تعبانه حيل ابي اكلم على الماسنجر وارتاح

[الشوق عطري]

.
بسم الله الرحمن الرحيم


أختي الكريمة


للحين وانتي تكلمين الشباب على المسن ؟ ؟

شنو استفدتي ؟؟

ما نبيج تقولين لنا
بس كل اللي نبيه تفكرين وتسالين نفسج هالسؤال . شنو استفدتي ؟؟

والله العظيم
اتحدى اي بنت تقول انها تكلم شباب على المسنجر . .انها مرتاحة بوضعها اللي هي فيه

قلق


وشك


وخوف من الاهل . . وفوق هذا . .غضب وعدم توفيق من الله سبحانه وتعالى
لان الاهل اذا ماشافوها وتعتقد انها شطاره ... في عين ماتغيب وتشوفج اربعه وعشرين ساعه



هذه هي حكمة الله في خلقه
( ومن أعرض عن ذكري فإن له معيشة ضنكا )


فلا أصدق أن بنت اوصبي مرتاحين بالوضع اللي هم فيه

وحتى لو تظاهروا بذلك

اجل شلون كل ما مر حد من وراج تنزلين الصفحة تحت وتخشينها
وتقولين انا مستانسة ؟؟

وشلون كل ما امج تسالك شتسوين
. . تقولين ابد . . بمنتديات ولا قاعدة اكلم رفيجاتي. . وتقولين انا مستانسة ؟؟

شلون تغطين نفسك بالف فراش ولحاف وتقفلين على نفسك الباب لما تبين تتكلمين في التلفون . . وتقولين انا مرتااااحة ؟؟



هــل هذا اللي تبحثين عنه ؟؟؟

هل هذي هي الراحة والسعادة ؟؟


فانظري لحالك
. . وتفكري
. . بهذه السعادة الموهومة



وأنا استغرب . . من بنت تكلم الشباب على المسنجر .. وبعدين تقول

ابي زوج صالح ومتدين ويخاف ربه

!!!!

تعالي يا يبه . . وقفي شوي


على اي اساس تقولين ابي زوج متدين ويخاف ربه

وانتي ما تخافين الله

وطول الليل والنهار هذرة مع الشباب على المسنجر ؟؟


هل تعتقدين اصلا ان الله راح يبتلي انسان صالح عفيف


بوحدة مثلج انتي ؟؟




لن تجدِ إلا شخصا مثلك



هذا الكلام مو من عندي . . ولكنه كلام الله سبحانه وتعالى . .

فهو الذي قال : الخبيثات للخبيثين والخبيثون للخبيثات والطيبات للطيبين والطيبون للطيبات


لكن هذا كلام الله سبحانه وتعالى . . وهذه هي حكمته في خلقته . .

وحتى الشباب . .

هل تعتقد بأن الله سبحانه وتعالى سيبتلي انسانة عفيفة


بمن هم على شاكلتك ؟؟


ياللي تقرا هالكلام الحين . .

وياللي تقرين هالكلام الحين . .

فكروا شوي



ليش ما سمعنا في يوم من الأيام أن فلان الملتزم تزوج وحدة عليها كلام ؟؟

ولا سمعنا كلام عن اهل واحد ملتزم ومحترم ؟؟


وفي المقابل كل ما تزوج واحد من هالمختربين . . سمعنا كلام عنه وعن من تزوجها ؟؟
يا الله العفو و العافيه في الدنيا و الآخره


مو لازم اتكلم كثير واضرب أمثلة
لأن الامثلة تقدر تشوفها وتقدرين تشوفينها من حواليكم وواضحة للجميع


وصدقوني
والله العظيم
إن الانسان مهما حاول أنه يتأكد من صلاح من سيتقدم لها أو البنت حاولت تتأكد من صلاح المتقدم لها
لكن حكمة الله فوق كل شيء . .

وسيبتليكم . .


فالآن الطريق مفتوح امامج
. تبيعين باقي دنياك
. . من أجل لهو وشهوة ساعة
. . . وكلام فاضي كل واحد منا يدري أنه لا يقدم ولا يؤخر ؟؟

ولا تخافين ربك . .
وتبتعدين عن هذا الجو . .
وتفوزين بالدنيا والآخرة ؟؟


طبعا
ً . . بتجيك وحدة . . وبمنتهى البراءة . . وبتقول لك . .

اصلا انا لما اكلم الشباب على المسنجر . . ما اقول شي غلط . . مجرد سوالف عادية . .


يا سلااااااااااااااااااااااااااااااااام !!!


طيب . . وشلون إذا كان الاساس غلط ؟؟
هذه المحادثة أختي العزيزة . . حرااااااااام شرعا ً ولا تجوز . .


وبعدين تعالي

ألم يقولوا . .

أن عظيم النار من مستصغر الشرر . .

بدايتهم عاديه وصغيره وكان لها حدود

تكفيكم تلك القصص التي سمعناها . .

من فتيات كانوا يقولون نفس هذا الكلام . .

ثم تدريجيا . . شوي شوي . . حبة حبة . .

انجرفوا بغير إرادتهم تحت الخط الأحمر . .

إما إلى الزنا . . وإما إلى وهم العاطفة والحب . .

فأما العاطفة . .

فما بدأت إلا من الكلام حول
( انا شنو اعنيلك . . وانتي شنو تعنين لي )

ويتبعها تفكير ثم تفكير . .
وانتظار على النت لساعات طويلة . .

والنتيجة ؟؟

قلب مكسور . .
وانطواء عن الناس . .
وانشغال عن الله سبحانه وتعالى . .
خسران في الدنيا وخسران في الاخرة . .

اوووه ..

نسينا شي مهم . .

بكرة بعد الزواااج
أكيد أوهام الحب القديم . . ستراودك ِ بين الفينة والاخرى . .

أما تستحين ؟؟

أما تخجلين ؟؟

أن تكوني مع زوج لك يحبك وانت تخونينه في داخل عقلك ؟؟

طيب
انتي ما تستحين
عادي عندج تخونين زوجك بهالطريقة

طيب وراحتج ؟؟ والمودة والرحمة والحب الطبيعي الصحيح بعد الزواج ؟؟

تتركين كل هذا يخترب من أجل ( سوالف عادية ) على المسنجر ؟؟


لا خوف من الله . . ولا خوف من الناس حتى !!

وتبين زوووج محترم بعددددددددددددد ