افكار لتزيين العطوووور ... مع الصور

[emanzz]

السلام عليكم ورحمة الله وبركاته


طبعاً كلنا نحب العطور ومانقدر نستغني عنها

واليوم فيه موضوع غير شكل .. طرق اعجبتني وحبيت انقلها لكم..


كيف تزينين تسريحتك أو الطاوله اللي عليها عطوراتك؟؟!!


اول فكره هي :
تحطين العطور في صينيه طبعا مزينه بشرشف حلو و ورود على طرف الطاوله و حتى تنفع حق الضيوف بعد ما تضيفينهم تعطرينهم


الفكره الثانيه يا حلوات
تحطين العطور في طبق او صحن مرتفع شوي من الجوانب مع شرايط زينه او دانتيل


الفكره الثالثه وهي:
تحطين عطوراتك على التسريحه مع اكسسوارات زينه او مجوهراتك


الفكره الرابعه وهي:
تحطين مع عطوراتك نبتات طبيعيه او صناعيه على حسب رغبتك او اي زينه عندك


ننتقل للفكره الخامسه واللي هي :
تزينين عطوراتك مع ورود سواء طبيعيه في فازه او تنثرين ورود على الطاوله شي الصراحه رومنسي


هي الورود دايما تنفع


الفكره السادسه:
تغلفين او تلفين عطوراتك بتل على حسب لون غرفتك مثل الي في الصوره الي تحت الصراحه شي


الفكره السابعه وهي :
تزينين عطوراتك مع شموع حلوه و اوراق او ورد مجفف عشان الريحه تكتمل




وهذي الشموع تنفع بعد ..


الفكره الثامنه :
لا ترمين كراتين عطوراتك غلفيها بجلاد حلو وشرايط وصفيها مع العطور على شكل هدايا




الفكره التاسعه :
تزينين عطوراتك مع فراشات او احجار الزينه طبعا متوفره في اي محلات الزينه

و اخر فكره لعشاق الشوكلاته و السويت تحطين علب شوكلاته او اي نوع سويت تحبينه مع عطورك عشان كل ما تتعطرين تاكلين حبه....

حبيباتي ان شاء الله الافكار تنال على اعجابكم انا طبقت بعض الافكار
النتيجة كانت حلوة

مع حبى لكم