس ماء بعدها حتى
تنتهي معك الدورة..
مره واحده في اليوم بعدالافطار...
لودورتك 5ايام تاكليها3و4و5فقط
ولو7ايام 3و4و5و6و7
يعني على حسب طول دورتك المعتادحتى لووقف معك الدم استمري الى اخريوم في الدوره...

ملاحــــــــــــظة::

- إذا نزل دم كثير أو قطع أو ماء كثير يكون لديها سدد..

- إذا توقف الدم ونشفت أثناء تناولها يكون عندها ضعف في المبايض وهذه الخلطة تنشطهن..

- إذا جاء وقت الدوره الثانية ولم تنزل الدورة يعمل تحليل لتأكد من وجود حمل أو عدمه..

وإذا لم يوجدحمل ويبدأ نزول الدورة الثانيه يعاد أكل هذه الخلطه مره أخرى في نفس التوقيت<<يوم ثالث من الدوره>> حتى يثبت وجود حمل بإذنه تعالى

-

[أم حمودي وعبودي]

شكرا على الخلطه الي كلها أشياء مفيدة ومعروفة
بس أنا مستغربه من شي كيف ناكل ملعقة منها وهي كلها أشياء جافة أحسها بتوقف بالبلعوم
يمكن لو يون معاها ملعقة عسل أفضل