ارجوكم انصحوني بطريقه حلوه لتلميح لزوجي

[ام امير22]

السلام عليكم ورحمه الله وبركاته
اخواتي اتمنى كل وحده تدخل تنصحني ولها دعوه من قلبي
انا توني والده تقريبا لي 17يوم وانا احب الرومنسيه وزوجي برضو رومنسي انا حاليا عند اهلي وبعد النفاس برجع بيتي طبعا في مدينه ثانيا
اللي ابيه منكم كيف المح لزوجي انه يسوي احتفال بسيط لي وماني متشرطه يكون في مطعم او فندق عادي ابيه في البيت بس ابيه يحسسني انه مشتاق لي طبعا هذا اول ولاده لي وابي تجاربكم مع الزوج في اقناعه اذا طلبتي من زوجك اي شي ورفض
والله يسلم كل وحده ترد عليه من عذاب جهنم

[fony]

وعليكم السلآم ورحمة الله وبركآته ..

أول شي الحمدلله ع سلآمتكك ، وعقبآلي وكل الكروشآن يَ رب ..

بخصوص آستفسآركك الأول أنآ مثلكك بكريةة ولسى مآ ولدت يعني مآ عندي خبرة ،

وبرأيي إنكك تنتظري زوجـكك وتشوفي ، إذآ سوى لكك شي كآن بهآ ،

مآ سوى مو مشكلة ممكن إنتي تسوين له حتى بعد إسبوع من رجعتكك ..

صدقيني بعض الرجآل صحيح يحبون الرومآنسية وهـ الشغلآت بس مستحيل تخطر ع بآله إن يسوي لكك حفلة أو أي شي ،

والآستفسآر الثآني ع حسب الطلب وع حسب طبيعة زوجك إذآ عنيد أو عـآدي ..

المهم ممكن تسوين له ليلة رومآنسيةة حلوة وتطلبين منه الشي إلّي تبغينه وتشرحين له دوآفعكك ،

أو إنك تطلبينه منه بطريقةة حلوة وبدلع وكذآ وإنتي آدرى بهالأمور ..

إن شآء الله أكون أفدتكك لو شوي ..

الله يوفقكك حبيبتي ..

[ام امير22]

الله يسلمك حبيبتي
وان شاءالله يسوي لي تعرفين بعد النفاس الوحده تبي احد يدلعها وخصوصا من زوجها
عموما الله يفرجها عليك ويقومك بالسلامه حبيبتي ومشكوره ع الرد والله يسعدك يارب

[حياتي مهمه]

fonyاسمعي كلامها ماراح تندمي

[مرهفة الإحساس]

حبيبتي هو اكيد بيكون مجهزلك شي ولو انتي عارفة انه مش في بالة ها الامر ابعتيله رسالة فيها انك لمن بترجعي بتسوي حفلة عشان صرتوا ثلاثة والبيبي نور واكيد هو بيجهزلها

[دفا الكون وحنانه]

أول شي الحمدلله على سلامتك ومبروك البيبي ربي يخليه غلكم
ثاني شي لاتنتظرين من زوجك يسوي لك إلا بحالة وحده لما تطلبين منه مباشرة
ياقلبي طبيعة عقل الرجل تختلف عن المراة يعني لو إنتي لمحتي له ماراح يفهم عليك إلا إذا طلبتي منه مباشرة وما فيها شي إطلبي منه وخططي لهالموضوع وإذا رفض لك طلب لاتياسين كرري عليه بالكلمة الحلوة والدلع والسياسة وحفزية بمغريات له بس هذا بعد ماتفشل محاولاتك السابقة يعني مثلا تجهزين ليلة حلوة والبيت شموع وحركات وبحركات إغراء منك وقربي منه وقولي تبغى اسويلك مساج او اي شي يحبه زوجك ......... هوا طبعا بيوافق قولي اوكي تسويلي كذا عاد قولي طلبك منه وحددي بالضبط متى ولاتنسي الزن والزن هو الي يخليه ينفذ لك بس بطريقة حلوة وكلمه حلوة من غير نكد وزعل ولاتفكرين تلمحين له ترا الرجال مايفهم بالتلميح

[meso]

الاخات ماقصروا بس مع كلام fony
والف مبرووووووووووك الولادة وحمد لله على السلامة
وعقبالنا جميعا إن شاء الله
والف مبروووك وانتظرى زوك يمكن مسوى لك شى بذوقة.

[ام امير22]

الله يسلمكم يارب من عذاب النار ومشكورين للي ردو عليه
وان شاءالله يكون مجهز شي واذا حسيت ان مافي راسه اي شي الله يعيني وانا اسوي حفله بسيطه لي وله وللبيبي

[حيآتوو]

جمعي صور حركات
ووريه اذا زارك والفي
قولي شوف هذا وحده بالنت منزله صور احتفال زوجها فيها بعد النفاس
ونااااسه وكذااا

عاد اذا فهم حظك .. انا زوجي مدري يجطل عمد والا مايصيدها مدري !


او مثلا وانت تسالفين قولي له والله الولادة تهد الحيييل
الله يساعدك ع الهديه ههههه
:

اذا تبين هديه معينه
اطلبيها دغري بس سوي نفسك تمزحين ولا تتوقعينه يجيبها
نفس الشي وريه صور اللي تبيه - عشان يجيبه بالضبط-
وقولي له اذا خاطرك تجيب لي هديه ... بوفر عليك التفكير
خاطري بهذا وضحكي كانك تمزحين

يارب حتى انا يعبرني ويسويلي حُفيله( تصغير حفله)

[ام امير22]

هههههههههههههه ان شاءالله بسوي مثل ماقلتي
وان شاءالله زوجك يسوي لك حفيله هههههههه
الله يسعدك دنيا واخره