اعطوني افكاركم في مشكلتي

[رمز الصدق]

السلام عليكم ايا اخواتي ابغا اطلع الي في قلبي عسا ارتاح نفيسين والله تعبانة انا ساكنة في بيت شعبي لي 5سنوات والله قديم مرة مرة مش نضيف ابدا قلت لزوجي ابغا اخرج من البيت ابغا بيت انظف واجمل وغرف واسعة مش لازم شقة حتي شعبي بس يكون نظيف البوية والحمام اكرمكم الله والمطبخة فقع قلبي مرة تعبت منة يقول استحي من راعي البيت لانة عمة الي مسوي لنا الكفالة وكان البيت ايجار بقيمة 500 ريال لمدة 4سنوات وبعدين اعطية مجانا المهم كل مااقول ابغا اخرج يقول انتظري لما متى انتظر انصحوني انا ماعاد فيني عقل احس اني تعبانة ماابغا اتكلم معة في الموضوع كثير لانة بسرعة يمل ويزعل ويخرج من البيت وانا ماابغا اخرب بيتي لاني احب زوجي والله استحي من صدقاتي صرت اتهرب منهم مااروح عندهم عشان مايجو عندي

[رمز الصدق]

معقولة مافي احد يجبر بخاطري برد

[دلع الأحساء]

مابعد الشده إلا الرخاء صبري لين مالله يفرجها

شوفي اخواتي متزوجين كلهم اول ماتزوجو سكنو في غرفة وحده بس وجابو هالعيال في هالغرفة واشوي اشوي الله وسع عليهم من رزقة لين ماطلعو شقة

والحين كل وحده في بيت


وانا الحين انتظر حظي بعد انا الحين عايشة في غرفة وحمام وراضية بالمكتوب لين مالله يفرجها

[ساعة صمت]

المشاركة الأصلية كتبت بواسطة دلع الأحساء

مابعد الشده إلا الرخاء صبري لين مالله يفرجها

شوفي اخواتي متزوجين كلهم اول ماتزوجو سكنو في غرفة وحده بس وجابو هالعيال في هالغرفة واشوي اشوي الله وسع عليهم من رزقة لين ماطلعو شقة

والحين كل وحده في بيت


وانا الحين انتظر حظي بعد انا الحين عايشة في غرفة وحمام وراضية بالمكتوب لين مالله يفرجها

انا بعد زيك والله
عايشه مع اهل زوجي
وقال زوجي ان شاء الله كم سنه ونطلع نسوي بيت بروحنا

[(ملاذ الروح)]

حبيبتي اصبري انا خالي لما اتزوج كان ساكن في غرفه وجلس فيها 3 سنين وبعدين انتقل لغرفه اكبر واستمر علي كدا بس الحمدلله الله فرجها عليهم والحين ما شاءالله عندهم فيلا وعماره انتي اصبري حبيبتي والله بيفرجها

[آحسآس آنثى]

الله يفرجها عليك ويرزقك بالبيت الي تتمنينه
شوفي انا بيتي بيت ام زوجي يعني لزوجي بس صغير جدا واحنا 5 افراد
ومكسر والبويه تقشرت والابواب بدت تتآكل حتى غرفة جلوس للحريم ماعندي وماستقبل احد ابد ومو قادره اتكلم لان عارفه ان ظروفه صعبه يادوب بآمن احتيجات الاطفال مالي الا الصبر
حبيبتي اكثري من الاستغفار وربي يرزقك

[ام حماد]

الصبر مفتاح الفرج مع الدعاء والاستغفار
لاعاد تكلمين زوجك بالموضوع مادام انه مايتجاوب معك
الجئي لله الواحد الاحد وادعيه بركعتين في آخر الليل واشكي له همك واسأليه من فضله العظيم انه يرزقكم الرزق الحلال الواسع وابتعدي عن الذنوب الصغيره والكبيره وصدقيني بيفرجها لك رب العالمين وبيسخر لك زوجك بحوله وقوته وبتذكرين كلامي ان شاءالله ...
ياما ناس كانوا في بيوت خراب وبالتقرب من الله والدعاء والبعد عن الذنوب الآن يسكنون فلل ..
عسى الله يفرج همك ويفرح قلبك بالمنزل الحلال الجميل عاجلا غير اجل..

[انثى من زجاج]

مثل ماقالت أم حماد جزاها الله خير استغفري ياقلبي وربي رح تذكرين كلامي وترى مو كل شي البيت اهم شي سعادة اهل البيت والله غيرك ساكنين في قصووووووور وحالهم أسوا من حالك

[رمز الصدق]

الله كم ريحتوني بكلامكم الله يجزى كل وحدة ردت وجبرت خاطري الجنة ويفرج همي وهم كل وحدة والله انا احب زوجي حتى الجنون عشان كذا صابرة واقول الحمدلله اهم شي السعادة وانشاءالله اصبر وربي كريم الف الف الف الف شكر علي الردود الحلوة الي تهدي النفس اختكم في الله

[ام حماد]

ردك دليل على رضاك وقناعتك بماقسم الله لك من رزق
اسأل الله ان يديم عليك نعمة الرضا والقناعه ويزيدك من فضله العظيم
اتمنى لك التوفيق والسداد اختي الغاليه
قليل مثلك هالايام الله يسخرلك زوجك ويسعدك دنيا واخره