مستشفى سمير عباس ب الخبر
دكتور سعدالدين قناوي
#اول موعد 3/8
.. ثاني أيام الدورة
تحليل هرمونات و الغده الدرقيه
علاج ؛ جو سبرين اند حمض الفوليك
بعد مضي عشر ايام اتصلنا نسال عن نتايج هالتحاليل .. فطمنا وطلع كل شي طبيعي وممتاز جداً .. هذا بنسبه لي .. أما هو ف طلع عدد الحيوانات المنويه 100 من 20 مليون
وكمان تحليل الاجسام المضاده ولكنه يتاخر شوي ولسى ماطلعت نتيجته
#الموعد الثاني ؛
4/5
ثالث يوم من الدورة .. كنا نبي نروح ثاني يوم بس كان عنده زحمه ومافيه مجال ..
دخلنا لدكتور
سالنا بعض الاساله
ك تعالجتي قبل كذا
سويتي صبغه .. اخذتي كلوميد وهيك شي
بعدين يكشف ع المبايض اليمين واليسار
طبعا بنفس الغرفه فيه سرير وستاره
وادخل افسخ وانسدح وكمان درج تحطي ملابسك ..
وبعد مايطمن ع المبايض
يكتب لك ع الابر وكلفتني 1750 والثانيه 621
وبديت اخذها من نفس اليوم ولازم تكون الابر الثانيه نفس الوقت
يعني ضربتي الساعه 5 لازم اليوم الثاني الساعه 5 وكذا
طبعا اول 3 ايام اخذ ابره في العضل و3 ايام الثانيه اخذها واخذ وحده ثانيه و تكون في اليد او البطن مثل ابر السكر ،،
يعني استمر 6 ايام اخذ ابر وعددها 9
والابر كانت فقط لتنشيط المبايض وزيادت عددها عشان يوم السحب يطلع معهم كمية جيدة
وطبعا زوجي خذو منه حيوانات منويه وجمدوها وكانت قيمة التجميد 500
قال الدكتور براحتك تبي تجمد ، بس هو فضلها عشان وقت العمليه خايفين ماتطلع جيده
ف يحطون هالمجمده احتياط
#الموعد الثالث
4/11
فحص الهرمونات
و مغذية جلست نص ساعه
وسحب دم ل 4 عينات
الهرومونات طلعت الف وميه
ولازم العدد الف و 4 ميه
ف راح استمر ع الابرتين لمده 3
وطلع تحليل زوجي تبع الحيونات المجمده غير نافعه ،، وافضل شي قدر يسترجع فلوسها وكان قيمتها 500 ولكن مو كامله
كانت صدمة قويه لنا وخاصه زوجي
ولاحظت عليه انه تأثر مره
حتى قال كيف قال لنا اول مره انو الحيونات المنويه كويسه والحين قال لا
ونصحه الدكتور ياكل كاجو ويكثر من اكل السمك
وطبعا زوجي شرا حبوب اسمها spermotil من غير وصفه والمشكله المده قصيره لان احتمال السبت يكون موعد العمليه يعني بعد 4 ايام
واستمر عليها وعلى الكاجو والسمك والربيان
ملاحظة ( مع الابر المنشطه للبويضات راح تحسي ب انتفاخ في البطن ونغزات خفيفه )
#الموعد الرابع
4/13
فحص الهرمونات وتحديد موعد العملية
سحبو مني دم
دخلنا لدكتور وكشف ع البويضات
شاف انها زادت الف واربع ميه
والمفروض تزيد 3 الاف
بس مو مشكله وحدد العمليه
ولازم اليوم 12 ونص ب الليل اخذ ابر تفجيريه
واليوم الثاني من بعد 12 نصوم لين موعد العمليه اللي بتكون السبت صباحاً باذن الله
#موووعد الخامس
عملية السحب
4/15
قال الدكتور في حال الحيونات المنويه مانفعت
راح يجرون له عملية شق خصيه يطلعون حيونات منويه بس باذن ربي مايحتاج لها
وانا راح يخدروني وفيه نص ساعه لـ ساعة نخلص ويعطوني مغذيه وارتاح عندهم لين تخلص ونطلع
