ألذوأطيب الطبخات السورية

[وردة سورية]

اللوبيا بالزيت
يوجد شبه كبير بين اللوبيا والفاصوليا والاغلب بيقولوا للفاصوليا لوبيا صحيح في شبه كبير
بس الطعمة بتختلف كتير كل طبخة الها نكهة ولذة خاصة
الفاصوليا

اللوبيا


طريقة الطبخ على طريقتي
المقادير
نصف كيلو لوبيا خضراء او حسب العائلة
ثوم حسب الرغبة انا بفضل 5 فصوص ثوم كبار مشان طعمة اطيب
لحمة ناعمة
ملح وفلفل أسود واذا تحبي فيكي تحطي مكعب ماجي او كاري
3ملاعق زيت زيتون
الطريقه
تنظف اللوبيا
ثم تغسل جيدا وتقطعيه تقطيع ناعم
في قدر على االنار نضع الزيت ثم نضيف الثوم المدقوق واللحمة الناعمة
تقلبيها لدقيقتان حتى تذبل جيدا
ثم نضع اللوبيا بعد غسلها وتقطيعها وتصفيتها ونتركها علىالنار خمس دقائق حتى تذبل قليلا
تضيفي لها البهارات وتتركيها لمدة ربع ساعة اذا شفتيها نشفت ضيفي لها شوية مي
تقدم مع الخبز وتغمس
جربيها وادعيلي
وصحتين وهنا

[وردة سورية]

جبتلكن اكلة حورانية مشهورة ولذيذة جدا والاغلب ما بيعرفها
بس هي اسمها غريب يمكن ناس تعرفها باسم تاني
الرقاقة او "المكامير"
المكونات
فهي
(الدجاج-
البصل
الزيت
العجين)
اولا نسلق الدجاج على النار او اللحمة الناعمة مع البهارات والملح
ثم نفرم البصل فرم ناعمة ونوضع معه الزيت والملح وحطيه على النار لحتى يذبل

ثم يتم أعداد العجين الخاص لهذه الأكلة ويتألف:«من طحين يضاف إليه الملح يعجن بماء فاتر أو بمرقة الدجاج إلى أن يصبح الخليط جاهزاً، نقوم بصنعه على شكل رقائق وهي عبارة عن رقائق العجين الطرية والرقيقة،

ويرق بالزيت ويوضع في
إناء مدهون بالزيت لكي لا يلتصق العجين في الإناء، ويوضع فوق طبقة العجين البصل اللي ذبلتيه على الغاز ثم ضعي قطع من الدجاج المطبوخ ويوضع فوقه طبقة جديدة من العجين لتصبح خمس طبقات أو أكثر من الرقائق والبصل والدجاج ثم توضعي فوقه القليل من الزيت ثم توضع في الفرن بعده يغلف الإناء بورق السلفان لمدة ساعة على نار هادئة، ثم يصبح جاهزا للأكل وبعد استوائه يقطع في الإناء ليصبح جاهزاً للطعام».


ترا لا تفكروا هي اللي بالصورة انا هاا
خخخخخخخ هي أمراة حورانية وعم تعمل الرقاقة









نصيحة جربوها
وشوفوا الطعمة اللذيذة

[زهرة الحب]

وردة يسلموا ياعسل على الأكلات الطيبة

[ام عبودي وسيفو]

ما شاء الله عليكن , شيء بيشهي
شو هالطبخات الحورانية الطيبة يا وردة , الله يرزقك و يفرحك في القريب العاجل
صحيح انتي من وين من درعا و لا داعل و لا جاسم و لا انخل و لا وين ؟؟؟

[وردة سورية]

أم عبودي الله يسعدك يارب ونورتي بطلتك البهية
انا من نوى بدرعا اذا سمعانة فيها

[وردة سورية]

بنااااااااات مين لسى ما تعشت تمد أيدها على هالمنسف
تازة وحياتكن من تحت ايدي

أطيب أكلة بحوران طبيخ مليحي والكبةالشيخاوية

[ام عبودي وسيفو]

و النعم باهل نوى , يا ترى سوق اللي كان يوم الجمعة بعدو و لا خلاص ؟؟؟
يا ربي يفرحك يا وردة و تبشرينا بحملك قريبا

[وردة سورية]

المشاركة الأصلية كتبت بواسطة ام عبودي وسيفو

و النعم باهل نوى , يا ترى سوق اللي كان يوم الجمعة بعدو و لا خلاص ؟؟؟
يا ربي يفرحك يا وردة و تبشرينا بحملك قريبا

؟؟؟؟؟؟؟؟؟؟؟
انتي من وين وشو عرفك بسوق الجمعة
اي بعده بس لما صارت هالاوضاع بسوريا خف كتير السوق ما عاد متل الاول

[زهرة الحب]

العجة
أكلة طيبة كتير
المكونات:
باقة بقدونس
5 بيضات
2 بصلتان كبار
3 فصوص توم
معلقة صغيرة ملح
معلقة كبيرة نعناع يابس
معلقة كبيرة بابريكا
معلقة صغيرة فلفل اسود
زيت للقلي نباتي
تخلط المكونات جمعيا بالفرامة البصل وتحطن حتى تصبح ناعمة جدا
نحمي الزيت بالمقلاة الخاصة للعجة



وتقلب على الطرفين وإذا قل الزيت يمكن اضافة وتقدم مع السلطة او اللبن وصحة والف هنا

[زهرة الحب]

المهليبة اكلة طيبة كتير ورح كل شوية تاكلي صحن متل ماصار فيني ههههههه
المقادير:
6 أكواب حليب
6 ملاعق نشا بوردة مذوبة بالماء
كوب ونص سكر
ماء زهر او ماء ورد معلقة صغيرة جدا
مكسرات للتزيين
فستق مبشور او لوز
الطريق يغلى الحليب على النار ومن ثم يضاف إليه النشاء المذوب بالماء ويحرك ويضاف السكر وماء الزهر ويحرك جيداً حتى يصبح الخليط سميك قليلاً يصب في صحون ويترك ليبرد ثم يزين بالمكسرات وصحة وهنا