سؤال عن التحاميل المهبلية

[leemona]

مرحبا ياخواتي كيف حالكم
تعو احكيلكم شو صار معي
رحت مبارحة لعند الدكتور بعد عمليتي تنظير بطن اللي عطوني ورقة تخرج مكتوب فيها الابواق نافذة والوضع جيد وتم تخثير بؤر البطانة المهاجرة
ولما شفتو قالي عملت تثقيب للمبيض الايمن لانه شفت تكيسات قالي صغيرة بس يلا شلناهم 5 ثقوب وتفاجئت لما قالي انه معك التهاب مزمن بقناة فالوب واحتقان نتيجة البطانة المهاجرة اللي تم تخثيرها وكيها وانا عالجتلك الانابيب ياه انه حطيت مادة زرقاء وغسلتهم خف الاحتقان... ياربي كل مرة بحكولي شي انا شفت بالسي دي العملية انه غسلهم بمحلول بس مو ازرق مابعرف تفاجئت ... المهم عطاني كورس ادوية التهاب وقالي اتركي كل الادوية اللي وصفتن قبل هو وصفلي ادوية التهابات بعد العملية وهرمون البرولاكتين مع انه تحليل الدم طبيعي هلا قالي اتركيه بعد ماشرتريتو واخدت منو كم حبة .. كتبلي
ادوية مينوسيليكين 100 ملغ كل 12 ساعة ودوا اموكسيسيللين 875 ملغ وحمض كلافولانيك 125 ملغ حبة كل 12 ساعة
هلا عاساس كل هالسنوات انا سليمة ومافيني شي وعملت الصورة الظليلة وكل شي تمام وكشف نسائي 4 مرات انه بشان الالتهابات النسائية وقالو مافي شي واكدولي الاطباء اباضتي ممتازة وتحاليلي طبيعية ودورتي منتظمة طلع كل المشاكل والقصص فيني اهئ اهئ اهئ

الحمدلله على كل حال وانا متفائلة ان شاء الله اتعالج واطيب واحمل طبيعي بس مستغربة والله كتير كل هالمشاكل فيني ولادكتور خلال 4 سنوات قالي هالشي والتهاب مزمن يعني من زمان وقديم . وتكييس وصبغة بالصدر والتهابات ورحمي خلفي عدلو بالعملية وكملت بقناة فالوب والالتهاب المزمن .وهلا عطاني موعد لحتى يشوف الاباضة ان شاء الله تكون جيدة مو تخذلني هيا كمان ماضل شي الاوطلع فيني
عفكرة التكيسس سببه الكلوميد اللي كنت اخده مع استشارة الاطباء وبدونهم يعني اخر وقت صرت اشتري لحالي وابلع بدون راي دكتور فسببلي تكيس انتبهو لاحدا يغلط غلطتي ...

سؤالي لكم الدكتور وصفلي تحاميل مهبلية لمدة اسبوعين مع كورس حبوب الالتهاب اللي كتبته فوق طيب انا ب 26 يوم من الدورة ودوتي منتظمة 28 او 29 بس هلا بعد هالادوية والعملية مابعرف ازا رح تجي ولا رح تتاخر المهم اخد التحاميل وبس تجي الدورة اتركها وارجع اكملها يعني بتضل مفعولها ولا لا لازم يكون اسبوعين متواصلات ومااخدهم لتجيني الدورة وتخلص وابدا فيهم...ونا خايفة تلخبط هالشهر دورتي بسبب العملية . وانا بديت باخذ الحبوب الالتهاب لازم التحاميل معها ولا عادي لو اجلتها لبعد الدورة ولا مايأثر لو اخدتا وقطعتا وكملتا بعدين ... انا خجلت اسال دكتوري هالسؤال بلييز اللي عندها اي جواب تسعفني فيه .. الله يرزقكم بالذرية الصالحة ... ادعولي

[كليوباترة]

حبيبتي انا عملت نفس عمليتك و قالت لي الدكتوره كان عندي احتقان في عنوات فالوب بس انا عمري ما اخذ ت منشطات و كانت عندي رغوه في الرحم و شالتها و عملت لي ها الصبغه الزرقه زاييك تمام و كانت زرقه و ما تخافي الدوره حتجيكي صحىح تاخرت يومين بس جات و على فكره انا لعلا بيوجعني الرحم و المبايض و مش عاره طبيعي ولا فيه شي موعدي كمان 5 ايام عشان اعطاتني راحه و هلا صار لي 7 اسابيع على العمليه و ربك يستر و انا ما عطاتني دوا وما عندي فكره ع التحاميل

[@ام مريم@]

الله يشفيكي ان شاء الله ويرزقج بذريه صالحه
ماعندي معلومه عن التحاميل

[leemona]

شكرا كليوباترة ..وام مريم.. انا طول هالسنيين يقلولي سليمة ويجربو معي كورسات الكلوميد بعدين هاد الدكتور اكتشف حالتي الحمدلله مع انه عملت الصورة الظليلة واشعة الصبغة وقالولي كل شي تمام .... بس بالعملية التنظير طلع المستور والحمدلله بشرني الدكتور انه عالجه بالمادة الزرقاء ... بس بما انه معك احتقان بقناة فالوب لازم يوصفولك هالادوية لحتى يقضو تماما على اي بكتيريا وجرثومة اللي بتسبب هالالتهابات المزمنة..... اسالي دكتورتك عن الحبوب اللي كتبتها فوق والتحاميل المهبلية هي عادي متل اي تحاميل يعني بقولو لازم كل امراة متزوجة انه تستخدما انه بتنظف وتقتل الجراثيم وانا استخدمتا من فترة زمان والدكتور وصفا مع الادوية ليقضي على كل انواع البكتيريا ....اضمن .. الاسم العلمي للتحاميل ميكونازول نترات
سؤالي لسا ماعرفت الاجابة عنه استخدمه وبس تجيني اقطعه واكمله ولا استنى لبعد الدورة....
ان شاء الله يارب تحملي ويرزقك بالذرية الصالحة

[ommohsen]

الله يشفيكي حبيبتي ويقويكي ماعندي فكرة بككرة ما حبيت اطلع بدون ماادعيلك بشفاء العاجل كلنا محتاجين شفاء الله يتمم عليكي ويرزقك ذرية صالحة ربي لا تذرنا فردا وانت خيرو ﺍﻟﻮﺍﺭﺛﻴﻦ

[امال جزائر]

انا استعمل التحاميل حبيبتي بس انا بلشتها مباشرة بعد الدورة لمدة 12 يوم
انتي اقراي الوصفة يلي داخل علبة التحاميل لاني سمعت فيه تحاميل ممكن تاخذيها ولو ايام الدورة عادي
الله يرزقك و يرزقنا اجمعين يااااااااااااااارب

[Orchid109]

هلا حبيبتي ماعندي خبر بس كلمي الطبيب لانه هو اعرف بهالحالة
بالنسبة للدورة اتوقع انها تتاخر عليك بسبب العملية

انتي امشي على كلام الطبيب بس وان شاء الله معاليك خلاف دام الامور طيبة

[سيدة العمر]

ولله هالدكاترة بدهم حرق... احنا ضحيتهم دايما ولاننا دائما متعلقين بقشة بنجرى وراهم بلا تفكير....
زى ما حكت الاخت اقراى النشرة الى مكتوبة بعلبة التحاميل حتستفيدي وانا من رايي تبلشي فيهم ولا تتاخرى ولما تيجي الدورة اتركيهم لو منهم ضرر