## أحلى الصواني - لكم يالغالياات - تذوقوها بالعافية ##

[ام ارجواااااان]

(( 14 ))

صينية الشاورما





بس بصراحه مادخل مزآجي اسمها لأن طعمها بعيد عن طعمة شاورما السوق
طعم بنكهة ثانيه ... أحب هالصينية بكثر حبي للي عطتني الوصفة الله يذكرها بالخير
ويوفقها دنيآ وآخره
هذي الصينية إدماني انا والعايلة وسهلله جدا
إدمان بشكل مو طبيعي وإذا بغيت ازيد كم كيلو سويتها

نرجع لطبختنا
المقادير والطريقه


الطبقة الأولى:





نقطع بطاطس وباذنجان مكعبات ونقليهم ونحطهم بالصينية





الطبقة الثانية:





نسلق دجاجة وننتفها ( ماتفرمونها بالآلة بس تنتيف )


عالصاج >> نحمس البصل مع الزيت لحد مايذبل البصل شوي ثم نضيف له مكعب ماجي
>> بعدين نضيف الدجاج ونقلب >> بعدين الفلفل البارد >> ثم الملح


ونحط هالحشوه فوق البطاطس والباذنجان





الصوص :
علبة زبادي + علبة قشطة التاج او بوك + 4 ملاعق كبيره مايونيز
+ 4 ملاعق كبيره جبن سايل >> نخلطهم ونحطهم فوق طبقة الدجاج





وهنا رشيت عليها بابريكا ( اختياري)





وندخلها فرن مسبق التشغيل من تحت وفوق بنفس الوقت


ويكون مستواها وسط بالفرن مو فوق ولا تحت

[ام ارجواااااان]

(( 15 ))

صينية الدجاج المحمر بالفرن





هالصينية مسويتها اختي يعطيها العآفيه
وبما ان موضوعي عن الصواني نزلتها
زيادة الخير خيرين

المقادير
2 بصل مقطع حلقات + 2 فلفل بارد حلقات + 3 حبات جزرحلقات
+ 5 حبات بطاطس حلقات + 3 حبات طماطم برضو مقطع حلقات
دجاجة مقطعه حلقات >> برا
لا .. دجاجة كامله مغسلة ومقطعه أرباع >> تتبلينها ببهاراتك المشكله ونخليها على جنب نص ساعه

في قدر الطبخ >> نشوح البصل مع الزيت بعدين نحط الفلفل ونقلب شوي
>> بعدين نحط الجزر بعدين الطماطم ونقلبهم
>> بعدين نحط الدجاج ونقلبهم
بعدين نحط ( 3 ملاعق صلصة حمراء + مكعب ماجي + فلفل اسود مطحون
+ كمون مطحون + مويه حوالي كاسين او كاس ونص ) ونحركهم مع بعض
>>> ونغطي القدر ونخليهم حوالي ربع ساعه
>> ثم نضيف البطاطس الحلقات ونخليه ربع ساعه ثانيه >> او على حسب الاستواء اللي يعجبك بالبطاطس

بعدين نحط اللي كل اللي بالقدر بصينية ونرش عالوجه بقدونس او كزبره مفرومه
وفلفل اسود (اختياري)
وندخل الصينية الفرن ونخليها تتحمر من فوق بس

[ام ارجواااااان]

(( 16 ))

صينية الباذنجان بالبشاميل

المقادير والطريقه

باذنجان كبير او وسط مقطع لشرايح عريضه دائرية لصينية حجمها وسط
بس انا هنا استخدمت صينية صغيره تقريبا وصينية كب كيك عشان هيك قطعتهم بشكل طولي ودائري على حسب اللي عندي
وهذي صورة الصواني اللي استخدمتها

نقلي الباذنجان ونخليه على جنب

الحين نبدأ نحضر حشوة اللحم:
لحم مفروم + بصلتين متوسطه مقطع قطع صغيره + حبة جزر مبشور
+ حبة فلفل بارد مقطع مكعبات + بهارات ( رشة هيل + رشة قرفه >> عشان ريحة اللحم ) + ملح + صلصة طماطم حمراء + 4 حبات طماطم متوسطه نخلطها بالخلاط

