محتاجة ادردش معاكم :(

[princesse mero]

مرحبا يا بنات ... صرلي زمان ما كتبت طبعن اخر شي صار معي انو بشهر 2 اخدت الابرة التفجيرية بس للاسف ما صار حمل الحمدلله على كل شي ... وبشهر 3 اجت الدورة قبل موعدها باسبوع وانصدمت ليش جاي بكير بس كمان قلت مش مهم لا تفكري كتير .... هالشهر طيب صرلها 5 ايام متاخرة مع العلم انا شهر 12 و 1 كنت اخدت حبوب لتنظيم الدورة وكانت دوراتي كالتاليى: 19/1 ... 20/2....16/3 .... وهلا شهر 4 لسه طيب شو اعمل !!!!! رحت للدكتورة اليوم وقلتلها قالتلي عادي طبيعي .. بعدين قالت روحي اعملي تحليل دم وطبعن كل هالوقت وانا على اعصابي ومن التوتر والخوف اجاني الم بالضهر وصرت احس فى شي بينزل بس الحمدلله ما نزلت كان بس افرازات .. المهم التحليل طلع سالب واتحطمت احلامي لدرجة انو حابسة دمعتي بعيني وانا بكلم الدكتورة واللى قهرني اكتر انو اتععجبت من النتيجة وبكل برود بتقولي خلينا نستنى كمان اسبوع يمكن ما مبين ! طيب كيف ممكن يكون ما مبين !،،،

يا بنااااات امانه حدا يفهمني لانو جد متوترة اكتر من قبل قال رحت ارتاح من القلق رجعت قلقانه اكتر
طيب الدورة هيك مزبوطة ولا ملخبطة والمفروض دورتي ادية مدتها انا مش عارفة احسب لو سمحتو الله يرزقكم الذرية الصالحة حدا يطمنني ويهديلي القلق اللي انا فيه

[heba yousef]

حبيبتي والله حاسه فيكي بس بالاول وبالاخر هاد بيد رب العالمين يعني انت تريد وانا اريد والله يفعل ما يريد واكيد ان شاء الله ربي كاتبلك الاحسن بعدين حبيبتي انت عندك الدوره كتيرر مخربطه وهيك مش مزبوط انا بغرف وحده هيك الدوره عندها وما حملت لهلا يعني ما بدي ادايقك والله بس انت اول شي لازم تعملي تراجعي دكتوره عشان الدوره لازم تنتظم عندك وما بتعرفي يمكن تكوني حامل ان شاء الله انت استهدي بالله واصبري وان شاء الله ما بردلك طلب وبحققلك كل الي بتتمنيه ولا تزعلي حالك لما ربنا يريد راح يرزقك ان شاء الله ماشي حبيبتي اتوكلي على رب العالمين وخلي دايما املك كبير لو شو ما صار

[princesse mero]

شكرا حبيتي لانك رديتي اكيد كلامك كلو صح واناما بعترض عاللى الله كاتبلنا اياه بس انا مستغربة كيف الدكتوة بتقول انو الدورة عادي مش متلخبطة انو طبيعي هيك وكيف كمان بنفس الوقت تحليل دم ممكن انو ما يكون مبين ،،

[برستيج آنثى]

حبيبتي مااشوف انها تأخرت عليك لسئ بكير انتظريها كمان يومين عقب الدوره المنتظمة ممكن تتقدم يومين او تتاخر يومين عادي جداً

لذلك انتي لااتاملي نفسك بالحمل لكن بنفس الوقت خلي ثقتك بربي اكبر من كل شيء وخليك متفاءله شو فيها لو نزلت هالشهر يمكن ربي كاتبلك الشهر الجاي ماحدا يدري

فلا تزعلي اذا نزلت الدوره وخليك مع ربك ادعيه بكل وقت تكوني حامل هالشهر وياربي تجي تبشريناا

بس دورتك انا اشوف انها طبيعيه

[princesse mero]

