【ツ】أحلى تجمع لأحلى حوامل التوائم 【ツ】 ‏الجزء الثالث

[روح المحبه*]

وين الحلوين اليله مافي احد

[روح المحبه*]

ام منصور...
يارب يارب ياحي ياقيووم يفررح قلبك انتي وام عاايشه وتم جبر بتمام الحمل يااكريم

[ام رفا]

ام عائشة انشاءالله الموضوع يكون سهل وبما ان النسبة ارتفعت
معناه الحمل ماشي كويس بس الدم بيكون احتمال انت مسوية مجهود
وأنشاءالله مايكون إجهاض منذر بس اعتقد الدكتور قلك انو لابد من ابر التثبيت
فخذيها ورحي نفسك وربنا يحميك ويحمي الي في بطنك قولي امين
وانا ماعندي فكره تامة عن الترجيع عشان كدا سامحيني ما فدك
عشان انا حملي كان رزق من رب العباد بدون تنشيط ممكن تقولي الموضوع
وراثة

[ام منصور]

مرحبا خواتي الغاليات
جزاكم الله الف خير كل من ردت عليه ودعت لي لها بالمثل وشارت عليه واسئلت عني ربي مايحرمني منكم يا رب
حبيباتي
اليوم دقت عليه الدكتوره تقول اتركي حبوب التثبيت وخلي ينزل استغفر الله
وانا تلقائيا قبلها في الصبح دقيت خذت موعد عند استشاريه في مستشفى الامارات ومالقيت الا بتاريخ 22 من الشهر يعني بعد اسبوعين
قلت لزوجي شرايك اترك لحبوب قال لا تتركين لكن خفيفي يعني بدل 3 مرات خليهم 2
والحمد لله متكله على الله هو من رزقني

[ام منصور]

رجواي
يا حياتي والله صيحتيني
ربي يحفظهم لج ويقر عينج بشوفتهم ان شاء الله ويخفف حملج ويتممه على خير يارب
ومثل ماقالت لج اختي ام جبر تحملي من عيون الناس ودايما اقري على بطنج حتى من النيرسات واستودعيهم ربج وربي يحفظج ويسلم تونزاتج اللهم امييييين

[أم جبر]

ام منصور .. لا تجازفين وتطيعين وحده يائسه .. اذا الي في بطنج فيه نبض حرام تنزلينه وانتي تدرين ان اذا هديتي الادويه بينزل .. انا اقولج شوفي اشطر الدكاتره وروحي لهم !!!

وادعي ان الله كاتب للي في بطنج يعيش ان يحفظه ويحميه من الشر
ويجعل الخير في اي اختيار بتاخينه او تضطرين تاخذينه

[ام منصور]

المشاركة الأصلية كتبت بواسطة أم جبر

ام منصور .. لا تجازفين وتطيعين وحده يائسه .. اذا الي في بطنج فيه نبض حرام تنزلينه وانتي تدرين ان اذا هديتي الادويه بينزل .. انا اقولج شوفي اشطر الدكاتره وروحي لهم !!!

وادعي ان الله كاتب للي في بطنج يعيش ان يحفظه ويحميه من الشر
ويجعل الخير في اي اختيار بتاخينه او تضطرين تاخذينه

والنعم بالله ياقلبي
وصدق انها دكتوره يائسه واحس انها ماتعطيني فرصه افهمها انه حملي متاخر
اللهم لك الحمد انا موقنه انه اذا ربي كاتبنه لي بيتممه وان الله مب رايد الحمل يتم ترا مابيتم

[غنو حياتي]

ام سلمى
طمنينا عنك وربنا يسهل امرك ويهون اللي بقي من حملك

فطوش
الحمدالله انه الالتهاب خف واشربي سوائل كثير

دره البحر
تسلمين حبيبتي عالدعوه "تشوفينهم يلعبون مع غنو" دخلت جوااااة قلبي

ام جبر
يارب يفرحك بضمنتهم وحضنهم ويكركبون عليك البيت ولا تلقين غرض بمكانه واحد يمشي وراك وواحد قدامك وواحد يبكي يبغاك تشيليه ,,,,وربي يرحم اخوانك وبسكنهم فسيح جناته اللهم امين

خجل
لاتخااافي انا مثلك كل ماراروح واحد نشيط وواحد نايم حتى سميته ابو نووومه وكنت خايفه كثير بس طمنتني الدكتوره قالت بيكون طبعه هادي ان شاء الله لما يجي ,والبطن ياسلاااام ان من الثاني نقزت قدااااام والان بنص الرابع وكاني بالسابع بحملي الاول ,,,,مو مهم المهم ياخذووون راحيتهم
الاسماء لسه بدور على اسم قريب من غــــنــــــى غير اسم غــــــلا وياليت اللي تعرف تقترح لي ,والولد لابووووووووه عاد اش نسوي القســــــمه كذا

