الوقت المناسب لاعلان الحمل.. متى اعلنتي انك حامل؟؟

[وميض النجوم]

انا اقولك تو الناس لاتقولين لاحد ..

بس اذا مررررررررررره فرحانة قولي لامك بس ..

انا ماعلمت احد الا بعد الشهر الثالث

[يارحيم]

شكل الخبر بيطلع بنص الثالث.. و زين لو قدرنا نحتفظ فيه لين نص الثالث انجاز ههههههه

[عشوق]

أنا توني بنص الثاني وبكر .. قلت لأمي لآتعلمين قالت لي البكر عآدي يفرحون لك ومدري كيف وآنشروا الخبر مع أنو زوجي مو راضي حتى يعلم أمه !!

[االـ م ـهـــااا]

انا ببنتي البكرر ماكنت ادري اني حامل مو راضيه تباان لا في الدم ولا في التحليل المنزلي

وكشفت بالسونار قالوا لي حامل بالاسبوع العاشر وماقلت لاحد ابد الا امي بعد اسبوع من الكشف
واهل زوجي علمناهم بالشهر الرابع

واللحين حامل لي 4 شهور تقريبا وقبل كم يووم بسس قلت لاهلي واهل زوجي اني حامل لانهم لاحظوو اني كرهت الدجاااااج من قلب والقهوووه وربي يرزقني وولد ان شااء الله

[يارحيم]

عشوق علمو امه وش دعوة كل الناس تدري الا ام زوجكترا اذا سمعت من برا بتزعل عليكم مرررة..

المها سبحان الله قصة حملك غريبه.. بس اكيد سهل عليك تحتفظين بالخبر لين الرابع لانك اساسا ما اكتشفتي الا بالثالث :)

[عيون احمد]

انا اول شي علمت امي وابوي حتى خواتي لانو كانو كلهم مشتمعين وانا في غربه
اللكل درا طبعا قلت لهم لاتعلمون احد عشان لما انزل البلد هم يكتشفون بروحهم
وعلمت اهل زوجي
بس من دخلت الثاني امي قالت وعصبت وانقهرت لانو ماكن نفسي احد يعرف
بس الحمدلله الله يثبت حملي ان شاءالله وحمل الجميع

[ي رب حقق حلمي]

ربي يتمم لك ولي ي رب

انا علمت امي وخالتي من الاسبوع الثاني
ام اللي حولي ماكان في بالي اقول الا في الرابع بس خالتي مابقى احد ماقالت له الله يهديها

طبعا هذا اول حمل لي ربي يثبته لي ويقر عيني بشوفته

[يارحيم]

ياحليلكم..اكتشفت من هالموضوع ان اغلب المشاكل ان الاهل او اهل الزوج ينشرون الخبر وصعب صراحه تغبين عليهم لين الثالث ولا الرابع!! انا الحمدلله امي وام زوجي كتومات لكن طبعا الباقين من اباء واخوه واخوات ما اضمن عشان كذا اجلنا شوي ما علمناهم.. لكن رح يعرفون بنص الثالث تقريبا واتوقع بعدها ينتشر الخبر زي ما صار معكم.. الحافظ الله سبحانه وتعالي واساسا الدكتور قايلي فتره الخطر بتنتهي بعد ثلاث اسابيع تقريبا يعني ان شاء الله ان توقيتي مناسب..

[ملكه جوري]

يا قلبي لاتعلمى الين تخلصى الرابع
لانى والله جربت العناء كنت بزواج وكلمت وحده من صديقاتى وهى ماقصرت نشرت الخبر مادخلت البيت الا وانا عندى نزيف وتنومت بالمستشفى مايقارب شهر وجاء شيخ وقعد يقراء على وقالى الا فيك حسد
اتمنا من الله يثبت حملك وحملى وحمل كل مسلمه

[emanzz]

انا بالاسبوع السابع فبدايته ومحد يدري غير زوجي و امي وخالتي وناطره الشهر الرابع و ابلغ الكل .. الله يتمم علينا يارب