نحمس البصل لين يصير لونه ذهبي ويذبل شوي >> بعدين نحط عليه اللحم المفروم والبهارات والملح ونقلبهم لين يستوون >> بعدين نضيف الفلفل البارد والجزر ونخليه يذبلون شوي
>> بعدين نضيف عصير الطماطم ونضيف تقريبا ملعقة كبيره او نص صلصة الطماطم الحمراء
ونتركه لين يتسبك

الحين خلصنا من الباذنجان وحشوة اللحم
بقي البشاميل

صلصة البشاميل:
نص اصبع زبده + نص مكعب ماجي + ثلث كوب دقيق + كوبين حليب سايل
أو ( 6 ملاعق حليب بودره + 2 كاس ماء فاتر) + علبة قشطه + 4 ملاعق جبن سايل

نذوب الزبد مع مكعب الماجي >> نضيف الدقيق ونحركه شوي بعدين على طول نضيف الحليب ونحركه >> ثم نضيف الفلفل الابيض او الاسود واخفقي لين مايثقل الخليط
>> نطفي النار ثم نضيف الجبن والقشطه وملعقه مايونيز (اختياري .. اذا حبيتي)

وأذا كنتي خايفه أنو يتكتل عندك الخليط
حطي بخلاط الكاس >> الزبده + الماجي + الدقيق والحليب
وبعدين عالنار لين مايثقل الخليط وطفي النار وحطي القشطه والجبنه

الحين كل شي جاهز الباذنجان وحشوة اللحم والبشاميل
نبدأ نرتبهم بالصينية

الطبقة الاولى : نرص الباذنجان بالصواني

الطبقة الثانية: نضيف حشوة اللحم

الطبقة الثالثة : باذنجان

الطبقة الرابعة : البشاميل

وآخر شي نرش عليها البابريكا وبودرة الثوم والاريجانو >> ضروري نرش هالاشياء عشان تعطيني نكهه وريحه حلوه
وندخلها فرن حار من ثلث الى نص ساعة ثم نحمر الوجه
ونقدمها مع الخبز مع الخبز المفرود

وهذي شكلها بعد ماطلعتها من الفرن

وبالعافيه

[ام ارجواااااان]

(( 17 ))


صينيه السبرنج رول بالحشوة المميزة والخلطة اللذيذة

المقادير:

صدر دجاجه مسلوقه في مكعب ماجي وحبتين هيل

مربعات اسبرنغ رول

حبة بصله مفرمه وحبه مقطعه شرايح – 3 فصوص ثوم مفرومين – حبة طماطم شرايح – حبة بطاطس شرايح وحبة مكعبات صغيره – حبة فلفل رومي مقطع مكعبات صغيره - حبة جزر مبشورة – حبة كوسه مبشوره – نص كوب ذره – نص كوب بازلا

البهارات ((ملعقه صغيره كمون – ملعقه صغيره كزبره – ملعقه صغيره فلفل اسود – ملعقه كبيره بهارات كاري – ليمون اسود ناشف تدقينه اذا تفتت تاخذين مقدار ملعقه صغيره))
مكعب ماجي – فنجان قهوه صوص الصويا – كوب شاهي ذوبي فيه نص مكعب ماجي – 3ملاعق زيت زيتون

الصوص للوجه ((علبة قشطه – ملعقتين مليانه جبنه سائله – ملعقه مليانه مايونيز – وحبتين كيري تعطيها طعم جنان ))

الطريقه:

اول شي الحشوه:

حطي زيت بالطاوه وحطي عليه البصل والثوم المفرومين

قلبيهم شوي وحطي عليه الجزر والبطاطس والكوسا والفلفل الرومي

قلبيهم وحطي عليها الذره والبازلا

حطي عليه كوب ماء وغطي عليه تقريبا ربع ساعه

بعد ماتسوي الخضار اضيفي الدجاج بعد ماتنتفينه

حطي عليها الكمون والفلفل الاسود والكزبرة ونص مكعب ماجي ورشة ملح وبهارات الكاري وصوص الصويا