المشاركة الأصلية كتبت بواسطة برستيج آنثى

حبيبتي مااشوف انها تأخرت عليك لسئ بكير انتظريها كمان يومين عقب الدوره المنتظمة ممكن تتقدم يومين او تتاخر يومين عادي جداً

لذلك انتي لااتاملي نفسك بالحمل لكن بنفس الوقت خلي ثقتك بربي اكبر من كل شيء وخليك متفاءله شو فيها لو نزلت هالشهر يمكن ربي كاتبلك الشهر الجاي ماحدا يدري

فلا تزعلي اذا نزلت الدوره وخليك مع ربك ادعيه بكل وقت تكوني حامل هالشهر وياربي تجي تبشريناا

بس دورتك انا اشوف انها طبيعيه

الله يريح قلبك حبيبتي جد ريحتني انا كنت اكتر شي خايفة انو تكون دورتي مو منتظمة لانو بشوف البنات كلهم بيوم وتاريخ محدد طيب انا كم عدد ايام الدورة 30 او اكتر ،،،

[نجمة السمر]

شوفي حبيبتي هاد كلام دكتور الدورة المنتظمة تكون قبلها اسبوع وبعدها اسبوع من موعدها
يعني دورتك نظامية وماعليها كلام هي لما تقدم وتاخر بيكون الرحم بيتهيأ للحمل تفألي بالخير
يمكن ان تأخرت اباضتك فيبتأخر الحمل ليبان بالتحليل وحتى بتتاخر الدورة
انت عليك انك تابعي الاباضة وتعرفي وقتها مزبط هيك مارح تتلخبطي اذا تاخرت معك او قدمت
ورح تعرفي كمان الوقت المناسب للحمل وتجتهدي فيه
وان شا الله ياربي انك تكوني حامل ويبان معك بموعدك القادم مع الدكتورة وماتحتاجي تابعي اباضتك
في ناس بعرفهم بيحملوا رغم ان دورتهم ملخبطة هيك تقدم اسبوع وتاخر اسبوع
يارب ياكريم يرزقك ولا تزعلي اذا نزلت كله خير بحقك الله يجبرنا كلنا ونكون حوامل هالشهر يارب ياكريم

[ملاك عزيز]

الله يطمن قلبك حبيبتي
يااارب تكوني حامل وتفرحي

[heba yousef]

انا اسفه حبيبتي كتير هههههههه مش عارف شو التواريخ الي انا قرئتها مبارح عنجد متاسفه يا عمري بس هلا لما رجعت فتحت موضوعك وشفتهم انت اول شي بينهم 33 يوم وتاني شي 25 يوم يعني 8 ايام وانا بعرف انو لو قدمت اسبوع او اخرت اسبوع عادي حبيبتي بس انت اذا زادت عن هيك شوفي الدكتوره والدوره هلا بالنسبه الك المفروض انها مش متاخره حسب دورتك يعني تقريبا امبارح او اليوم وان شاء الله انها ما بتنزل وبتكوني حامل يا رب وانا حبيبتي برجع بعتزر

[أسيرة زوجي]

حبيبتي إنت دورتك مو ملخبطة فارق أيام مو مهم

المهم أنتهك إنه التوتر و القلق يلخبط كل الهرمونات و الدورة كمان

أنصحك تهدي حالك هذه الفترة و لا تتعبي
و كلام الكتور إنك تستني كمان أسبوع صح لأنه في بعض الأحيان الحمل يصير في الأيام الأخير لهيك ما يبين إلا بعد عشرة أيام من موعد الدورة المفروض

الله يناولك إلي في بالك و يفرح قلبك بالحمل السليم يا رب

[M0ra]

حبيبتى انتى دورتك ماشاء الله مش ملخبطة زى ما قالتلك البنات عادى تتاخر او تتقدم كم يوم و انتظرى اسبوع و حللى و باذن الله تكونى حامل و تبشريناااااااااااااااا