ورحنا وطبعا صايمين من 12 الليل
دخلنا الساعه 8
ودخلونا غرفه فيها حمام ومجهزه
طبعا انا بدلت ولبست لبس العمليات
وزوجي طلبو منه السائل المنوي
وبعد ساعه تطلع نتايجه اذا جيده او نعيد المحاولة
وجاء دكتور المختبر قال مافيه حيوانات منويه جيده
وطلبوه منه مره ثانيه
وننتظر كمان ساعه واذا نفس الشي
راح يستخرجونهم هم عن طريق الخصيه
ماتتصورون قد ايش اسودت الدنيا فيني
واحاول امسك نفسي قدام زوجي
مع اني انفعلت انو كيف مافيه شي وهو طمنا في اول تحليل
وخلاص خل يسون لك الجراحه
قال لا بنحاول مرة ثانيه
وفعلا حتى كانت الكميه اقل
وهو تحطم كثيييييير قال شكلها مابتنفع
ونص ساعه وهم جايبين سرير عشان ينقلوني غرفة العمليات
استغربت كيف يودوني قبل تطلع نتيجه تحليل السائل
وعلى طول شالوني وغطو وجهي ودفوني للغرفه
وهناك فيه 4 ممرضات وتسالني وحده
فيه سكر فيه ضغط حساسيه من ادواء
ويجي دكتور يسال عن اسمي وعمري
وقال ابشرك تحليل السايل تبع زوجك طلع ممتاز والحمدلله
واخر شي جاء دكتوري اللي اراجع عنده
وبنجوني
ولا حسيت الا ب الممرضه فوق راسي تصحيني
مدام مدام خلصنا وبالقوووووه فتحت عيوني
جلست ساعه ب غرفه العمليات
وحسيت ب الم فظيع اسفل بطني
واحس لسى فيني نووووم
وبعدين رجعوني الغرفه
وكان زوجي ينتظرني
وحطو لي مغذيه بمجرد ماتخلص خلاص اطلع من المشفى ،،
والحمدلله طلعنا مع انو كان لسى فيه وجع في اسفل البطن
وكتب الدكتور لي علاجات
وابر <~ وربي خلاص تعبت من الابر
ولازم الضرب بنفس اليوم ابرتين
وغير التحاميل
واحسن شي الابر اخذها في اي وقت
مو مثل اول مره لازم بنفس الوقت
كان يوم صعب لكن الحمدلله
# الموعد السادس
4/18
الترجيع
دخلونا غرفه مثل الاولى
وطلبو منى تكون المثانه نص مليانه
ولبست ملابس العمليه
ودخلوني
وجاء الدكتور ويبشرني انو تلقحت 8 وانوه بيرجع 3 اجنه وعشان سني صغير هذا اقصى عدد
ويقول لو فيه امريكا اللي بعمرك واحد فقط
ووراني اشكالهم وكيف مسح جزء من الجدار اللي حول الخليه ب الليز وعشان يكون خروج الاجنه سهل .. وقال بعطيك الافضل
والحمدلله كلهم طلعوا من الدرجة الاولى
وجاب مثل الابره طوويله وفيها هالاجينات
ودخلها ب رحمي ،،
كنت ادعي واقول ربي استودعتك اجنتي ف احفظها وكنت اكررها كثير
بس كان صعب اني استرخي وانا المثانه مليانه مره
وودي يخلص بسرعه .. وفعلا ربع ساعه وخلص
وقال اذا تبين الحمام اطلبي من الممرضه تجيب لك القيصريه لان ممنوعه عن الحركه نهائياً
وطبعا عطوني صور لـ الااجنه ربي يحفظهم
وجلست ساعتين مرتاحه ع ظهري عندهم
وقال بعد اسبوعين تجون تحللون دم
في البيت ..
**اول يومين منسدحه ع ظهري
اقوم اروح دورة المياه واصلي وانا جالسه
وارجع
من ثالث يوم اتحرك شوي شوي
من غرفة لغرفة ..
ويوم ورا يوم
صرت اقوم كثير وخصوصا انو امي كانت عندي
وكنت مابيها تشتغل لحالها
ف اساعدها ب المطبخ واطبخ معها بس ماشيل شي ثقيل ابداً وكان مانعني عن الفرن والميكروويف ..
