السلام عليكم و رحمة الله و بركاته
شحالكن يا امهات المستقبل عساكن طيبات ...انا عضوة يديدة و هذا اول موضوع لي و
ان شالله اكون عضوه خفيفة عليكم ..انا حبيت ترابطن و تآلفكن و قلوبكن الطيبه..عسى
ربي يكركمن و يرزقكن بالذرية السليمة خلقة و خلقاً فالقريب العاجل ..آميـــــــــــــــــــن
اعرفكم على نفسي انا ام و الحمد لله على النعمه لثلاثة ابناء اصغرهم عمراً 4 سنوات
حملت بهم طبيعي و لا عندي اي مشكله و لله الفضل و النعمة - شليت المانع بعد
الدورة اللي طافت و كانت بتاريخ 21-5-2012 و لان زوجي ياي من السفر و راح
يتم عندي بس اسبوعين فحبيت اجدم التبويض عشان الله يرزقني بالحمل فانا تبويضي
دايم متأخر و احس فيه...المهم من الفلاحه خذت كلوميد حبتين من ثالث يوم للدوره لمدة
خمسة ايام و بتاريخ 31-5-2012 يعني بعد عشرة ايام من الدروة رحت للدكتورة عشان
اشوف البويضات ..و لقت بويضتين حجمهن ما شالله 20 و 21 قالت لازم ابرة تفجير
عشان يطلعن من الحويصلة..خذت الابرة بنفس اليوم اللي هو يوم الخميس الضحى و يوم الجمعه العصر
بديت الجماع يعني تقريبا بعد 30 ساعه من الابرة و حسيت بآلام فضيعة
امتدت لاسبوع كامل..يوم الاحد يعني بعد الابرة بيومين رحت للدكتورة
و قالت انه بيضه وحده انفجرت و فيه 3 بويضات بحجم 19 و 15 و 12 ونص .gif "41")
!!!
و كنت مستغربة من وين طلعن وكيف انه وحده انفجرت و لا بان الها اثر و وين
راحت البويضة اللي حجمها 20 !!
قالت ارجعي بعد يومين خليني اشوف شو صار ..رحتلها على الثلاثاء
و قالت انه فيه بويضه طلعت و بويضه تحولت لكيس !!.gif "hwaml15")
و فيه الصغيرة !!
يوم امس الثلاثاء رحت لها اقين و كشفت علي قالت كل البويضات طلعن ما عدا الصغيرة :(
و سوتلي فحص لهرمون البروجسترون عشان تشوف انه فيه تبويض او لا !!
انا محتارة و انا اللي حطيت عمري في هذي المتاهة و الحمد الله على كل حال...زوجي سافر
و قال اخر مرة تتعبثين بنفسج..لانه فيني الم في مبايضي و الم في الحلمات و صايرة عصبية
شو تتوقعون هل ممكن اكون حامل ؟؟ و نفسي هافه على الحوامض و لعابي يزيد من اذكر
الحمض او الليمون ,,,,اعذروني على الاطالة ...و ابى منكم دعوات حلوة او تعليق على اللي
صار فيـــــــــــــني...انا على فكرة اليوم 13 من الابرة التفجيرية...دمتم بود.
06-13-2012, 02:08 PM
شوفن كيف تعبثت بنفسي :(
ام محمداني 
جديد منتدى منتدى علاج العقم و تأخر الحمل
العرض المتطور
