¨°o.O ( قصة ولادتي ... ومفاجأت زوجي لي ) O.o°"

[يمكـ دروبي]

بسم الله الرحمن الرحيم
اسعد الله مسائكم بكل خير ياااااااااارب ..



واخيراً..
لقيت فرصه اكتب فيها قصة ولادتي والاكشن اللي صار
وزوجي لما فاجأني بدخوله علي غرفة الولاده ...

طبعا من الثامن كان عندي الم بس مو قوي وكانت امي ( الله يطول بعمرها ) تقول عادي هذا طلق كاذب ..!؟
تحملي واصبري ..

ولما دخلت التاسع كل يوم يمر اتوقع اني بأولد فيه << قلق .. هههههه
المهم .. في يوم الجمعه كنت مررره تعبانه وكسلانه اقوى شيء اصر زوجي الا اروح المستشفى .. واكشف .!؟
رحت الطوارئ وقلت لهم اني خلصت شهري ولا فيه اي اعراض ولاده ..
وحصلت دكتوره عراقيه وكشفت عليه ولقيت الرحم فاتح 1 سنت ..
وطلبت مني اصلح تخطيط .. وصلحت تخطيط وكان كل شيء تمام ولا فيه طلق ..
وقالت لي ان شاء الله هاليومين تجيك اعراض الولاده .. اذا شفتي دم او مويات تعالي وكمان لو قلت حركة البيبي ..!؟؟
طلعت من المستشفى وان اتألم من الكشف << الله يسامحها .. وبعدها قررت اني امشيء كل يوم ابي اولد وارتاااح .. صرت اطلع انا وزوجي من بعد الساعه 12 بالليل وهاتك مشيء والله اني بعض الاحيان ابكي من التعب والثقل ..
جلست امشي الجمعه والسبت والاحد نزلت علي سدادة الرحم طبعا خفت ولا قلت لزوجي ..لانه بيوديني المستشفى على طوووووووووووووول ..قلت باصبر شوي لين يجيني طلق اخاف يبهذلوني بالكشف ..
لكن فكرت وخفت يصير للنونو شيء قلت لزوجي يوم الاثنين .. ورحت المستشفى الظهر تقريبا الساعه 2 ونص وكشفت عليه دكتوره مصريه مرررره يدها خفيفه ما حسيت بشيء .. قلت لها انو نزل مني دم .. قالت هذي سدادة الرحم وصلحت لي تحريض .. وقالت لي خلاص لازم تنويم بما انك مطوفه ونزلت السداده خلاص م يصلح تطلعين .. هنا بداء الخوف ..<<< يا ماااااااااامي .. تهي تهي
طبعا خلصو اجراءت التنويم واخذو مني تحاليل وكذا ..
وعلى الساعه 6 المغرب جاتني دكتوره وكشفت والرحم باقي 1 سنت وقالت لي اعطيك طلق صناعي لانك مطوفه بس انا رفضت ووقعتني على اوراق .. وقالت من اللحين لحد 6 الفجر ماجالك طلق نعطيك طلق صناعي قلت اوك خلاص .. وطوووووول الليل مانمت امشيء في الممرات لدرجه المرضه قالت خلاص .. بتتعبين وبيتعب الجنين في بطنك ..
وطبعا كل ساعتين تجي تصلح تخطيط .. يعني طووووول الليل مانمت ..
المهم : الساعه 6 الفجر جات الدكتوره وكشفت ولقيت الرحم فاتح 1 ونص بسسسسسس .. منجد جاني احباط ..!!؟؟ وقالت خلاص بنعطيك طلق صناعي .. قلت امري لله وش اسوي .. واعطتني جرعه .. وقالت اذا ماجاك الم نعطيك جرعه ثانيه الساعه 12 الظهر ..
وبعد نص ساعه بالظبط بداء الالم ... حتى انهم جابوا الفطور واناااا جيعااانه .. بس من الالم ماقدرت اكل << يا حليلي .. ههههه رحمتني ..
وكل شوي يزييييييد وانا بانجن من قووووة الالم .. وانادي النيرس كل شوي اقلها عندي الم .. وتقلي صبر صبر .... << كرهتها هههه مسكينه ...
وعلى الساعه 10 طلبتها مسكن ولا كانها اعطتني الالم يزييد ....وقتها جات الدكتوره وكشفت عليه قال الرحم فتح 3 سنت .. وشوي قالوا خلاص على غرفة الولاده ... << يمه وربي خفت بس ابي اولد وافتك من الطلق ..

اتصلت على زوجي وقلت له .. بياخذوني .. تهي .. قال بسم الله عليك منهم ...!!

قلت خلاص بروح غرفة الولاده قال اوك خلاص انا جايك طبعا دوامه قرررريب من المستشفى ..

