نعم..
هكذا انقسمت النصائص على الزوجة فصارت تائهة بين مؤيد ومعارض
بين مؤيد للدلع والرومنسية والحب ...
وبين معارض لها ...
هذي بعص النصايح لي تجول في سوق النساء ...
فلانة تقول يافلانة دلعي زوجك غرقيييييييييه بالحنان والرعاية ماراح يشوف غيرك وتأسرين قلبه تغنجي يحبك تولعي يعشقك خلي الكلام المعسول على لسانك ولاتنادينه باسمه قولي ياقلبي ياحياتي وهلما جرا...
واخرى تقول لا لا انتبهي تسوين كذا يكبر راسه ويذلك ترى الرجال ماينعطون وجه احسن خليك شخصية واكسري راسه خليه ينفذ طلباتك واعجنيه بيدك مافازت الا فلانة تشوفون كيف عايشة حياتها بالطول والعرض لانها شخصية وفرضت سيطرتها ونفوذها على البيت والزوج
الصحيح ان الطريقة الاولى خطأ والثانية خطأ...
والحقيقة ان التعامل مع الزوج لايجب ان يكون دلع وحنان مفرط ولاسيطرة وقسوة مفرطة_كل شئ اذا زاد عن حده انقلب لضده...
ارشدنا ديننا الاسلامي الى النهج القويم في كل امر وهو منهج( الوسطية)
الوسطية في كل شئ حتى في تعاملك يازوجة مع الزوج....
كوني وسطية داااائما...ان تمزجي اللين والدلع مع الحزم والحرص على حقوقك
بعض النساء تدلع زوجها دلع مفرط جدا لدرجة انها ممكن تتخلى عن حقوق كثيرة لها بحجة ماابغى اتعبه او خايفة من المشاكل او اخاف يقول عني نكدية او اخاف يكرهني والمشكلة انها تجي في نهاية المطاف تشتكي..( زوجي هاضم حقوقي وزوجي مايعبرني اويسهر ويخلينا او او او....)
لاتتوقعين ان تدليعك فقط راح يكون عصا سحرية تعيشين فيها بسعادة تامة لا
لازم تكون لك شخصية وقت الجد ماتتنازلين عن حقك وتنتبهين لنفسك وترفهين عن نفسك وتدلعين نفسك مثل ماتدلعينه..
لاتنسين نفسك في غمرة تدليعك له وتتنازلين عن حقوقك واحد ورا الثاني وتصحين بعد مدة على واقع مؤلم رسمتيه لنفسك..
انا مااقول لاتدلعين زوجك لان اللي ماتدلع زوجها اعتبرها حرمت نفسها شعور حلو بس كمان انتي انسانة لاتلغين شخصيتك في بداية حياتك افرضي نفسك عبري عن رأيك بشجاعة لاتتنازلين عن حق من حقوقك ولاتكونين تابعه عمياء..
اجمعي بين الاثنين .. المسألة سهلة ولاتتناقض مع بعض...يعني دلعيه وعطيه كلام حلو وجو رومانسي ... اللي تبينه سويه لكن اذا صار موقف بينكم يحتاج للنقاش بليز الله يخليك خلي الرومنسية على جنب وانتبهي لمستقبلك ناقشيه وحسسيه انك زوجة وحرمه لها راي وعقل يفكر..اذا حاول انه يلغي شئ من حقوقك وقفي وعلميه ان هذا غلط وكذا وكذا وحاولي تكونين مركزة حبة حبة خصوصا في بداية زواجك لان هذا باب كبير تقدرين من خلاله تثبتين نفسك لاتصير حياتك كلها حب ورومانسيات... وانتي رايحة فيها وناسية عمرك.. والرجال ماسك راسك يفكر فيه ويفكر بدالك وانتي جماد وفي النهاية تطلعين من الغيبوبة على واقع مر..
مابي اخوفك بس فعلا رجالنا ماينعطون وجه زيادة عن اللزوم حلو ان تدليعك له يجي مع شخصية لها رأيها واحترامها وحقوقها الكاملة(لاتسمحين له ابدا انه يهينك او يبخسك حقك)حطي للاشياء هذي حدود من البداية
____________________
والخلاصة ان تكوني له كما سريد مطيعة ومحبة لشخصه وكذلك مخلصة لشخصك انت كزوجة ....
11-14-2010, 05:36 PM
(دلعي زوجك يموت فيك)...(انتبهي ترى الرجال ما ينعطى وجه)!!!!
روح الإبداع 
الحمد الله ربنا رزقنى بحبيبه اللهم احفظها واهديها 
جديد منتدى منتدى الحياة الأسرية والزوجية
العرض العادي