رجواي بالله
موقف رووووعه عيشتيني بالغرفه معاك ...وربي يطمنك دوم عليهم

روح
يسلم لي قلبك وربي انت ذووووق وان شاااء الله تفرحينا قريب باخبار حلوووووة تطمنك وتطمنا,دكتورك اعطاك موعد بعد اسبوعين؟؟ الصـــــــــــــــــــبر بس مو نبض الجنين بيبان من اول الثاني ؟؟

ام عايشه
يبارك بعمرك يا عسل وان شاااء الله بالقريب العاجل تبشرينا بالخبر الزيييين

توتا بطوطه
يبارك بقلبك يا عسل اخبار كروووشتك ,,في ازدياد مستمر خخخخ

صغيره
الحمدالله طمنتينا عليك

ام رفا
يبارك بقلبك حبيبتي

ما يهم
ربي يفرج اللي انت فيه وتفرحي قريب فيهم وبقومتك بالسلامه

الورده النرجسيه
يارب يرزق اختك اللي تتمناه وتنضم لنا قريبا اللهم امين

[أم جبر]

المشاركة الأصلية كتبت بواسطة غنو حياتي

ام جبر
يارب يفرحك بضمنتهم وحضنهم ويكركبون عليك البيت ولا تلقين غرض بمكانه واحد يمشي وراك وواحد قدامك وواحد يبكي يبغاك تشيليه ,,,,وربي يرحم اخوانك وبسكنهم فسيح جناته اللهم امين

امييييييييييييييييييين !!!تسلمين على الدعوه الحلوه..
بس عاد كل شئ ولا الكركبه هههههههههههههههه

.......................

المشاركة الأصلية كتبت بواسطة ام منصور

هي صح نسيت ابشركم اختي ربت اليوم (ولدت ) ويابت بنووووته فديتها عقبال اللي بالتاسع ان شاء الله تفرحون بنوتاتكم وعيالكم ان شاء الله

مبروووووووووووووك ... تتربى في عز اهلها يا رب وتستاهلون سلامتها
وعقبالج يا رب تكسرين بكلام الداكاتره وتطيحين تشخيصهم الارض وتكملين التسع شهور وتجيبينهم سالمين غانمين !!

.......................

رجواي بالله

اظن 2 بيطلعون متشابهين .. وواحد مختلف .. الله يبلغج اياهم سالمين غانمين :)
.......................

عشمانة في ربنا

هلا عزيزتي .. وليش متاخر ههههههه ... انا يوم الاربعاء بدخل على حليمه في حمد وافضل اتابع عندها ..وكخاص اذا مثلا تعبت فجاه او حابه اكشف اروح لهادن في مركز الجزيره الطبي الي قريب جسر الجيده
.................................

زوجي قليبي

تسلمين على النصايح ^_^
لا احنا مريحين بس نعطي نفسنا فجه مره في الاسبوع وتكون خفيفه.. لزياره مثلا او لموعد عند دكتور

................................

روح المحبه*

تقدير الدكتور لعمر الاجنه اهو الصح .. اما الي في الشريط من موقع يحب حسبه تقديريه
اذا عرفتي الحسبه الصحيحه تقدرين تغيرين التوقيع وتسوينه على الحسبه الي قالها لج الدكتور :)
ويبين خلاص في فحص التلفزيون بالمسح الفوقي من الاسبوع الثامن ورايح ان شاء الله

والجدول الصيني تراه ما يضبط مع الكل .. بالحروه!
....................




الورد الناعم

علامات الحمل غالبا تختلف من وحده لوحده ... انتي حمل طبيعي ولا علاج؟

...................

صغيره بالعمر

سلامتها ما تشوف شر .. هاي فايرس في الجو لانه موسم هالامراض مع تغير الجو بعيد عنج وعنا جميعا

.....................
غيرت شريط الحمل علشان يكون نفس عمر الاجنه الي قالته لي الدكتوره
......................

بنات .. الي لها سوابق بسم الله عليكم بـ"سكري الحمل" وعطوها رجيم معين او شغلات معينه تتجنبها غير السكريات ياليت تفيدنا ,, ابي ابتدي فيه من الحين .. اخاف من فحص السكري لاني اوفر ويت

[غنو حياتي]

ام منصور

لاتسمعين كلام الدكتوره على طول.شوفي استشاريه وزرويه باقرب قرت سبحان الله قادر يكون كلام الاولى خطأ
وبالاول والاخر الخير فيما اختاره الله