مشكلتي مع زوجي _اتمنى كل وحده تدخل تدعيلي_الله لايشوفكم

[حبيبي زوجي]

بسم الله الرحمن الرحيم
والصلاة والسلام على اكرم الخلق و المرسلين
محمد صلى الله عليه و سلم

بنات
مشكلتي مع زوجي بدأت انه هو عنده مبلغ من المال ويريد يشتري سياره بالاقساط
ويريد مني ابيع ذهبي حتى اكمله فلوس المقدمه
واني المبلغ الي عنده محتاجته اكثر لان عندي عمليه ولاده
فرفضت,, ومن رفضت انقلب عليه جدا
صار انسان ثاني
يكول لي اني ما احبه و ما وكفت معاه
واني والله شاهد شكد احبه و شكد واكفه وياه من تزوجنا لليوم
عمري ما طلت فلوس منه
حتى اهلي كانو هم يشترولي كل شيء اني و بنتي
المهم اني انصدمت فيه الى درجه صرت اغلط عليه و طلبت الطلاق منه
لكن هذا كله كان لان اني كنت عصبيه و اعتذرت منه وعاد كل شيء مثل ما كان وتصالحنه
اليوم الثاني’’,, ب مجرد سألته سؤال صار يصرخ بوجهي و يرزلني ويكولي انتي ما الج شغله
بحياتي و كل شيء ما يخصك انتي من حال واني من حال
اني انقهرت و كلت اخليه براحته وسكتت
نفس اليوم باليل كنت فاتحه نت واني افتح صفحه الفيس لكيته ما مسجل خروج
رحت على الرسائل ولكيت فيها العجب هو وبنات حب حب
ورساله هو وصديقه يكوله على وحده امها زينه انه بينهم تليفونات ومكالمات و اشياء كثيره
دكيت عليه كلتله هسه تجي
شوفته الرسائل ينكر يكول هذه مو مالتي مع العلم اسمه موجود فيها و غلق الصفحه
اني كنت ابكي كلتله انت متغير عليه طلعت السالفه بيها مره
كلي اي بيها مره لمي ملابج و خلي اوديك لهلك
انا لميت ملابسي وما صدك وداني لاهلي
اثناء الطريق اغمه عليه واني حامل في الثامن
دخلني بيت اهلي شايلني
امي تخبلت وصارت تصرخ
هو يكوللها ما بيها شيء هاي تمثيليات بنتج
امي سبت ابوه و هو ميت من عصبيتها و قلقها عليه
وطلع وهذاك يوم وهذا يوم
لاسأل عني ولا شيء
واني هم ما اتصلت فيه ابد
اتصلت بولد عمه كبار و فاهمين كلمتهم عن المشكله و كالو احنه رايحين نحجي وياه
اتصل عليهم ثاني يوم ابد ما يردون و يغلقون الجهاز

والله الهم الي بكلبي الله لا يشوفه لوحده
يا بنات اتمنى من كل وحده تدخل
تدعيلي الله يفرج عليه اني عندي بنت و حامل بولد و بعد شهر اولد
تعتقدون يعوفني
اتمنى تدعون لزوجي الله يهديه و يحنن قلبه عليه و على اطفاله

اسفه للاطاله