ابرة ovitrelle 250 في بويضه حجمها 25

[Fatma81]

السلام وعليكم ورحمة الله وبركاته
أنا من أشد المعجبين في المنتدى وأول مره أكتب موضوع أو بالأصح إني أشارك في المنتدى
عندي أستفسار أنا الحمدالله سليمه وعندي أطفال بس حطيت اللولب 6 سنوات وبعد ماشليته تقريبا سنه بغرض إني أحمل وفعلا صار حمل لكن للأسف ضعيف وأجهضت عمر خمس اسابيع والحمدالله لم احتج غسيل ولا تنظيف وهذه أول مره في حياتي أجهض وعلى كلام الدكتوره تقول عادي أنه 80٪‏من النساء الطبيعيات يصيرلهم أجهاض طبيعي المهم قلتلها أنا ودي أحمل قالت أوكيه بعطيج كولميد خذي ثاني يوم الدوره لمدة خمس أيام وطبعا بديت من اليوم العاشر اشوف التبويض بجهاز بلو كلير الديجيتال وكان جنبي اليمين واليسار يؤلمني بس ألم يحتمل والجهاز عطاني دائره فاضيه في اليوم العاشر و11 و12 و13
رحتلها يوم 13 وشافة البويضه وقالت ماشاءالله عندج حجمها 25 لازم ابرة ovitrelle 250
خذتها وفي اليوم 14 من الدوره طلعلي الجهاز بلو كلير هابي فيس لمدة 4 ايام متتاليه بس الألم الي جاني في ثاني يوم من الابره كان ألم فضيع لمده 20 دقيقه وباقي اليوم ألم لكن محتمل وصار جماع لمدة 3 ايام متتاليه الحمدالله وألحين أنا في اليوم 9 من الابره واليوم 22 من الدوره
سؤالي مفعول الابره متى يتلاشى
السؤال الثاني هل بويضه بحجم 25 جيده للتلقيح قريت في قوقل بين المؤيد وبين الي يقول ليست جيده
من حملت بحجم بويضه 25
متى أقدر أحلل صراحه نسيت
شكرا لكم

[Fatma81]

المشاركة الأصلية كتبت بواسطة انت عيوني

انشالله بتستفيدي من الاخوات ... الله يطعمك الحمل ويرزقك الذرية الصالحة يااا رب

شاكرة لج مرورج حبيبتي 💗

[حيرانة]

يمكنك عمل التحليل بعد 14من اخذ حوالي 10000iu من الابرة
يمكنك عمل التحليل بعد10 ايام من اخذ حوالي 5000iu

يمكنك عمل التحليل بعد 7ايام من اخذ حوالي 2500من الابرة
و الله يسهل ..

[υм вtℓαα]

وعليكم السلام
تقدرين تحللين باليوم 14 من الابره راح يبان اذا في حمل اولا


الله يرزقك يارب بالحمل السليم والذريه الصالحه

[امي حياتي2]

بعد 7 ايام يبان الحمل

[Fatma81]

المشاركة الأصلية كتبت بواسطة امي حياتي2

بعد 7 ايام يبان الحمل

شاكره لج ردج بس تقصدين 7 أيام قبل أو بعد ؟

[Fatma81]

وهل حد حمل من بويضه بحجم 25 مع الابره ؟؟

[Roro abdullrahman]

يخلص مفعول الابره بعد 14 يوم من اخذك لها
والالم شي طبيعي انا اخذتها وتعبت تعب شديييييد
وماصار حمل الحمدلله ..

انا اخذت الابره وحجمها 20 وسمعت ان اكثر من كذا ماينفع لانها ممكن تقلب كيس
وفيه ناس حملو وحجمها كان 25
كل شي بيد الله والله يرزقني واياك وكل من يريد الذرية ..

[Fatma81]

المشاركة الأصلية كتبت بواسطة roro abdullrahman

يخلص مفعول الابره بعد 14 يوم من اخذك لها
والالم شي طبيعي انا اخذتها وتعبت تعب شديييييد
وماصار حمل الحمدلله ..

انا اخذت الابره وحجمها 20 وسمعت ان اكثر من كذا ماينفع لانها ممكن تقلب كيس
وفيه ناس حملو وحجمها كان 25
كل شي بيد الله والله يرزقني واياك وكل من يريد الذرية ..

كل الشكر لج الغاليه بنصبر وبنشوف تحياتي لج