مشكلتي مع اهل زوجي

[دلع انثــى]

السلام عليكم كيفكم حوامل ولله انا ضايق صدري وماعرفت اشكي لمين ومين يوجهني وينصحني واتمنى الاقي عندكم الصدر الوسيع

انا متزوجه من سنه ونص وعندي ولد وساكنه مع اهل زوجي الدور الثاني المهم انهم عايلة كبيره ماشالله وبعد في من خواته المتزوجات ساكنين عندنا
مشكلتي انو عيونهم علي في كل شى وين اروح ووين اجي وهم مراقبيني ومو كذا بس المشكله انو زوجي مرة متعلق في اهله وصاير مايطلعني مكان الا وفي احد معنا
العام توني والده بشهرين والعيد قال بنسافر ويوم اجهز الشنطة دريت انه بياخذ اهله معنا وبنفس السيارة تخيلوا وتعبت مرة بالسفر امه فضوليه ومتسلطة وكانت تطول لسانها علي وهوساكت لا وبعد كانت تجي تفتح علي باب الغرفة من دون استىذان وهو صار يعاملني بجفاوة حتى قعدني بالساعات بلا اكل وشرب وتدرون توني والده وارضع
وصارت مشاكل كبيره كانت بتوصل للطلاق بس ربي ستر

المهم امس يقولي ترى رمضان بنسافر وباخذ اهلي معنا انا عصبت قلتله معليش روحوا انتوا انا ماابي وعصب وتنرفز وقال اختاري يا انا ياالسفر مع اهلي وموبعارفه وش اسوي شوروا علي الله يدخلكم الجنة ويسعدكم واسفة عالاطاله

[اروى 27]

وعليكم السلا ورحمة الله وبركاته

أختي في البداية لازم تطيعي زوجك ليما تملكين قلبة
هو أذا شافك ماتعاندينة بعدين بيستحي م نفسة يخالف رأيك أو يضايقك في شيء

تحملي هذي الأيام وإن قلت السنوات القريبة وبتشوفين نتائجها بإذن الله بعدين
العناد ماينفع في هذي المواقف

ربي يسخر لك زوجك يارب ويديم بينكم الموده والمحبة

[سوزان الرياض]

الله يسخره لك ويعينك

[حرم السلطان]

كلام اروى صحيح..طيعي زوجك ولاتعانديه..ومع الوقت يتغير..اول شي خليه يحبك ..صدقيني اذا ماحبك الان من خلال ادبك وطبعك وطيبتك ماراح يحبك بعدين...
كوني له كما يريد يطن لكي كما تريدين..ولاتحطين اهله ببالك يحطونك ببالهم ويجوزون زوجك والرجال هم يبغونها من الله عشان يتزوجوا الثانيه...
وترا اي رجل ببداية زواجه يكون متخوف من المشاكل اللي تكون بين زوجته واهله وطبعا لوتصير فيه مشاكل ببداية الزواج.. راح يضحي بزوجته عشان امه واخواته..لان الزوجه فيه غيرها.


وبالنسبه للسفر امشي مع زوجك لاتتركينه ابد ..وقولي له اكيد بختار السفر معك لاني ماستغني عنك وماتحمل غيابك عني لو ساعه..دايم خلي كلامك ومنطقك كذا بشي يسعده .
وشوي شوي اقنعيه مع الوقت..مثلا قولي اوعدني بسفر لي انا وانت بس نتمشى فيه قولي حتى البيبي بنزله عند ماما..

احسني النيه ادعي ربك كثيرا..وترا اي سعاده واي راحة بال لازم يبغالها صبر
والله يوفقك

[دلع انثــى]

ولله ماخالفت كلامه ابد وهذا اللي خلاني اتخذ موقف واغير طبعي لانه تمادى صار يحس ان واجب علي اطيع اهله ويمشون كلامهم علي لاني كنت طيبه واسمع لهم والحين اذا جيت ادافع عن حقوقي يتنرفز ويغلط علي بالكلام كاانو فرض علي مو من حقي ارفض

[بيللي]

الله يعينك ياقلبي

انا كل ماادخل موضوع اشوف مشكلة البنت نفس مشكلتي

حسيت ان اهل زوجي فيهم مشاكل العالم كلها

الله يصبرك ويصبرنا


انا تصير لي مواقف كذا حتى وانا حامل مارحمني وخلاني خدامه لهم لحد ماجاني نزيف

وحتى بعد ماتشافيت مانفع معه

فصرت اطنش

بس تغيرت معهم

صرت اسكت وحزينه قدامهم

لحد مالاحظ الفرق والكآبه اللي تجيني

صرت اتعمد مستحيل اضحك معهم او اسولف

وصار يتفشل قدام اهله اني انا مااعطيهم وجه

ولما يقولي طلعتك ومشيتك صرت اقوله ماقصرت بس ماستانست وحسيت بطفش

وكل ماقالي معهم اقوله تعبانه بس بروح عشان خاطرك

يعني اسلك له

بعدها ماصار يغصبني اطلع معهم وحتى هو بدا يكره الطلعه معهم شوي

لان لو راح يسالونه وين زوجتك ليه ماتجي ووو

فصار يتفشل يروح لحاله عشان مايزعلو لو ماجيت

[نهآل]

الله يعينك ياقلبي والله الوحده نفسها تسافر مع زوجها لوحدهم عشان تاخد راحتها معاه
بس انتي حاولي تجلسي تتكلمي معاه قوليلو مو كل سفره ناخد اهلك معانا انا نفسي البسلك وادلعك وابسطك معايا
وامو مهما قالت لاتردي عليها اعتبريها زي امك وكدا بتكبري في عينو اكتر

الله يسخرو لكي ويهديه يارب

[اسيره نفسي]

نفس حالتي والله
طيبه معاهم وانفذ كل اوامره مثلك
بس الحين والله انفجرت ماقدر



ليش كذا الازواج واهلهم يعذبون زوجه الولد
لييييييش ابي افهم


ماظنتي في احد مرتاح مع اهل الزوج

حسبي الله ونعم الوكيل
حسبي الله ونعم الوكيل
حسبي الله ونعم الوكيل

[دلع انثــى]

الله يجزاكم خير مروركم وردودكم اسعدتني عسى الله يسعد قلوبكم والله يصبرنا على ازواجنا واهاليهم

[احتشامي سر جمالي]

اللي مافيه خير في اهله مافي خير في مرته

انتي حاولي تتقربي من اهله بذات امه

عامليها كانها امك وزوجك اجلسي معاه

وفهميه بهداوة واياك العناد اذا انتي عانداتي وهو عاند

راح تكبر المشكال ...ربي يعينك اختي اصبري

مابعد الصبر الا الفرج وكثري من الاستغفار

ربي يسخر لك زوجك ويوفقكم ويسعدكم ياارب