تجمع لحوامل شهر جمادى الأولى 1433

[أم رزاان]

مسا الخير حبايب قلبي
وربي يبارك فيكم ويفرحكم باولادكم واولاد اولادكم كمان :)
أنا والله كنت رافضة فكرة أن البنت تتزوج وهي صغيرة
بس لما جاهم النصيب سبحان الله ما ادري كيف غيرت رأيي وقناعاتي !!!

بس الحمد لله الآن كل شغل البيت عليهم
وماشاء الله شاطرين والله في شغل المطبخ وخصوصاً الحلويات
والأطباق التقليدية
أنا تزوجت عمري 13 سنة والله ماكنت اعرف حتى كاسة الشاي اعملها
ووكنت بغربة ماعندي احد يوجهني
والحمد لله علمت نفسي بنفسي

وربنا يعين ياااارب

سروءة الحمد لله ياقلبي والله لما تحسي بحركتة تطمني وترتاحي
ربنا يطمنك ويريح باالك يااارب

أم بدر هااه كيف حسيتي بالحركة ياقلبي ولا لسى ؟!

أنا امس رحت لموعدي وقالت كل شيء الحمد لله تمااام
ووقفت ادوية التثبيت
وتقول باقي لك اسبوعين وتدخلين السادس !!
وشفت بنوووتي عسل جالسة وواضعه يدها على فمها فديتها ^_^

[سرووءة]

ام رزان الحمدلله انهم ستات بيت ..
انا صح تزوجت وعمري 21
كبيرة هههههههههه
بس كمان تزوجت مابعرف اسوي بيض مقلي خخخ
لاني كنت مدللة .. وحيدة امي بالبنات ودايما مشغولة بدرساتي والجامعة .. ومااسوي شي الا بايام الاجازات يادوب اسوي غرفتي والبيت شوي مع ماما .
الطبخ كنت بس اعرف اسوي سلطة خخخ
بس تزوجت صرت غصب عني اطبخ لين تعلمت
وماما طلعتلي بكسوتي دفتر طبخ من كتابتها
كانت كل يوم تكتبلي طبختين عليه لين صار دفتر كامل
الله يخليلها لي... وكتير ساعدني هالدفتر
والله وللحين ارجع له للدفتر ان في شي نسيانتو
والحمدلله تعلمت .. وصرت احسن من اول بكتيييرر
..

با الحمدلله انت معودة بناتك يشتغلو ..
الله يسعدهم يارب ..

ومبروك انك اطمنتي عن بنوتك
وعقبالنا ..

[أم رزاان]

هلا سروءة الغاليه
الوحدة لما بتتزوج غصب عنها تتحمل المسؤولية :)

كيفكم كروشات .. وين البقية مو باينين ؟ :)

[H&H]

أم رزان
 ألف ألف مبروووووك  لبناتك
الله يسعدهم ويجعل بيتهم عامر بالحب والمودة
ومومهم عمرهم كم عند الزواج المهم الزوووووج العريييييس
اذا آتاكم من ترضون دينه وخلقه فزوجوه ...
و18 خلاص عروسة ماهي صغيرة
انتي من وين ؟ اذا فكرتي تقضيلهم من عندنا في جدة
ترى اهل جدة اهل الرخا والشدة يعني ماراح نقصر معاكي

[((ام ليان))]

اليوم رحت المستشفى طمنتني على وضعه وسألتها ليش ما بيتحرك تقول خليها كم اسبوع
وان شاء الله بيتحرك وسألتها عن جنس الجنين قالت ولد والحمدلله الله يصلحهم ويهديهم

[سرووءة]

ام ليان الحمدلله انك اطمتتي
ومبروك الصبي
وعقبال مااعرف انا
انت كم ولد عندك وعندك بنوتات ولالا ^^

[((ام ليان))]

الحمدلله عندي ولدين وبنت صح تمنيت بنت علشان بنتي بس اول ما قالت لي انه بخير
وصحته كويسه حمدت الله وشكرته والحمدلله على كل حال

[أم رزاان]

هلا قلبي h&h
أنا من المدينة
وخيرك واصل يالغاليه ماتقصري فديتك :)

أم ليان الحمد لله اللي طمن قلبك
وطالما هو ولد فلا تقلقي الاولاد حركتهم تتأخر شوي
مو مثل البنات
والله يفرحك بشوفتة سليم معافى في احضانك ياااارب

ويفرح قلب كل أم تنتظر لحظة ضم صغيرها إلى صدرها

[..ام بدر..]

ام رزان الله يوفقهم ويسعدهم ودامهم يعرفو شغل البيت هذا اهم شي.....وبالنسبه لي ابشرك حسيت بالحركه الحمدلله..وعقبال مانعرف انا وسروءه جنس الجنين

[حبيبة محمد]

صباح الخير للجميع

كيفكم ايش اخبركم

ام رزان 1000 مبروك لبناتك الله يوفقهم وانتي الله يقومك بالسلامه

كيف حرك الجنين معكم انا جنيني يتحرك و صارت الحركه واضحه مرره الحمد لله طبعا انا كشفت قالت لي ولد و الحمد لله