خبيرات الحمل من صار لها مثلي ؟..وادعوا لي بالولد الصالح

[فجوره]

السلام عليكم
شلونكم حوامل مع الثقل ؟
الله يسهل علينا وعليكم يارب
بغيت اسألكم من صار لها مثلي
انا اليوم دخلت السابع والحمدلله لكن لحد الحين ماعرفت جنس الجنين
في الشهر الرابع رحت لدكتوره قالت لي ماتعرف بس احتمال ولد
وفي الشهر الخامس رحت لدكتورتي الاصليه وقالت لي الجنين مسكره رجلينه وبعد محاولات فتح رجلينه وقالت لي ولد ولكن لازم نتأكد مره ثانيه
انا طرت من الفرحه لان زوجي وده بولد يلعب معاه
بعدها في السادس رحت لدكتوره بس هالدكتوره كانت مستعجله ولا عبرتني لان عندها ولاده وعملت لي التراساوند بسرعه البرق وقالت لي فيج بنوته

الحين من صار لها مثلي قالو لها ولد وبعدين بنت
خاطري في بنت وولد بس علشان زوجي ودي يكون هالمره ولد
هل ممكن تكون الدكتوره غلطانه؟

ادعو لي بالولد الصالح ياارب

[Salma]

هلا حبيبتي

طبعا اكيد ممكن الدكتوره تكون غلطانه و احتمال كبير بعد ..

امي لما كانت حامل باختي دكتورها قال لها ان اللي فيها ولد و تفاجأت في الاشهر الاخيره قال لها انها بنت

و نفس الشي صاحبتي مجهزه للبنت و يوم ولدت طلع ولد ..

الافضل روحي لدكتورتك اللي تتابعين عندها و تاكدي مره ثانيه

وربي يكتب لك اللي فيه الخير و الصلاح يارب والله يهون عليك

[مــــــلاك]

الله يحقق اللي بالك ..واهم شي سليم معافى ياااااااااااااارب

[~~لحن الحياة~~]

حبيبتي الي ببعتو ربنا يا محلاه
وازا بدك تعرفي بنت ولا ولد روحي دكتورة تانية ما بتعرفك وخليا تكشفلك وساعتا بتقلك ولد ولا بنت الله يبعتلك اللي ببالك يا عمري

[▂▃ سوسو القمر ▃▂]

الله يهونه علينا
واهم شي طفل سليم كامل الخلقه سوا بنت او ولد كلهم حلوين
وبعد ين خلاص هاااانت ليش مستعجله

[فجوره]

مشكورين كلكم على الردود والدعاء
اناالحمدلله راضيه باللي يكتبه الله
بس ضروري اعرف علشان اجهز ماشريت شي
وعن الولد كل اللي ابيه سند في هالدنيا

[أمل 777]

العلم عند الله وحده 000 إصبري 00 ولا تتعجلي
وربنا يرزقك بالولد الصالح يكون قرة عين لكِ ولوالده

[يارب ترزقني بطفل أضمه]

الله يهون عليك ويرزقك ماتتمنين ويفرح قلبك ياااااااااارب

[ياويل حاااالي]

الله يسهل عليك...

[زهــــور]

الله يقومك بالسلامه ويفرحك بالولد الصالح.

ويفرحني معك ..