شوفن كيف تعبثت بنفسي :(

[ام محمداني]

السلام عليكم و رحمة الله و بركاته

شحالكن يا امهات المستقبل عساكن طيبات ...انا عضوة يديدة و هذا اول موضوع لي و
ان شالله اكون عضوه خفيفة عليكم ..انا حبيت ترابطن و تآلفكن و قلوبكن الطيبه..عسى
ربي يكركمن و يرزقكن بالذرية السليمة خلقة و خلقاً فالقريب العاجل ..آميـــــــــــــــــــن

اعرفكم على نفسي انا ام و الحمد لله على النعمه لثلاثة ابناء اصغرهم عمراً 4 سنوات
حملت بهم طبيعي و لا عندي اي مشكله و لله الفضل و النعمة - شليت المانع بعد
الدورة اللي طافت و كانت بتاريخ 21-5-2012 و لان زوجي ياي من السفر و راح
يتم عندي بس اسبوعين فحبيت اجدم التبويض عشان الله يرزقني بالحمل فانا تبويضي
دايم متأخر و احس فيه...المهم من الفلاحه خذت كلوميد حبتين من ثالث يوم للدوره لمدة
خمسة ايام و بتاريخ 31-5-2012 يعني بعد عشرة ايام من الدروة رحت للدكتورة عشان
اشوف البويضات ..و لقت بويضتين حجمهن ما شالله 20 و 21 قالت لازم ابرة تفجير
عشان يطلعن من الحويصلة..خذت الابرة بنفس اليوم اللي هو يوم الخميس الضحى و يوم الجمعه العصر
بديت الجماع يعني تقريبا بعد 30 ساعه من الابرة و حسيت بآلام فضيعة
امتدت لاسبوع كامل..يوم الاحد يعني بعد الابرة بيومين رحت للدكتورة
و قالت انه بيضه وحده انفجرت و فيه 3 بويضات بحجم 19 و 15 و 12 ونص !!!
و كنت مستغربة من وين طلعن وكيف انه وحده انفجرت و لا بان الها اثر و وين
راحت البويضة اللي حجمها 20 !!
قالت ارجعي بعد يومين خليني اشوف شو صار ..رحتلها على الثلاثاء
و قالت انه فيه بويضه طلعت و بويضه تحولت لكيس !! و فيه الصغيرة !!
يوم امس الثلاثاء رحت لها اقين و كشفت علي قالت كل البويضات طلعن ما عدا الصغيرة :(
و سوتلي فحص لهرمون البروجسترون عشان تشوف انه فيه تبويض او لا !!

انا محتارة و انا اللي حطيت عمري في هذي المتاهة و الحمد الله على كل حال...زوجي سافر
و قال اخر مرة تتعبثين بنفسج..لانه فيني الم في مبايضي و الم في الحلمات و صايرة عصبية
شو تتوقعون هل ممكن اكون حامل ؟؟ و نفسي هافه على الحوامض و لعابي يزيد من اذكر
الحمض او الليمون ,,,,اعذروني على الاطالة ...و ابى منكم دعوات حلوة او تعليق على اللي
صار فيـــــــــــــني...و دمتم بود.

[ام محمداني]

و لا رد !!! زعلتوني منكم
وهذا وهو اول موضوع لي :( فشلتوووووني

[ريـــــم*]

اهلين اختي حياااك معنا
اتمنى يفيدوكي البنااات
الله يرزقك ويرزقني بالذريه الصالحه

[السعاده بطاعة الله]

اسأل الله العظيم لكي الشفاء ومنجد لاتلجأي للأدوية الا للحاجه لانه لها اضرار جانبيه وفعلا الكلوميد قديسبب اكياس وبعضها ينزل مع الدورة وبعضها قد يأخذ وقت ماينزل..

[رنو11]

الله اعلم بس انشاء الله تكوني حااامل

[همسة برئية]

الله يهديك الله سلمك من المشاكل وبلاوي الكلوميد ورحتي خذتي

ان شاء الله تكوني حامل يارب بس توبي لا تستخدمي كلوميد بدون استشارة ابدا

بس انا اذا قربت الدورة احيانا احب الحوامض والحار يعني مو مقياس الا اذا تا خرت دورتك حللي

[ام محمداني]

يزالكم الله خير على ردودكم الطيبه

و ان شالله تسمعون مني اخبار زينة المرة الياية

[ام سلطان خليفة]

الله يرزقني وياج من واسع فضله


ويسعدج وتكونين حامل وتبشرينا يا رب

[هدوءالريف]

موفقه يالغلااااا

الله يعينك

ويكتب لك الصالح وللجميع ,.,,