ارجوكم افيدوني ياحوامل

[ام امير22]

السلام عليكم يسعد صباحكم ويهون علينا الولاده يارب ياليت اللي تدخل تفيدني
انا تقريبا بعد كم يوم ادخل الاسبوع37واحس بالم اسفل البطن والظهر وولكنهاا محتمله بس انا جزاكم الله خير ابي اولد لاني مشتاقه اشوف ولدي وبنفس الوقت خايفه من الولاده فيا ليت تقولون لي ايش اللي يحرض الولاده غير الفحص يعني ابي اسوي تحريض للولاده في البيت باي طريقه واروح لهم ويقولو ولاده تعرفون المستشفيات وتعبها والله لو بيدي ما اولد الا بالبيت من كرهي للمستشفيات ونسيت اقول انو ماعرف اذا الرحم مفتوح او لا ولكن حركه الجنين احسها بمنطقه العانه والحمدلله راس الجنين تحت بس مو ناقص الا ان الله يكرمني بشوفته واللي بتساعدني بدعي لها من كل قلبي

[عاشقة ديني]

الله يهون عليكي ياأختي بس من الضروري تروحي المستشفى عشان الجنين وكثري من الأستغفار وسورة الزلزلة

[ريحانة الجنة]

أول شئ الولادة بالبيت ما بها بأس لكن (بوجود طبيبة)
ثانيا الاشياء المسهلة للولادة هي كثرة الحركة والمشي
(غير المنهك ) يعني شطبي البيت غسلي وكذا (بالراحة ) وفالك العافية
ثالثا ضروري تأخذي الموافقة للولادة بالبيت من الطبيبة يعني تروحي تفحصي وتقولك
انه ضغظك تمام والجنين متوضع تمام وانك صحيا ماتعاني من شي
رابعا الاشياء اللي تحرض اولادة كثيرةلكن( نصيحة من اخت )
انتبهي تأخذي شي(لانه لو الرحم مو مفتوح العواقب وخيمة)
شوفي اش تسوي
التمر تأكلي طول اليوم قرابة النص كيلو مقسمة من الصباح الى
الليل
اشربي حليب مخلوط بعسل بلدي (اصلي)
زيت الخروع يحرك الطلق بصورة رهيبة(لكن لا تأخذيه الا لو افتك الرحم انتبهي
مقدار فنجال قهوة)وخليه بأخر مرحلة
خامسا ساعة فزعة ابو الشباب هالايام(فزعة خاصة افهميها) وصدقيني انها تفرق و
تنفع بعون الله واستحملي الوجع اللي رااح ينتابك .
أسال الله لكِ التسهيل وقرار العين

[ام امير22]

يسلمو عاشقه ديني وريحانه الجنه الله يحقق لكم ماتتمنونه
وبالنسبه لابو الشباب مو معي انا حاليا عند اهلي لكن مالي الا الله ثم الدعاء وربي كريم ان شاءالله وراح اخذ هالمسهلات وجزاكم الله الف خير

[عشقي وطني]

الله يسهل عليج حبيبتي امشي المشي يسهل الوﻻده

[ريتال أحمد]

اجلسي وضعيه القرفصاء بتفتح الرحم اختي والله ييسر ولادتك

[ام امير22]

يعطيكم العافيه عشقي وطني وريتال ويجزاكم الله الف خير
اليوم وانا بالحمام وانتو بكرامه نزلت مني قطعه بيضاء شوي طويله ايش هذي اللي تعرف ترد عليه جزاها الله كل خير

[حور الجنه]

المشاركة الأصلية كتبت بواسطة ام امير22

يعطيكم العافيه عشقي وطني وريتال ويجزاكم الله الف خير
اليوم وانا بالحمام وانتو بكرامه نزلت مني قطعه بيضاء شوي طويله ايش هذي اللي تعرف ترد عليه جزاها الله كل خير

القطعه اللي نزلت عليك هي صح سدادة الرحم اللي تنزل على الحامل قبل ولادتها وهذا يعني ان الحمدلله قربت ولادتك ان شاء الله

[ام امير22]

الله يسعدك ياحور ريحتيني بس هل ضروري ان البطن مايكون نازل عشان يدل علئ قرب الولاده انا احس بصراحه بطني من تحت الصدر حييل قاسي وراس الجنين الحمدلله تحت واليوم عندي مراجعه ويارب اولد لان خلاص مرره تعبت

[ام امير22]

اليوم رحت المستشفئ وكشف الدكتور بس كان كشفه تحريك من اسفل الرحم ومن طلعت وانا تعبانه ونمت وصحيت واحس تنزل مويه بس مدري هل هذي مويه الجنين والا لا واخاف اروح المستشفئ ومايطلع شي