يا امهات تعالوا ابغى خبرتكم

[احلم بطفل]

السلام عليكم ورحمة الله و بركاته
كيف حالكم يا اخواتي ؟؟ و كيف بيبياتكم
الله يحفظ لكم ما اعطاكم ..
حبيباتي ابغى مساعدتكم و خبرتكم ولدي عمره 6 شهور ونص
الاسهااااااال اه من الاسهال عنده من اسبوع ما وقف بالعكس
اليومين هادي بزياده طبعا استخدمت العلاج و اعطيته موية الرز
سلقت بطاطس و طحنتها و اعطيته بس مافي فايده .. ورا كل رضعه يتغير الحفاظ
حبيبي من كثر الاسهال جاه تسلخ في منطقة الحفاظ .. و صاير عصبي و نومه قليل ..
ياليت تفيدوني ايش ممكن يوقفه واذا ماوقفه اقل شي يقل ، وايش الحليب
المناسب لللاسهال رحت الصيدليه و احترت كل ما مسكت واحد مدحه الصيدلي
انتظر تجاربكم و خبراتكم عزيزاتي ..

[تاج الوقار88]

السلام عليكم حبيبتي انا من رايي تاخذيه الدكتور ممكن ابنك يسنن يعطيه ادوية تخفف عليه و سلامتو الله يعافيه

[احلم بطفل]

مشكوره اختي بالفعل انا اخذته للطبيب و قال
تسنين و اعطاه علاج قبل اسبوع هدا الكلام بس
مافاده بالعكس اليومين هادي صار يسهل كل ما رضع
او اكلته .. عشان كذا حابه اعرف خبرات الامهات في هذا
الموضوع المؤرق لجميع الامهات

[هبة النيل]

انا ما بشجع الذهاب للطبيب
مرحلة التسنين مرحلة اساسيه بيمر بها كل الاطفال
عليكى بنوعية الاكل مثل ما قلتى ارز وبطاطس مسلوقة وكمان الجزر المسلوق رائع

[دلـــوعــه عـــــبوديـ]

شوفي حبيبتي اذا بياكل ماعليه خوف لاكن اذا ماياكل لازم توديه للمستشفى يترقد عشان يعطوه المغذي
اعطيه زبادي رز مصري مو بس مويته عرفتي اختي و عصير تفاح كثري له سوايل وكمان لازم تعطيه بعد كل اسهال محلول حق تعويض
واذا سهل ع طول غسليه بمويه وصابون ونشفيه وحطي المرهم الاصفر وحده بوحده
عليه العافيه كل الاطفال يمرو بحاله هذي

[صدفة قدر]

جربي حليب اس 26 انا سبب لولدي الامساك وسرت اخفف اقلل ملاعق الحليب في الرضاعه ى
يعني احط ثلاث ملاعق في كميه الماء 120 على شان الامساك والحمد لله ماضره

[عيش الحياة]

لازم تعرفي سبب الاسهال سوي تحليل براز الله يكرمكم واذا فيه مكروب خلي الدكتور يعطيه علاج واذا التحليل سليم ان شاء الله بس تتأكدي لأن التسنين صح يسوي اظطرابات في المعده والامعاء الله يشفيه

كثري سوائل اعطيه بطاطس مسلوق واعطيه جزر مسلوق الجزر مرة ممتاز للاسهال وحطي ملعقه صغيرة مع الحليب نشأ مرة باليوم

[روووح غاليهااا]

اعطيه محلول يعوضه عشان لاسمح الله لايجيه جفاف
كمان في حليب بالارز هذا كنت استخدمه لولدي مررره حلو
وزي ماقلتي البطاطس حلو والجزر يمسك البطن شوي والنشا والزيادي كمان

والله يطمنك عليه