مساء الخيرات للاغلى اخوات عندي
جيتكم بقصة عروستي طبعا انا صرت تعبانه من يوم دخل علينا شهر شعبان تنزل عليه مويات ودم ورحت المستشفى عند دكتورتي اللي اتابع عندها وقالولي عندها ولاده ماتقدر تشوفك وجلست الاسبوع كله كامل وانا دم ينزل والمويات وكل ماروح لفقيه عند فاطمة يقولي مشغوووووووله عندها ولادات بس وزوجي عصب عليهم انا تعبانه وكل يوم ياجالوا الموعد بس في نهايه من التعب غيرنا المستشفى ورحنا مستشفى عرفان وسوينا اشعة ثلاثية الابعاد عند اسامة عبدالغني وقال لازم البيبي ينزل خلال اسبوع مو اكتر لانه الرئة تعبانه والتنفس بيقل بسبب المويات بس طبعا في عرفان مافي غرف عمليات مفتوحة بسبب القضية يسووا القيصري في غرفة كشك الولادة مجهزه زي غرفة العمليات وبصراحة خفت على نفسي عندهم بس ورحت مستشفى بقشان عند الدكتوره نانسي استشاريه رحت الاربعاء عندها وقررت ليه العملية الخميس الصباح ورحت البيت وجهزت نفسي وليله هادي عدت عليه طويله وانا ابكي من الخوف ورحنا الخميس 10-8-1431 الصباح الساعة 9 وعبال زوجي خلص الاجراءت طلعوني غرفتي وحطولي جهاز نبض البيبي ولبسوني لبس العمليات بس الساعة 10 وربع اخدوني على غرفة العمليات وانا ابكي واودع زوجي وماما وبابا وقولهم سامحوني ودعتهم ودخلت عبال جهزوا نفسهم طقم الدكاتره كانت 11 الاربع وبنجوني بنج نصفي وقلت لدكتور التخدير اول ماتبدوا ابغى انام عشين مااحس بالوقت قالي طيب ولما بداوا اعطوني كمامة حطلي هي عشان انام بس انا خليتها خمس دقائق وشلتها حسيت اني ابغى استمتع الوقت بالدعاء خمس دقائق من بدء العمليه والا احلى عرروووووووووسة طالعة زي القمر مسحوها من الدم وجابوها جنبي وحطوا خدي على خدها بس انا طلبت ابوسها وانا عيني تدمع من الفرحة وبوستها وحسيتها ماكفتني ابدا ابغى كمان وقتلها ابغى بوسة تانيه واخدوها يحمموها وهي الدكتوره تسوي العمليه 11وربع العملية مخلصة بس صراحة ماشفت ولاشيء من العمليه لا ادوات ولا دم ولاحتى صوتهم ماسمعتوا بس كانت متعة بنسبة ليه وخرجوني وخلوني في غرفة الافاقة بس البرد حق غرفة العمليات ذبحني لما حطوني بغرفة الافاقة حطولي دفايات عشان جسمي يدفىء وخلوني فيها ساعة وطلعوني غرفتي 12 الظهر وماما وزوجي وبابا بره يستنوني عند باب العمليات وحطوني على السريري طبعا الجزء الاسفل مااحس بيه ماتخدر باقي مافك التخدير الا الساعة 4عالعصر بس والله اي وحده انصحها بالبنج النصفي متعة بكل شيء حتى بعد مايفك البنج ماتحسي بالالم اللي حسيته في البنج الكامل ايام ولدي بس حسيت بصداع بسيط اول مافك البنج وعالطول ادوني مسكن ماحسيت فيه والله بصراحة مستشفى بقشان راحة واهتمام ونظافة ويخدموا فيككي طول الوقت من دون مايطفشوااااا ابدا
معليش طولت عليكم بحكايتي بس حبيت احط كل شيء فاكرته واسفه انه الكلام مو مرتب
وسميت عرووووووووووووووووستي يارا
07-31-2010, 07:33 PM
هنوني هنوني %يارا% جت وملت عيوني (قصة ولادتي باحلى العراااايس)
ضيء عين زوجي 
رد: هنوني هنوني %يارا% جت وملت عيوني (قصة ولادتي باحلى العراااايس)
جديد منتدى إستفسارات مرحلة الولادة
العرض العادي
