احترت !!رساله بجوال زوجي !!

[قــــــــــمر]

السلام عليكم ورحمة الله

يآبنات احترت وقلت مالي غيركم بعد الله اخذ ارائكم الله يخليكم
انا كل بعد فترة اتفرج على رسايل زوجي لاتقولون ليش انا بس كذا لاني وربي والله واثقه فيه اني ماراح القى فيه شي
زوجي لا مو زوجي حياتي ابدا مايخوني واثقه فيه يموت على الارض الي امشي عليها عشان كذا انا مو مستوعبة وخصوصا اني مو مقصره معاه وماصار شي بيننا لدرجة اني ممكن اشك انه من المشاكل يسوي كذا لا لا !!!!!
المهم خذيت جواله واتفرج على الرسائل المرسله ولقيت رساله رساله لاسم ...Eljar..
مكتوب فيها كذا بالظبط
...............
عيون
اشتقت لعنقك
وربي
..............
يابنات والله لما شفتها انفجعت ومدري ايش اسوي اصارحه ولا لا المهم قررت اخذ الرقم واتصل اذا ردت بنت بصارحه واذا رجال بسكر على الموضوع وكان ذاك اليوم بيسافر ومستعجل
المهم اتصلت على الرقم لي يومين وانا اتصل مقفل والحين كل ماكلمه وهو مو عندي احس بضيقه كل ماتذكر تجيني كئابه
قررت اصارحه بس مدري شلون احس لما اكلمه بتلفون اخاف يلقى عذر ومااقدر اشوف عيونه عشان اعرف يكذب ولا لا وغير كذا رساله مااقدر كذا يقدر يطلع عذر بسهوله
احتررررررررررررت بمعنى الكلمه احتررررت تكفون انصحوني شسوي وكيف بقنعه اني مو قاعده افتش جواله
واضفت الرقم بالواتس كاتب الحمدلله على كل حال وصورة بيبي ويومين الجوال مقفل ابغى بس اسمع الصوت عشان اتاكد بس شكله مو ناوي يفتح الله يعين بس
.بناااات لو دعوه ان الله يسهل امموري

[تقية]

السلام عليكم

الرسالة لاتدل على انه بيخونك خصوصا انها رسالة واحدة
ممكن احد استعمل جواله......واتخذ لاخيك سبعين عذرا
خصوصا انك ماشفتي من زوجك إلا كل خير
ماتنسي انو الشيطان يتصيّد هاته المواقع للايقاع بين الزوجين
استهدي بالله وتركي الامور على حالها الى ان تتأكدي بدليل قطعي
احذري تصارحي زوجك قبل لاتتأكدي
يارب يكون كل شيء توهم فقط ويصلح لك زوجك وعائلتك يارب

[ρυяỉтч •]

عشان كذا اكرهه اقرا رسايل زوجي ، عشان ماقرا رساله مبهمه تشككني فيه وتزعجني
حبيبتي والله ممكن تكونين ظالمه الادمي ، وتخيلي موقفك وانتي شاكه فيه وب الاخر يطلع الرجال بريئ
كيف نظرته لك ؟ هو اللي بتهتز ثقته فيك مو انتي
انتي لا تجيبين له سيره ابد .. ولا تتصلين من رقمك ياحبيبتي لايطلع صديقه او شي وتتورطين
وجربي مع الوقت بينفتح الرقم وتعرفين من ،
ومبين انه رجال لان توبيكات البنات غير ..
وموفقه خير ولا تخلين ابليس يدخل بينكم وينبسط بخراب بيتكم

[قــــــــــمر]

الله يخليكم بنات والله ريحتوني انا فعلا ماابغى اصارحه ومافيه شي واضح
انا اتصلت من جوال الشغاله مو من رقمي
بس متضايقه مره ومو مستوعبة يعني الي محيرني ان زوجي مستحيل يخوني بنفس الوقت رساله بجواله !!