قلبيهم لما يتجانسو وبيصيرو كذا طفي النار عليهم

اللحين نجي للصينيه

حطي بااسفلها شرايح البصل والبطاطس والطماطم رشي عليها رشة بهارات من الكمون والملح والفلفل الاسود والكزبره والليمون الناشف المدقوق وكوب مويه مذوب فيه نص مكعب ماجي و3 ملاعق زيت زيتون

خذي مربع واحد من العجينه وحطي الحشوة فيها

لفيه كدا

اثنيه من الجوانب






وبيكون كذا






رصيها بالصينيه





وهنا اكتمل العدد





حطي فوقها الصوص الابيض

رشي عليها السماق والزعتر

غطيها بالقصدير





دخليها الفرن لمدة 20 دقيقه من فوق ومن تحت على نار متوسطه






طلعيها وخذي من تحت بالشوكه بطاطس وبصل شوفي استوى او لا اذا استوى خلاص شيلي القصدير وحمريها من فوق بس واذا مااستوى غطيها ورجعيها واحسبيلها كمان 10 دقايق

وقدميها

يمي

وهنا قسمتها من النص

شوفي الحشوه كيف







اتعب اقول لذيذة






واااااااااااااااو








رووووووووووووووووووووووعه






جنااااااااااااااان

اخر زووووووووووووووم

اتمنى تعجبكم

[ام ارجواااااان]

(( 18 ))

صينية باذنجان

المقادير :










* باذنجان خاص بالقلي ومقطع لشرائح عريضه ، تقريبا كيلوين او ثلاث . والافضل يكون حجمه كبير .




* صلصة باشاميل ( هذي مقاديرها )








الباشميل لصينيه حجمها 15 في 30 وعلى فكره صينيتي عميقه نسبيا .



نصف اصبع زبده



نصف مكعب مرقة دجاج



ثلث كوب دقيق



كوبين حليب 500 مل( أو 6 ملاعق حليب بودره + 2كأس ماء فاتر )



علبة قشطه وممكن استبدالها بالويبنق كريم ( كريمة خفق)



اربع ملاعق طعام جبن سائل



( ممكن تضيفين ملعقتين مايونيز ) كنت اضيفه زمان بس صايره اكره المايونيز .فبطلت فيه .



فلفل ابيض حسب الذوق .



بالنسبه للملح تقريبا ماستخدم لان مرقة الدجاج والجبن مالحين ، بس إذا تحبين ممكن تضيفين شوي بس .



* حشوه على مزاجك . انا استخدمت حشوة اللحم لاني احسها الافضل مع الباذنجان .




مقادير الحشوه :











لحم مفروم تقريبا كيلو










بصلتين متوسطتين مقطعع قطع صغيره



جزره مبشوره ونص حبة فلفل رومي مقطعه .









بهارات حسب الذوق ( شخصيا استخدم قليل من الهيل والقرفه المطحونين فقط ) واحيانا ملح الجيني موتو



ملح حسب الرغبه.










اعشاب ( اورجانو ، ببريكا) ايضا ممكن تستخدمين جبن بارميزان او اي جبنه .

بودرة الثوم ..( أختياري) .










كيلو طماطم ( بندوره)



بكت صلصة طماطم .




الطريقه :



نملح الباذنجان ونخليه يعصر الماء اللي فيه وننشفه بالمنشفه ، ليه؟ ( عشان مايتأكسد وايضا عشان مايشرب زيت ويطرطع اثناء القلي)











نقلي الباذنجان ونصفيه ونحطه بورق نشاف ، ممكن تشوينه بالغريل لو تحبين تقللين السعرات .









اثناء القلي حضري الحشوه .





