انا مخنوقه اوي والله وعيطت كتيييير

[darin]

السلام عليكم
انا مش متعوده ابدا عالعياط ومش بعرف اسيب نفسي مخنوقه كتير بسبب ان طبعي بحب الضحك والهزار
بس اول مره احس بوجع القلب كدا واعيط كتير ونفسيتي تتعب اوي كدا
باختصار
انا لسه متجوزه في شهر 7 ومحصلش حمل ولما روحت للدكتوره من 10 ايام كدا
قالتلي كيس الجنين موجود اهو وكان معاد الدوره لسه مجاش
وقالتلي انا دكتوره وافهم كويس وانا لما عملتلك سونار مع الاعراض اللي عندي اتاكدت يا دارين انك حامل 100في ال 100 وانا طبعا روحت لجوزي وفرحته ومنمناش من الفرحه واتبسطنا اوي ومش قادره اقولكو بقا عيشنا في الدور اذاي
وهو بقا يقوللي يا ام بدر وبقا يخاف عليا من الحركه اوي وانا قلت لاقاريبي اني حامل ومش محتاجه اعرفكم بقا لما الواحده بتعرف انها حامل حياتها بتتغير اذاي
والنهارده صحيت من النوم لقيت الدوره جت
الحمد لله بس انا اتعشمت اوووووووووووي وصعب عليا اني اصدم جوزي
فضلت اعيط اوي
انا معيطش في الشهرين اللي فاتوا لما محصلش حمل بس اللي تعبني اني عشت فرحة الحامل انا و جوزي
ادعولي بقا بالله عليكم والله قلبي واجعني

[فوضت امري لله]

ياقلبي الحمدلله على كل حال

الله يعوضك خيرااا

ويقر عينك بذريه صالحه

[darin]

يارب يا قمر يااااااارب وييسعدك انتي كمان ويريح بالك باللي بتتمنيه ياااااااااارب
شكرا حبيبتي
جزاكي الله كل خير انك قريتي الموضوع ودعتيلي :)

[سوسهs]

الله يعينك ويارب يفرح قلبك وتحملي عاجلا غير اجل

خلي املك بالله وان شاء الله ربي راح يرزقك بالذريه الصالحه يارب

[نبض قلب]

الله يصبرك
صعبة

ادعي الله

[darin]

سوسه تسلمي يارب عالدعوات وشرفني مرورك
وحبيبتي نبض القلب نورتي الموضوع ويارب يصبر كل واحده على مشاكلها وهمومها ويحلها عاجلا ياااارب

[المستحيله]

طيب حبيبتي فيه حريم تجيهم الدوره وهم حوامل ما ابي ااملك بس فيه حريم كذا..
مع اني ما اصدق انه فيه حريم تجيهم الدوره وهم حوامل... بس اعرف وحده كبيره بالسن تقول كل حملها بعيالها كانت تجيها الدوره

[أم عبدالرحمن السلفية]

دراين اتأكدي انها دورة ؟ يعني ممكن يكون عندك نزف و تحتاجي تثبيت للحمل ..

وربك كريم ح يعوضكم انتي بس ادعي و اتصدقي بنية ان ربك يرزقك حمل .

[darin]

المستحيله معرفش والله
وانا كدا كدا معادي مع الدكتوره يوم الجمعه وربنا يسهل


حاضر يا ام عبد الرحمن هتصدق والله ان شاء الله
انا حسيت بمغصها وبعدين ما راحش المغص الا لما نزل الدم
الحمد لله ع اي حال ويارب يرزقنا كلنا

[ام خالد وشهد]

يارب يروقج ببيبي قبل العيد وتكون فرحتج فرحتين والله يعوضج يارب