[أم الزين]

طيييب لحظة يمكن نفس المووقف السخييف الي صاار مع صديقتي


فتشت رسايل زوجها ولقت اسم مكتووب الجووري نوور عيووني ههههه

ومرسله له ((حبيبي اسخن لك العشاا. ....ترا اليووم سهرتناا صبااحي ))


وبالاخيير الغبيه شالت شناطها وراحت لبيت اهلها ولمن سالها عن السبب قالت رووح اسهر معها صبااحي


قاال منو الي اسهر معاها صباحي قالت الجوري قال منو الجووري قالت الي عندك بالرساايل ههههههه



طبعا هوو عصب وضحك بنفس الوقت قال ياغبيه تيلفووني خرب وشريت واحد نفسه مستعمل


وفيه ارقاام ورساايل بس ليلحين ما مسحت شي ولا حركت شي لاني برجعه لصااحب المحل



طبعا هي تفشلت حييل وزوجها اخذ عنها فكره انها شكااكه



وانتي لاتسرعيين


والله يهدي سركم

[قــــــــــمر]

ام الزين مشككوره بس ماظن لان رقمه قديم مره
مشكورين على الرد الله يعافيكم

[أم الزين]

مووو الرقم يمكن نقااله مستخدم ومحفووظه عنده رساايل من قبل ماله شغل الرقم.

[أم فروحة]

الرسالة جدا مبهمة ومو واضح منها شي ولا تعتبر دليل على شي
والله سبحانه وتعالى قال:" لا تسألوا عن أشياء إن تبد لكم تسؤكم"
لا تصارحين ولا تواجهين زوجك وانتبهي عليه وعلى علاقتكم ترى اشياء سخيفة زي كذا تبدا تسوي شرخ بين الطرفين
والخاين بكون حريص يمسح أي رسالة واللي على نياته هو اللي ما يدقق وزي مو أنت اتصلت من رقم شغالتك يمكن يكون أحد أرسل من رقم زوجك أو يمكن يكون سبب آخر ما يخطر على بالنا
استهدي بالرحمن وهذي فرصة الشيطان يفرق بينكم الله يخزيه
خليك أحسن من أول وإذا الرجال ما تغير عليك لا تشيلين هم والإمرأة الذكية هي اللي تستغبي
وبالتوفيق يارب

[ربي يسرها]

اسمعي حبيبي انا الحين متزوجه من شهر طبعا زوجي يموت فيني انا اعرف كل شى عنه قبل كم يوم اخذة جواله كنت ابغى اتصل على اخويا لقيت رقم مكتوب عليه العنوووود انا حزززززززت بخاطري مره بس ماتكلمت وبعدين رحت لبيت اهلي انا وياه كانت زياره ولمن جينا نبغى ننام اتصل عليه رقم غريب اديته جواله وبعدين رد لقيها بنت وقفل انا ضحكة قلت يمكن العنود ورحت هو جاء ورايا قال مين العنود قلت له الرقم اللي مكتوب بجوالك وجلسة اضحك قلت له بس لاتشيل هم ترى انا واثقه فيك اخذذ المصحف قدامي وحلف لي انها مظيفه حقة طيران كانت معاه بالشغل قبل 5 سنين ورقمه مره قديم قال لي لو في جوالي شى ابغى اخبيه عليكي ماكان جولاتي بيدك 24 ساعه


كل اللي حبيت ابينه ليكي حبيبتي انو لو زوجك يبغى يخبي عليكي شى كان جواله عليه رمز ومو مديكي هوا ولا يخليكي تلمسينه حبيبتي بين يدينك نعمه في زوجات كثير يتمنوها ان ازواجهم مايخبو عليهم غيرك حتى الجوال مانعها تقربه لاتخسري ثقة زوجك عشان شك شيطان خلي ثقتك فيه كبيره الرساله عايديه جدا واذا انتي شاكه امسكيه قولي له بصراحه انا جيت ابغى ارسل لاختي رساله من جوالك ولقيت رساله لفتت ليا انتباهي مو شك حبيبي بس استغربت رساله زي كذا بجوالك


اتمنى اكون افدتك حبيبي

دعواتك ليا

[قــــــــــمر]

مشكووووووووووووووووورين بنااااااات الله يخليكم
ام الزين الجوال بعد قديم
ربي يسرها صارلي مره نفس الموقف عشان كذا انا محتاره احس ماله داعي كل شوي طالعه له بشك واخر شي اتفشل واظلمه
ا.
بس مااقدر بعد اسكت وهو مطولة جيته عندي
بنات قررت اصارحه بقوله بكلام عادي لقيت رساله بجوالك مين الي ارسله من جوالك وابين له اني انا مو شاكه فيك بس ابي اعرف
لانه بالموقف الي قبل قالي لاتسكتين قولي لي ع طول ومازعل من ظلمي له وقالي لو انا بمكانك كان سويت نفس الي سويتيه
عشان كذا بصاااااارحه بشكل عادي مره ماقدر اسكت
.
.
الله يوفقكم ويحقق الي في بالكم على كل كلمة نصحتوني فيها الله يعطيكم العافيه