وشوي جات دكتورتي قالت كيفك ؟ قلت الحمد الله قالت ان شاء الله كلو كويس << راااااااايقه

.... وجات النيرس واخذتني وانا قلبي مع زوجي ابيه معي خايفه .. ولما صرنا عند غرفة الولاده الا شفته بغيت انهبل ..

قال لا تخافين انا جنبك .. والواضح ما اقدر ادخل .. بيني وبينكم تراجعت .. ماعاد ابيه يدخل معي قلت اوك ..

دخلت القسم الا اسمع وحده تصيييييييييح ,, قلت ياااربي سترك .. ودخلتني في غرفة الولاده والقابله تجهز كل شيء وتركب المغذي وانا اسألها عن الكمام << هههههههههه مستعجله وخايفه ...

وشوي الا الباب ينفتح ويدخل زوجي .. واااااااااااااااااااي والمفاجأه ( شلت من راسي انهم بيدخلونه ) شعور غريب.. خوف وفرحه وربكه ههههههه قمت ابكي من الفرحه والالم ..!؟

المهم .. كل شوي يزيد الالم .. طبعا من الساعه 11 وانا في غرفة الولاده .. مررررر تعبت من الطلق وكل شوي تكشف القابله وعلى الساعه وحده فكت لي المويات .. احس الالم زاااد .. بس الحمد لله الكمام ما قصر هههه يدووووخ .. والقابله تقول اذافيه الم بس خذي الكمام مافيه الم خذي الاكسجين العادي عشان البيبي ما ينام...هبلت بزوجي كل ما سحبه مني اصيح لالالالالالالالالا جيبه ابغاااه .. ههههههههه طبعا جاب لي الكمام هلوسااااات . على كيفكم ..؟

المهم رجعت وكشفت لقت الرحم فاتح 9 ونص اللهم لك الحمد وانا احس شيء يظغط .. واصيح على زوجي اقول وين الدكتوره بأولد << ههههههه والقابله تقلي اذا جتك الطلقه ادفعي .. وشوي جات الدكتوره .. وصلحت لي توسيع .. ويله بوش بوش وانا ادفع وزوجي احسه متفاعل هههههه وشوي الا طلع النونو .. حمودي << فديته ... شعور غريب منجد ..

على الساعه 3 ونص الظهر ..

وحطته على صدري وانا ابكي واضحك .. وزوجي جلس مفهي مو مصدق .ههههه

وقصت الحبل وجلسوا ينظفونه وزوجي يصوووووور .. << رااايق الاخ هههه

وبدت تخيط فيني .. وبعدها طلعتني غرفتي واخذوا حمودي الحضانه لاني نمت نووومه اليمه ..

الله يرزق كل محرومه يااااااااااااااااااااااااارب بالذريه الصالحه عاجلا غير اجل

[فوفو سكر]

يا حياتي ههههه ذكرتيني بولادتي كنت اقول بقلبي مابي اولد ابي اطلع من هنيي

الحمدلله على سلامتج وسلامة البيبي وتربى عزكم انتي وابوه ..

[يمكـ دروبي]

المشاركة الأصلية كتبت بواسطة فوفو سكر

يا حياتي ههههه ذكرتيني بولادتي كنت اقول بقلبي مابي اولد ابي اطلع من هنيي

الحمدلله على سلامتج وسلامة البيبي وتربى عزكم انتي وابوه ..

هههههه لا انا تراجعت صرت اقول ابي عمليه خلاص ..<< على كيفي
الله يسلم قلبك فوفو ..

[أم منتظر]

الف الف حمدالله على سلامتك يارب يتربى بعزك وعز ابوه ويخليه لكم يارب






الله يرزقنا ذريه صالحه يارب



ا


ا

[يمكـ دروبي]

المشاركة الأصلية كتبت بواسطة أم منتظر

الف الف حمدالله على سلامتك يارب يتربى بعزك وعز ابوه ويخليه لكم يارب






الله يرزقنا ذريه صالحه يارب



ا


ا

الله يسلم قلبك حبيبتي ..
اسأل الله الحي القيوم ان يرزقك بالذريه الصالحه

[أصآآيل]

حبيبتي الف الف مبرووووووووووووك ادعي لي ان ربي يشفي جنيني من الي قالوه فيه الدكاتره ...

[يمكـ دروبي]

المشاركة الأصلية كتبت بواسطة أصآآيل

حبيبتي الف الف مبرووووووووووووك ادعي لي ان ربي يشفي جنيني من الي قالوه فيه الدكاتره ...

اصااايل .. الله يبارك فيك .. ويشفي ولدك يا الغاليه

[طير]

مبروك ما جاك ويتربى بعزك :)

[يمكـ دروبي]

المشاركة الأصلية كتبت بواسطة طير

مبروك ما جاك ويتربى بعزك :)

الله يبارك فيك حبيبتي

[mony88]

ياقلبي الحمد لله على سلامتك والف الف مبروك يتربى بعزك يارب