حبيباتى سيدات ليبيا تفضلو لأعرف ما حالكم

[رغوده2006]

تبي الحق انا جارتي في ليبيا باكستانيه ولما حملت بولدي اتوحمت عالبهاراتها نحس فيها قووووووووووويه حشاك تقلب الدماغ ومستحيل اني انطيب بيها والا حتى انشمها طووووووووووووول حشاكم ارجع فمستحيل نستعملها تي هي لما اطيب في شقتها تجيني الريحه تجري لشقتي نقعد غير انسكر في الرواشن وتعلق الريحه حتى في سوانيا كان دوقتها حاجه سبحان الله

[dr.loly]

ومانشستر بكل ليبين فيها وااااااااااااااااااااجد

وباكستان طبعا اهل البلاد خخخخخخخ

وبهارات سمعت كلام ناس وكريت حرارات وبهارات .. وطلع عندنا بي ليبيا ع قولة زوجي نحن لي معندنش بهارات هههههه

سوبرماركت هنا فيه جميع انواع البهارات محون وعيدان واشكال والوان حتي في حاجات جديده

[رغوده2006]

سلمها ياربي والله اعطيتيني معلومات ماكنتش نعرفها بالذان عالجلابيب الحق لاني انا نلبس فيهم هم بس مع محارم تحجب كبار ساده اكيد حتى هم مش متوفرات

[dr.loly]

لالا هم عندهم خلاطات خاصه بهم ماناخدش فيهم نقصد..
حرارات .. فلفل اسود .. قرفه .. زنجبيل .. كسبر مطحووون .. كمون حوت لقيته باسم كمون جيرا الناعم ..

كركم .. فلفل احمر حار .. فلفل مش حار(بابريكا) .. ثوم بودره والجو هذا لي متعودين عليه نحن في مطحوووون وفي عيدان

وطبعا الهيل وعيدان الحرارات والقرفه .. وورق الغااار ..

كل حاجه بروحهاااااااااا تنباع خلطات الكاراي وجوهم عمري ماااخترتهن

[dr.loly]

لا محارم كبار في نيوكاسل ماقابلنيش .. بس الوشاحات وااااااااااااااجد..
دام تلبسي في جلباب جيبي معاك مجموعه ..

انا جبت اربعه وقالي زوجي زيدي ونظامهن طواااال وبصراحه في المطار والرحله ترانزيت وشايله الولي وزوجي فروسي وشنطه لاب توبه ولاب توبي تعبنااا بجد ...

حسيت روحي انا الوحيده مع مراه عندها 8 عويله ماشاء الله اللي لابسات جلابيب

الباقي كاجول واسبورت .. ع اساس كانن يلبسن ف جلابياب ب ليبيا .. استغفر اللله اللهم اني صائمه

[dr.loly]

وحتي كسكاس فيه شفته ف محل سعودي بس خاص ب بوريك لي يبوخوا فيه انسيت اسمه مندي انضني..
اصلا شروه جماعه اصحاب زوجي وقالو فتحاته واسعات .. مايمسكش الكسكسو

والباقي القروب العائلات كل واحد جايب معاه

طبعا خودي واحد متوسط عشان يسد عزومه مثلا لو كنتوا حابين تعزموا ..

[رغوده2006]

صح كلامك ام فراس لكن انا مش متعوده عالبهارات القويه زي بهارات الباكستان تحسي بيها تذهب شيرة الماكله وتفقدها بنتها الاصليه لدرجة انك تحسي في روحك انك تاكلي في شئ غريب مع انه مش غريب

[dr.loly]

حاجات البيبي يانسون وبابونج وزيت زيتون متوفرات جارتي كركتهن ع الفاضي..

بس كريم ميبو مافش هنا ومايوصفوش فيهااا اصلا .. لانهم مايخيطوش جارتي صارلها تمزق عشان بكريه وخيطوها عطيتها وحده جايبه 2 كنت احتياط وحده لقيتها بعد انحرقت انكبت عليا ميه فايره

[رغوده2006]

بارك الله فيك وان شاءالله في ميزان حسناتك يااااارب واكيد راح نرفع معايا مجموعة جلابيب ومحارم يسدوني عام والكل قالولي البسي سراويل وفانيليات طوال لكن انا قتلهم ابدا على جلابيبي ماراح اتخلى(مش حتنازل عنهم ابدا مهما يكون) حتى ولو مشيت لسند والهند وربي معايا ويقويني على الافكار الجهنميه هههههههههههه

[شموسه 88]

المشاركة الأصلية كتبت بواسطة رغوده2006

بارك الله فيك وان شاءالله في ميزان حسناتك يااااارب واكيد راح نرفع معايا مجموعة جلابيب ومحارم يسدوني عام والكل قالولي البسي سراويل وفانيليات طوال لكن انا قتلهم ابدا على جلابيبي ماراح اتخلى(مش حتنازل عنهم ابدا مهما يكون) حتى ولو مشيت لسند والهند وربي معايا ويقويني على الافكار الجهنميه هههههههههههه

ماشالله رغوده ربي ايقويكي ان شالله
فعلا حتى لما نمشي بغلقوا عليا لما نلبس بالطوا اومحرمه يسحابوا ان زوجي هو لي شارط عليا "ايقولولي حتى في الصيم اتكركري"بس بلعكس لما الواحد يقتنع بلباس الشرعي خلاص الحاجه الوحيده لي مانلباسش فيها لما انسافر الخمار لا ممنوع عندهم غاادي