وكمان الجوال و الاب توب
**كنت اشرب كثير من الحليب من علبتين ل 3 علب
وكمان عصير تفاح سيزر لانه خالي من السكر
وسفرجل بس مو كثير
واشرب مويه ب كميات كثيره
**اهم شي السوائل لاتنقطعي عنها
صح راح تطفشي وخصوصا انو كل شوي تقومي لـ دورة المياة .. بس تحملي
**وانتبهي من جلست الارض
عشان لاتضغطين ع نفسك وانتي تقومين
انتبهي منها
**واهم شي خلك متفائله وواثقه ب الله
انوه راح يرزقك ويكرمك
( أنا عند ظن عبدي بي )
خلي ظنك بالله كبييييييير
اكثري من الادعيه ويدك ع بطنك
استغفري وسبحي واحمدي الله في كل وقت
**الاعراض اللي كنت احس فيها
نغزات في البطن - الم ب الصدر ..
والاسبوع الثاني بديت احس ب الم حول السرة
يروح ويجي ..
والايام الاخيره قبل التحليل
احس اسفل البطن ينشد بقوه .. ويوجعني
بس مايطول دققتين بعدين يختفي
طبعا اغلب هالاعراض يمكن من تأثير الادويه اللي اخذها .. كمان من رابع يوم كان ينزل دم بس خفيف استمر لمدة اربع ايام
وبعدها بدا يخف كثييير بس كان مستمر
كان فاتح لونه في البداية بس مع الايام صار كل مره يصير اغمق مايل ع البني
لين اخر 4 ايام قبل التحليل واختفى نهائياً
# موعد تحليل الدم 5/3
كنت كل ماقرب الموعد احس بخوف
وقلبي يدق بسرعة شعور صعب
رحت الساعه 9 ونص
كان الجو حلو جداً وفيه مطر خفيف
وزاد التفائل عندي
وصلت المشفى
وكان توه واصل السعودي تبع المختبر
قال تبون انا اسحب دم لان الممرضات لسى ماجو
وافقنا وحاول يسحب دم ماحصل وحاول من مكان ثاني طلع بس توقف الدم
وكان يدخل الابره ويحركه يحاول يوصل للعرق
يارب رحمتك بغيت ابكي
وقال عروقك مره صغيره .. وفعلاً انا اعاني من هالشي لابغو يسحبو دم يطولون معي
وقال انتظرو لين تجي الممرضه وفعلا 5 دقايق ب الضبط وجت
وحاولت تدور عروق وحصلت تحت باليد بس كان مكان المغذيه ولسى للحين واضحه علامتها
وخذت من جنبها وطلع دم مع انو السعودي قال ماقدر اخذ من هالمكان لانه مستعمل
والفلبينيه مافكرت
قال النتيجه بعد ساعه تطلع
بس الدكتور اللي راح يتصل عليكم
ونتفاجاء الدكتور مو موجود لانه ب المبنى الثاني تبع العمليات ومايخلص الا المغرب
يعني انتظرررر للمغرب يااااااربي مااقدر
واستعنا بالله .. مافيه حل غير كذا
زعلت وعصبت لو الدكتور قدامي ذبحته
ع الاقل خل غيرك يعلم مو شرط انت :(
وحنا حظنا جاء وقت يوم عمليات
والحمدلله ع كل حال
ويجي المغرب وتاخرو واتصلت انا
قالت راح يكلمك الدكتور نهاية الدوام
لاحول ولاقوة الا بالله
دمي نشف خلاص وصبري بح ماعاد فيه
قلت وش نسوي مالنا غير الانتظار
الساعه 9 يتصل
وكان مستعجل ويكلم بسرعه بسرعه
قال مدام مبرووووك حامل
والتزمي ب التعليمات مثل ماهي
والحبوب وكل شي وكمان جماع مافيه
هنا لاحد يسالني عن شعووووري
بكيييييت وضحكت وكل شي
انا حاااااااااامل
يارب لك الحمممممد يارب لك الحممممد
6 سنوات انتظر هالكلمه
خواتي دعواتكم لي انو ربي يتمم علي
وافرح بشوفته واضمه ..
ويعلم الله ماكتبت هالموضوع الا عشان غيري يستفيد
وربي يرزق كل محرومه بالذريه الصالحه
ويتمم لي ولكم بكل خيررر
04-06-2014, 04:36 PM
قصتي مع الحقن المجهري
غنج، 
جديد منتدى منتدى أطفال الأنابيب
العرض العادي
