تجربة ولادتي في المستشفى البريطاني

[طفلة النساء]

اهلين كروشااات يالبى قلوبكم شخباركم

الله يهون عليكم يارب

عمر حبيبي 4 شهور بس حبيت اشارككم بقصة ولادتي :$

8
8
اهم شي هههههه

اول شي ماشالله لاقوة الا بالله :)

ثاني شي يابنات توكلوا ع الله في كللل شي وتاكدوا دام ربي معاكم كل اموركم بتصير تمام

واتبعوا الحديث القدسي انا عند ظن عبدي بي فليظن بي ماشاء

انا الحمدلله ماكنت خايفه طول فتره حملي بسبب هالشي ياربي لك الحمد

اول شي انا ولدت في المستشفى السعودي البريطاني
كنت اراجع مع الدكتوره كورانا وتركتها لاسباب باقولها تحت
وولدتني روبي الهنديه
قبل يوم الولاده ب3 ايام كان موعدي عند الدكتوره الهنديه كورانا

طول فتره حملي كنت اراجع عندها وكانت كويسه بس انا
بديت اخاف يوم بدتني الطلوق

في الموعد كشفت تحت قالت مو مفتوح ابد
من بكرا حسيت بالام شديده خفت قلت بس هذي الولاده

بس قلت باصبر شوي وصبرت ساعه
حسيت بالام زادت خفت ورحنا للمستشفى

يوم رحنا وكانت الدكتوره كورانا موجوده قالت دامكم ماعندكم موعد روحوا للطوارئ
وجتني في الطوارئ وكانها كانت معصبه تقول امس شفتك مو مفتوح ليش جيتي اليوم

المهم كشفت ماصار مفتوح

من بكرا الليل << كل بلاويها ماتطلع الا الليل
نزل معي دم وكان معه افرازات الظاهر كانت بدايه السداده

قلت باصبر شوي يقالي الرحم مفتوح انتظره بس يتسع
وبعد ساعتين نروح للمستشفى واروح لها ونفس الشي حولتني للطوارئ
كانت مرررره معصبه ومنفسه
ماراعتني ولا راعت نفسيتي
وهي تكشف تدخل يدها قلت ها دكتوره مفتوح؟؟
كلمت الممرضه بالانقلش تقول خليها تسكت
انا سكت قالت مو مفتوح بس بنسوي تخطيط وطلعت قلت لزوجي لاعاد تجي مابيها
تعاملها كان جدا سيء مع انها كانت كويسه معي طول فتره الحمل
المفروض تراعي حتى لو ازعجتها كل يوم اول ولاده وطبيعي باكون خايفه
المهم سوت لي تخطيط وصار فيه طلق بسيط

طلعت ومن بكرا زااااااد الطلق مرررره علي يابنات احس اذا حملت
مره ثانيه خلاص باميز الطلق العادي من طلق الولاده المه معروف سبحان الله

اذا مسكني الطلق مااقدر اتحرك ابد
رحت لاهلي وانا اتألمممم الم مايعلم فيه الا الله وماابين لهم
ودي اولد وامي ماتدري لانها ياجعلها في الجنه مررره تشيل هم
اتعشى وانا والله مالي نفس ومرره اتالم كل نص ساعه تمسكني طلقه
الليل مرررررررره زاد الالم دموعي تنزل وانا عالسرير رحت الحمام
وانتم بكرامه بعد البول حسيت شي ينزل صارت السداده سبحان الله تحسين بلزوجه وحراره تحت
كل ماضغطت عالرحم نزلت مويه يمكن نزل تقريبا كاس

كان الليل الساعه 2 قلت باصبر لان زوجي كان نايم ماقدرت اصبر الا ساعه
الممم شديد الله يجزا والدينا الجننننه

ورحنا للمستشفى وشيكت علي دكتوره مصريه مااعرف اسمها
قالت مفتوح 3 سم
واففففرح واخاااف بنفس الوقت قال زوجي تبين ننادي كورانا قلت لا مابيها

باتوكل ع الله واللي عليها الدور اليوم تولدني ولعل الامر خيره

وفعلا ودوني فوق غرفه الولاده وانتظر وجتني قابله اردنيه اسمها ام ريان
الله يفرج لها كل هم ان كانها خففت الامي وجلست تسولف معي وتوريني صور
ولدها لهتني عن المي مع انه ماينسى ياحبييلها والله كل ماذكرتها دعيت لها

قالوا تبين ابره ظهر قلت لا ابي اجرب الولاده
عطتني ابره الشرج شي يدخلونه مع فتحه الشرج وتدخل سائل فيه سبحان الله ع طول
تحسين انك تبين الحمام ماقدرت اصبر تقولي لحظه مو الحين
قلت لا مااقدر خلاص ابي الحمام ورحت الحمام وارتحت الحمدلله
ورجعت الحمام مره ثانيه بعد 5 دقايق عشان اتاكد