طريقة الحشوه :




احمسي البصل لين يصير ذهبي بعدين وإذا حبيتي ممكن تضيفين فص ثوم ( انا ماستخدمت)









حطي اللحم والبهارات اللي تفضلينها انا ماحب البهارات الكثيره استخدمت هيل وقرفه مطحونين وفلفل أسود . وقلبيهم لين يستوون تقريبا










اضيفي الفلفل الرومي والجزر










وخليه يذبل شوي









اخلطي الطماطم بالخلاط واضيفيها للحشوه وخليها لين تتسبك


















وإذا احتاج صلصه اضيفي صلصه . طبعا لاتنسين الملح .


















حضري الباشميل .



مقاديري للبشاميل تختلف شوي عن مقادير الباشميل اللي استخدمه باللازانيا ، حلو التنويع بالنكهات .




طريقة الباشميل :




ذوبي الزبده مع مرقة الدجاج ، وراعي قللي المرقه لان الجبنه مالحه .










اضيفي الدقيق واخلطي . لين تتحمس شوي .











اضيفي الحليب الفاتر وراعي انه مايتكتل واستمري بالخفق . ولاتنسين تضيفين الفلفل الابيض .











وهذي بعد ماثخن البشاميل












الحين اطفي النار ، واضيفي الجبن ، والقشطه والمايونيز .


















الحين رصي الباذنجان بالصينيه .












اضيفي الحشوه
























الحين نضيف الباشميل






اضغط هنا لمشاهدة الصوره بحجمها الطبيعي





رشي البابريكا والارجانو والجبن وبودرة الثوم.










ادخليها فرن متوسط الحراره 180 درجه تقريبا من ثلث الي نصف ساعه وحمري الوجه .













تقدم مع الرغيف العربي

[ام ارجواااااان]

(( 19 ))

طبقات البطاطس المقلية بالصلصة


الــــمـــــــقـــــاديــر

شرائح بطاطس مقليه على حسب الصينية
صلصة بيتزا





الــــطــــريـــــقــــــــــة

اولا نرص طبقة من البطاطس



ثم نضع طبقة من الصلصة



ثم طبقة بطاطس



ثم طبقة صلصة



ممكن يرش الوجة بالجبن المبشور وتدخل الفرن من تحت وفوق يمكن 5 دقائق فقط
انا ماكان عندي جبن

[ام ارجواااااان]

(( 20 ))

صينية توست






صينيه غنيه عن التعريف
وكل له لمساته فيها وابداعاته


نحتاج توست
نشيل اطرافه ونحطه بصينيه
ندهنه بشوي قشطه مخلوط مع جبن سايل
نسوي الحشوه اللي نحب
انا افضل دجاج ولو كنت مستعجله سويت تونه حمستها مع بصل وبهارات
نحطها
نرش عليها جبن موزيريلا
ونحط عليها طبقه توست
نخلط علبة قشطه 3 ملاعق جبن سايل ونصبها على الصينيه وندخلها الفرن

[ام ارجواااااان]

قدمت لكم الى الان 20 صينية

كل وحده احلى من الثانية

وباذن الله تعالى سيكون هنااك

الاحلى والاحلى

فقط تابعوووني على حواامل

[ام ارجواااااان]

الصواني التي طرحت هي

صينية الرقاق بالبشاميل
كرات اللحم بالزبادي والطحينة
صينيه الأرز بالجبنه والقشطة
كرتان بالطاطا والكفتة
ص صينية التونة اللذيذه ينية الدجاج والزهرة
صينه الدجاج بالقشطه
صينية اللحمة بالطحينة
صينية مكرونة بالباذنجان
صينيةالشاورما
صينيةالدجاج المحمر بالفرن
صينية البطاطس بالتشدر والبشاميل
صينية الشاورما
صينيةالدجاج المحمر بالفرن
صينية الباذنجان بالبشاميل
صينيه السبرنج رول بالحشوة المميزة والخلطة اللذيذة
صينية باذنجان
طبقات البطاطس المقلية بالصلصة
صينية توست

[ام ارجواااااان]

الى اللقااااااااااااااااء