السلام عليكم ورحمة الله وبركاته
بنات انا نزلت عليا الدورة والحمد لله على كل حال واليوم هو ثالث يوم للدورة ..
بنات
أنا حملي السابق قب 6 سنوات كنت ماخذه نفس الأبر اللي ذكرت اسمها بالموضوع وكان وزني حينها 65 وطولي 160
لكن كان عندي تكيس بس خفيف لأني الفتره هذي كنت مسويه رجيم ورياضه ونزلت وزني للمطلوب والحمد لله من اول ماخذت هذي الأبر حملت في نفي الشهر لأن جسمي استجاب للعلاج وبويضاتي كانت ممتازة واخذت ابره تفجيريه و ماشاء الله تبارك الرحمن حملت بتوأم ربي يحفظهم عمرهم 6 سنوات .. ولدتهم قيصري ..
المهم بنات
انا من 3 شهور رجعت افكر انا وزوجي بالحمل وخططنا لهالشيء بس المشكله وزني الحين 80 كيلو طبعا لأني تاركه الرياضه والمشكله انا لما يزيد وزني تتخربط عندي الدورة ويزيد التكيس .. المهم طول الثلاث الشهور السابقه شهر 12 وشهر 1 وشهر 2 وانا اتابع تبويضي
اول شهرين كلوميد ومانفه وثالث شهر اللي هو شهر 2 السابق آخذت ابر مينيبيور مع حبوب منشطه ومافادني حجم الوبيضات صغيره وطبعا السبب التكيس ..
اتصلت لدكتورتي السابقه اللي حملت على ايدها من قبل 6 سنوات طبعا هي مو موجوده بالامارات هي بمصر .. وحكيتلها مشكلتي وقالتلي لما تنزل دورتك خذي الابر نفسها اللي حملت عليها بحملي الأول وعطتني كذلك حبوب منشطه .. المهم قالتلي استخدم حبوب التنشيط من ثاني يوم للدورة
والابر ابتداءا من اليوم الرابع للدورة .. وراح اسافر الاسبوع الجاي لمصر انا وزوجي لغرض السياحه ولهالسبب قلت اتصل بالدكتورة اللي عالجتني وحملت على ايدها بعد فضل رب العالمين وقلت اضرب عصفورين بحجر .. لأنو حسبت ايام التبويض راح تكون في مصر فقلت ليش ما أتصل قبل الدورة خاصه اني كنت احس بأعراض نزولها والحمد لله نزلت الدورة واتصلت بأول يوم نزولها لدكتورة مصر وطلبت منها مساعدتي وقالتلي آذ الدواء هذا والأبر عشان مايضيع علينا هالشهر لأني لما اوصل مصر بكون في فتره تبويض وراح أروحلها للمتابعه فقط ..
المهم بكره بيكون رابع يوم للدورة وراح ابتدي بالأبر المنشطه من بكره . بالاضافه الى الحبوب المنشطه اللي ابتديت فيها من أمس ثاني يوم للدورة
.. بنات
سؤالي ممكن يصير حمل ؟؟ وانا زايد وزني يعني اول مره علاج بنفس الابر ونفس العلاج بالظبط حملت من اول مره أخذ الابر السابقه طيب كان وزني مناسب والتكيس خفيف
لكن للأسف الحين بحكم شغلي ماقدر اسوي رياضه واهملت نفسي من بعد ولادتي بالتوأم وزاد وزني 20 كيلو وزاد التكيس .. هل بمعنى اذا كان تبويضي ممتاز هالمره ممكن زيادة الوزن تمنع الحمل ولا ماله اي علاقه ؟؟؟ يعني اذا تبويضي زين واستجابت بويضاتي لمفعول الأبر مثل اول مره حملت عليها هل راح يكون العائق زيادة وزني ومايصير حمل ؟؟؟
وعلى فكره بنات نسيت اقولكم بوصل مصر بسابع يوم الدورة وثامن يوم راح اسوي اشعة الصبغه مع نفس الدكتورة بصراحه انا اللي طلبت منها عشان نتأكد من سلامة الأنابيب خاصه انو الدكاتره اللي بالامارات هم نصحوني فيها ولحد الآن ماسويتها طبعا لنو احنمال في التصاقات بالامنابيب من ولادتي القيصريه السابقه ..
وطبعا انا سألت الدكتورة ممكن اسوي الاشعه وانا حاليا باخذ منشطات اللي قالتلي آخذهم فقالت مالو دخل لأن التبويض يبتدي من 11 او 12 يوم من الورة وانا ابي استغل الفرصه وقلت منها اشعه صبغه ومنها جاهز تبويضي اذا كان ممتاز واذا كان ضعيف فلاحول ولاقوة الا بالله راح افقد الأمل في حملي في هذا الشهر .. فأنتو شورايكم
ومنو حملت على هذه الابر رغم زيادة وزنها
بنات ياريت تفيدوني وجزاكم الله ألف ألف خير سلفا لكل اللي ترد علي بمعلومه او حتى بدعوة طيبه
فكلنا أخوات في الله ...