وانتظر وانتظر ركبي صارت تتصافق ببعض من الروعه كاني فيني رعاش
وحلللقي نااااشف كان لي سنه ماشربت من البنج عطشاااانه كل شوي اطلب مويه من زوجي الله يجزاه خير
تعرفين ان الولاده حانت اذا حسيتي انك تبين تسوين حمام كبير
سبحااان الله العظيم لان الطفل يصير ضاغط عالمستقيم يتهيأ للخروج
لان الدكتوره روبي قالت لي لما تحسين انك تبين تتبرزين علميني

وفعلا لما حسيت مررره علمتها ويالله شمي ورده وطفي شمعه ههههه
قلت لها لاتوسعيني ابي ولاده من غير قص
ع بالي
قصت لي طبعا خافت ينفجر الرحم وجا حبيب قلبي

بعد الولاده ع طول يازين صيااحه التفت ع زوجي كان داخل معي
قلت له صوره ههههه وفعلا صوره قبل يقصون حبله السري
وعطوني ابره نمممت بعدها ولدت الساعه 8 ماصحيت الا 10 وعليها
وصاروا مخلصين خياطتي ولبسوني كلوت وكل شي

ياربي لك الف حمد وشكر
وقت طلعت الراس الحمدلله ربي من علي و دعيت لوالديني ودعيت لزوجي ونسيت نفسي

المستشفى رااااائع جدا جدا جدا جدا اللي ولدتني روبي الحمدلله كنت اتمنى
هنديه وولدتني هنديه والقابلات اكثر من رائعات يراعونك ويطبطون عليك

ماشالله تبارك الله
وبس طولت عليكم

[om aseel]

الف مبروووك ياقمر

والحمد لله على سلآمتكم يارب ....~

[!راما!]

ما شاء الله الحمد الله علا سلامتك
طيب كم كلفك انا ناويه اولد في مشفي نجد بس مستشفي السعودي البريطاني مره عاجبني من بره بس يقولون غالي وكذا
لو تعلميني كم كلفك الله يجزاك خير

[طفلة النساء]

الله يسلمكم حبيباتي

الحمدلله عالتأمين كان
دوام زوجي يمنحه تأمين طبي
دفعت بس 4000 للغرفه الاكبر
ع مااذكر يكلف 10 الاف اذا كنتي طبيعي
حياك

[!راما!]

جزاك الله خير ^^

[أم تولي]

ماشاء الله تبارك الله

الحمدلله على سلامتك ويتربى في عز والديه ان شاء الله

بورك لك في الموهوب وشكرت الواهب وبلغ اشده ورزقتي بره


طيب كيف عنايتهم بعد الولادة فيك وفي المولود يالغلا ؟

ومن أفضل دكتورة للولادة ؟

معليش ازعجتك حبيبتي تحمليني ^^

[wa3d_el3eoon]

حمدلله على سلامتك وعلى سلامه البيبى ويرزقنا ولاده سهله زيك ياااااارب ما شاء الله عليكى

[طفلة النساء]

حبيباتي حياكم

المشاركة الأصلية كتبت بواسطة أم تولي

ماشاء الله تبارك الله

الحمدلله على سلامتك ويتربى في عز والديه ان شاء الله

بورك لك في الموهوب وشكرت الواهب وبلغ اشده ورزقتي بره


طيب كيف عنايتهم بعد الولادة فيك وفي المولود يالغلا ؟

ومن أفضل دكتورة للولادة ؟

معليش ازعجتك حبيبتي تحمليني ^^

لا ياقلبي لاازعاج ولا شي
الله يسلم قلبك من كل شر يارب

اللي ولدتني روبي رائعه تعاملها روعه وخياطتها روعه االحمدلله

اكلهم كان كويس فطور وغدا وعشا واذا تاخر تقولين لهم يجيبونه لشخصين لك والمرافق

كان فيه مشكله للستاير اذتني الستاير الصباح مااقدر انام منها وماتتسكر الا بريموت
وكان ضايع !!
والتلفزيون ماجابو لي ريموت له مع اني كذا مره اطلبه
سلبياتهم تافهه ماتستاهل :)

العنايه بالمولود كويسه ختنوه (بطلب مني) ثاني يوم من الولاده ياقلبي عليه
التلفزيون قدامي اشوفه دايم له قناته الخاصه عندي

كانو كل يوم مرتين يجون يكشفون الى ثلاث مرات ومره كشفوا علي من تحت مره يشوفون الخياطه
خياطتي تجميليه طبعا كل البريطاني خياطاتهم تجميليه مو عمليه تجميليه لا خياطه من ضمن الولاده ماتدفعين لها اكرر مو عمليه

والحمدلله :)

اي استفسار حاضره لكم

[أم تولي]

مشكورة طفلة النساء لاعدمتك

[ال ماما نوف]

الف مبررررروك عقبالنا يارب