شوفوا كيف تغير حالي إلى اﻷحسن

[عذوبه]

السلام عليكم اخواتي جزاكم الله خير على وقفتكم معي
وعلى ردودكم بموضوعي الاول
المهم الحمدلله والشكر له يارب اليوم ركبت مطبخ بفضل الله وابوي كلمته وشرحت له الوضع
وساعدني جزاه الله خير واليوم ركب وكلف مبلغ كبير علي انا وزوجي
ومن جاني اليوم الصبح والدنيا قايمه تحت يجماعه انا وزوجي فرحانين ونضف ومومصدقين انا خلاص هذا مطبخنا لنا ونضحك وووو المهم جاءالعصر وقالي خلينا نريح تعبنا من الصباح وحنا مع المطبخ لانه تفصيل وزحمه نزل وتجي اخته الكبيره تقوله انت زوجتك ليش تشوف امي وماتسلم عليها لان امس راح زوجي طبيب الاسنان ورحت معه بسياره ابوه ومرينا خذينهاامه من بيت جماعتها وكل العاده انا نزلت وركبت ورى احترام لها واول ماركبت وهي تعاتب ولدها تاخرت وين رحت وكم سويت اسنانك ومن ذا القبيل ونزل زوجي محل حق كلاب الله يعز مقامكم لان اخته تربي كلاب راح يجيب اكل بناء على طلب اخته وسالتي وين رايحه الحين مافي مواعيد قلت لها رحت مع زوجي دكتور الاسنان تقولي مايسون لك انتي حامل قلت اي انا ماسويت بس هو سوى وجاء زوجي ونزلت فتحت الباب لان المفاتيح معي وقفت استنى زوجي ينزل من السياره عشان هو يمشي قدامي لاني اخاف يطلع لي كلب من كلابهم
وطلعنا شقتنا فااكتشفت ان الام رايحه تشكي لبنتها اني ماسلمت عليها
راح زوجي قال لمه يمه كيف تبين البنت تسلم تبينها تنزل وتباوسون بشارع صرفت الموضوع
ماردت قالت انا عمري ماتوقعتها كيذا كنت حاطه ببالي انها غير حتى عمرها ماقالت يايمه وانا اقولها اعتبريني مثل امك كانت تقولي وانا اقولها عذريني ياخالتي انا ماتعودت انادي احد يمه ومانطقها الساني من سنين موارخص فيك لا والله بس انا ابوي رباني وامي ماتدري عني مااحب انطقها المهم راحت تبكي وتعذرب واخته تقول اول تنزل وتطبخ وتغسل مواعين وتساعد والحين طلعت وجها الثاني اطلعت على حقيقتها قام زوجي قال انتي اخر وحده تتكلمين البنت لما تنزل ماتسلمين عليها وتتخششين عنها والحين تبينها تنزل عشان كل وحده تمر من قدمها ونافخه ريشها تقول طيب ليش ماتنزل ولا خايفه البيبي يطيح من بطنها ويتفتت حسبي الله ونعم الوكيل وسكت راح صوب الاكل بيحط غداء قالت لا تخلص غدانا وتنرفز وقط الصحن وقالها مالت عليك وعلى غداء حاولت تهدي فيه تقوله ترى زوجتك مالها غيرنا من بينفسها وبيمسك البيبي غيرنا من عندها امها بتجي تنفسها الي ماتدري عنها من عمرها سنتين ولا خلاص فلوس ابوها غروها وقامت الام نطت ترى احنا دفعنا اكثر منه تقول
واخته احنا اخوان مالنا الا بعض قال لها زوجتي ماهي مقطوطه بشارع عشان انتي تنفسينها وكل كلمه مالها غيرنا تقوله اي دافع عنها اكيد زوجتك بدافع قال اي بدافع كم مره تروح بيت اهلها وماخذه ملابسها ودمعتها على خدها انتو الي تغلطون وانا احملها المسوليه بس العيب فيكم انتو مو فيها ولما ماتنزل مثل اول من تصرفاتكم قالت اصلن ايذا نزلت كله على جوالها قال بس هذا عذرك كله على جوالها
المهم الاسبوع الي فات نزلت والله احس اني مكسوره سلمت على عمي وتشره على وازوجي مقعدي بالمجلس على اساس ان امه بتجي وبنقعد مارضت تجي تقول خلها تجي هينا وخواته موجودين دخلت البنات سلمو علي وهي قاعد ماعطتني راسها تعودت اني اجي احب راسها ولفيت وجهي وسلمت خد وجلست وماكلمتني يوم راحو البنات اطلعوقالي زوجي يلا مشينا
قالت وين قلت بروح عند ام اخواني زوجت ابوي سابقا مشي بيتها قريب منهم قالت ليش عندها احد ايذا لحالها مو لازم تروح تقعد زوجي قالي روحي جهزي نفسك مشيت طلعت وجهزت نفسي ودايم عينها على بطني ماكبر شكله بنت ماقالو لك شنو فيك بنت تبي نسمي عليها وقال لها زوجي لا اسمك قديم وهي تضغط عليه وكبر وماتغير وطلع لك نفس الكرشه ووووتقول لزوجي شكله مابيطلع من السمنه لان زوجتك تاكل وتقعد على اساس هي تشوفني وش اسوي ورحت من كم يوم قالت الدكتوره فيني فقر دم ودمي مرره نازل وفيني املاح في البول الله يعزكم وقامت ترقع زوجتك عنيده ماتاكل ووو ومن يومها كاني مرتكبه جريمه اني سويت مطبخ وحاقدين على ابوي ومااقول غير
حسبي الله وكفـــــــى

