اشياءفعلا ضرورية من خبرتك..لحوامل 2013

[حبيبة رامي]

السلام عليكم ورحمة الله وبركاته..

اللهم عافنا .. اوعفوا عنا.. واهدنا.. واهدي اولادنا..وتوب علينا انك سميع عليم.. تواب غفار رحيم..
اللهم امين..

طبعا من زمااان انا علي الكتابة في المنتديات.. فاعذروني علي القصور..

ادخل في الموضوووع احسن


طيب عن خيرة في اشياء حسيتها فعلا ضروووووورية ولازم تكون موجودة..

عشان كدا حاكتب الاشياء اللي فعلا احتجتها..


وكل وحدة منكم تكتب اللي حسته انه ضروري.. وياليت يكون مدعم بالصور..


نبدأ..


في المستشفى..



شرااااااب أو جوارب... لانه بعد الولادة بتحسي اطرافك تبرد




شفاط الحليب الكهربائي..بصراحة انا استخدمت اليدوي.. مرررة فادني وريحني ..انااام واهلي يرضعو النونو..وكمان يريح الصدر..واقدر اخرج من غير ما اخدالبيبي.. بس ان شاءالله في حملني دا قررت استخدم الكهرباء اريح لليد..



فترة النفاس تجيني زي حالة الكآآآآآآآآآآبة.. فاحتاج عطور خفيفة تنعشني وتريح نفسيتي..
غالبا ما اجيب من بودي شوب لانها خفيفة..



حسيت انه فعلا ضروري في فترة النفاس اغراض النون تكون مرتبة وتقدري تحطي اغراضك كمان..
وما نحوس لما يجونا ضيوف شيلو وحطو وخبو...

هذا اللي في بالي حاليا وان شاااااء الله كل ما افتكر شي احطه للفايدة..

تمنياتي لكم ولي دوام العافية والولادة بالسلامة يارب ويرزقنا اطفال صالحين بارين سالمين ومعافين وكاملين يارب.. قولوا امييييييييييييين..

[كـروووشه]

الله يعطيك العافية ويتتم لگ حملگ
مررررره فادني موضوعك

[صعفوره]

يعطيكي الف عافيه موضوع مفيد للبكريات اللي زي

[حبيبة رامي]

كرووووشه..

صعفورة..

الله يعافيكم يارب... ويتمم لكم بالسلامة..

اضيف كمان..



مشد البطن جداااا مهم بعد الولادة.. في البداية صح تطفشي ومالك خلق تلبسيه لكن بعد كدا حتندمي.. في حملي الاول ما اهتميت وبطني جلست فترة طويييييلة اكثر من سنتين وما دخلت..

جربت الاندنوسي


ووحدة جات سوت لي اياه بس مرررة ضايقني وفكيته ثاني يوم..واشتريت يشبه اللي بالصورة الاولى..وريحني..






مخدة الرضاعة.. جدا مهمة وتريح كثيير في بداية الاشهر.. خصوصا وانتي تعبانة والام الظهر لسه تعاني منها..

ولي عووووودة ان شاءالله..

[درة غالية]

غطاء الرضاعة فادني كثير اخذته من سنتر بوينت ب90 ريال




معقم الرضاعات مريحة جدا



اشتريت مثل هذي بس لونها وردي وذهبي وكبيررررة ووزعت تغييرات بنتي فيها حفاض ولبس داخلي وفستان او اي لبس وارتبها وادخلها في الكيسات واحطها في الدرج ساعدتني كثيرررر وسهلت علي حتى الدولاب شكله يفتح النفس مرتب


مشكورة على الموضوع 🌺😃

لي رجعة

[Rihem]

تسلموو تنيناتكم على الافادة
يارب كل الحوامل تستفاد
مشكورات

[حبيبة رامي]

هلا والله وغلا...


فعلا غطاء الرضاعة مفيد..

وفكرة الاكياس مررررررررررررة جيدة وحاطبقها ان شاءالله.. ومريحة..

وفكرتيني.. بفرشة تنظيف الرضاعة جدا جدا جدا مهممممة.. في البيت وفي الشنطة..





جهاز لسماع صوت الطفل ... مررررررررة مفيد وعملي ويريحك من القلق والروحة والجية..

[supermama]

سلام ع الجميع ومشكورين ع هدا الموضوع المفيد
بس ليا تعليق خفيف بالنسبة لمفرش الرضاعة احس انه مو ضروري كتير لانه احنا ف مجتمعنا مانرضع فالخارج عشان نحتاج التغطية التامة دي. لاتفهموني غلط وتحسبو اني من الناس اللي ترضع وعفشها برة والكل يتفرج بس من خبرتي لقيت انه كتير نواني لما يرضعو تحسيهم كانهم بيبذلو مجهود لدرجة انه جبينهم يتفصد عرق سبحان الله فكمان مساكين نجي نحنا ونكتمهم تحت هدا الشي. الانسب من وجهة نظري انه الواحدة تشتري من المناشف اللي تنباع ف سنتر بوينت حتى تلاقي منها مقاسين واحدة مربعة صغيرة والتانية اكبر ومنها الوان اشكال متنوعة واستخدمي الكبيرة بحيث تحطيها ع كتفك وتغطي صدرك بدون ماتكتمي البيبي ويسير كمان اذا خلص رضاعة تكرعيه ع كتفك وتضمني اذا كان قلاس ماتتبهدل ملابسك
وعذرا ع الاطالة

[ToOfi]

من فين ألاقي الدولاب اللي أرتب فيه أغراض البيبي
انا جبت دولاب ببيتي اللي يجئ مع السرير طقم بس أبغا من الدواليب البلاستيك أو الخفيفة لبيت أهلي وقت النفاس
انا من جدة

[اطخم بنت]

انا عجبني دالوب الموقت عشان اغراض البيبي من وين احصله