اكل النفاس
مصابيب بالبر ساده بالسمن البري او بلها ببصل وطمام
واذا اختك راعيه حليب خل تسوي امك برضوا حليب شوي في ترمس وتشربه اختك لما تجوع مع الصبيب او حتى لحاله مع تمر مره كويس
واذا ماتحب الحليب ممكن تسوي لها ترمس نعناع يهديه ويروق
ممكن فاكهه اذا جوعها خفيف
ساندوتش طحينيه تراه يساعد على در الحليب بشكل خوراافي وخلي اختك تجرب لازم تاكل كل يوم ساندوتش بالطحينيه وراح تشوف كيف الحليب راح يكثر
طبعا لازم عند سريرك يكون موجود صحن فيه تمر عادي وصحن فيه تمره مع رشاد مره كويس بعد تاكل منه
تغذيتك بعد الولادة:
-احرصي على تناول وجبة الأفطار مبكراً .
اقتراحات الفطور:
إشربي كوب حليب الصآفي طآزج دآفي (ترآ النيدو مآ ينفع للنفآس) محلى بملعقة طعآم عسل طبيعي سدر
او حليب مع (زنجبيل , فلفل اسود, هيل, ملح, سكر).
و لو يحصل لك حليب الخلفات (حليب النياق ) مبستر تلقينه يباع عند الوطنية ترآه أحسن من لبن البقر و الكالسيوم فيه أكثر
و مفعوله سريع يجبر العظآم بسرعة ...
على الريق: ملعقة عسل طبيعي + 7 حبات حبة البركة اذا ماكان فطورك مصابيب بالحبه السوداء
مراصيع بيض مقلي,البيض المسلوق,مقلقل ,
إما بيض مقلي مع فلفل أو مصابيب بر مع الحبة السوداء والعسل أو مراصيع بر بالحليب أو حنيني ,جبنه أو زبادي.. أو فول أو عدس ..
مفروكة بالتمر_ مرآصيع _ محلى _
( عصيده تمر بسسمن آو رغيف بسسمن وعسل آو فول بسمن وبيض بسسمن حلآوه طحينيه وجبن وعسل كل يوم ششكل عساس مآتمليين )
الغداء
احرصي انه يكون بر ( مرقوق أو مطازيز أو مرق لحم مع خبز بر )
مطازيز / قبوط / اللحم / واللوبيآ / مطآزيز / مرقوق / مرق بلحاله معه ماش حب وبازيلا وفاصوليا بيضاء فاضوليا الحمراء
مرقوق مع خضار ولحم أو شوربة لحم + أو خضار مع لحم وممكن إذا اشتهيتي الأرز تآكلينه بس تقللين قدر الإمكان منه,,
ممكن جريش وقطعة دجاجه مع سلطه بس حاولي مايكون فيها حوامض يعني قللي الليمون ولو ماتحطينه أحسن
مرقوق _ مطآزيز _ قرصآن ( و لآ تحطين مع الخضآر حقتهآ قرع أو بآذنجآن !!) حطي لوبيآء و فلفل أسود كثري منه ممتآآآآآز وكثري من اللحم أحسن شي لحم غنم أو حآشي ...
و ممكن يكون غدآك إذآ مليتي من هذول إيدآم ( مرق باللحم ) و غطي عليه خبزة برّ ....
خبز مشرب بمرقة لحم
مقلقل لحم
لحم او دجاج في الفرن مع خضــآر
شوربة كويكر مع قطع لحمه
العصر : قشر قهوه تغلينها مع زنجبيل قرفه وتحطينها بترمس تقهوي مع مكسرات غير محمصه
العشا : مرقه لحم شوربه ماش كراث وخبز مع السلطات مهمه
تآكلين فول ( ممتاز )مع خبز بر _ بيض _ شربة كويكر و الطحينية ممتاااازة تدر الحليب ...
- بعد العشاء : إما شوربة أو أي شيء تحبينه بعيدا على الممنوعات واحرصي على وضع الفلفل .
المره تحطينها بالفنجال وتقهوي عليها قهوه مده 7 ايام وخلاص
العشر ايام الاولى تؤخذ حلبه ياانك تطحنيها وتشربيها مع الحليب او تسلق مع الغدا او تشربينها كشاي مع نعناع لانها تسبب غازات والي ماتحب ريحتها تاخذ كبسولات من جي ان سي
العشر الثانيه الرشاد وتؤخذ مقدار ملعقه صغيره خلال اليوم لا اكثر مع التمر المعبوط
ابتعدي عن الحوامض واللبن والبرد والهوا < شرااااااااب + شال على الراس > مهم جدا
- الحلبة والماش في العشرين الأيام الأولى لفائدتها في تقوية الظهر وبعدها اتركيها لأنها قد تسبب رطوبة .
تمارين كيجل
مهم جدا عمل هذه التمارين من اليوم الأول للنفاس وفائدته تقوية عضلة الرحم وإرجاعه لوضعه وحجمه الطبيعي ويحبذ عمله إلى 6 شهور بعد النفاس .