[demoshka]

الحمدلله انه زوجك بصفك انا صراحة مبسوطة انه معاك

هلا انتي عملتي يلي عليك واكتر

نصيحتي خليك ببيتك وكلي واشربي سوائل كتير عشان الاملاح والضغط وتغذي ونسي كل شي ولا كانهم موجودين


ومنشان النفاس صدقيني الله مابقطع حدا

اعتبري حالك بغربة وبعيدة عن اهلك ولحالك ونفسي حالك اصلا اريح الك وللبيبي

وحاولي زوجك يضله بصفك دايما

وربي يهدي النفوس ويهديهم يااارب

[jojo 123456]

اكيد كل هذا غيرة وحقد لانك ركبتي مطبخ ورح تستقرين لحالك وما عدتي بحاجة الهن
الله يسر امورك لا تعبي حالك ولا تشغلي بالك كثير مشان البيبي

[سهام فرنسا]

حبيبتي اهم شئ و الحمد لله انو زوجك معك وواقف بصحفك هذا هو الأساس
وهم شكلهم غايرين منك انك إستقريتي ببيتك وماعدتي بحاجة لإلهم
و بالنسبة لفقر الدم انت كثري من أكل كبد و عدس و سلق و خضروات و حافضي على صحتك و لا تعطيهم أي إهتمام
و بالنسبة لنفاسك أعملي كنأنك عايشة لحالك و بعيدة عن كل أهلك و خلاص
الله يكون بعونك و يوفقك حبيبتي

[عذوبه]

تسلمووون على المرور
انا ابدوالله ماحطيت ببالي اني اجلس عندهم عشان عافتهم بيعايروني وامه اسالت زوجي وين بتنفس قال لها بتروح بيت ابوها
وهي رافضه اني اروح بيت ابوي ولا انا ولله الحمدمتعوده اعتمد على نفسي بكل شي ومصره اني اجلس بيتهم وتنقزني بالكلام بس انا ماارد اتحشى اني اخذ واعطي معها بالكلام لاني لا نفجرت بيصير الغلط علي

[العليا]

اختي نصيحه .... خلج بعيده عنهم و اذا عاتبوج او جرحوج بالكلام انتي جاوبي بنفسه لا تخلين زوجج بس يجاوب ... و اذا ما عجبهم خلاص بكيفهم ... و انتي كم مره رحتي لهم و سلمتي عليهم ووجبتيهم يعني من صوبج امورج طيبه ....

اذا ع سالفة المطبخ ... قولي لهم هي ابوي هو اللي سوا لي المطبخ حد عنده مشكله يروح يكلم ابوي ...

الحمد لله زوجج يرد ع كلامهم ترا في وايد ازواج يسكتون بس عشان ما يصير زعل بينهم و الحرمه هي مسكينه تزعل و تنجرح ..

الله المستعان ..

[شوق وحنين]

ما شااا الله مبرووك المطبخ الجديد فرحت لج
والي فرحني أكثر موقف زوجج ووقوفه في صفج
طالما عندج هالميزتين قطي كل شي ثاني في البحررررر
وعيشي عزيزة نفس وخلج مثل الملكة

[ام نرجوسه]

والله إني فرحت لك من قلبي. احسن شيء سواه ابوك ربي يعطيه الصحة والعافية
وبالنسبة للنفاس ما تشيلي هم
انا بسبب الغربة شلت نفسي بنفسي وساعدني زوجي مرتين في ولادتي اﻷولى والثانية
فما تشيلي هم ربي يساعدك وتولدي على خير ابقي دايم اكتبي لنا اخبار تفرح
موفقة

[رواسي]

اهم شي انك مبسوطه ارمي الباقي ورا ظهرك

[أسيرة زوجي]

حبيبتي خلي الامور تمشي زي ما هي

طبيعي تجيهم حاجة كبيرة لما عملت مطبخك

لكن راح يتعودوا على الوضع و يعاملوك عادي

الهم انت بخير و الحمد لله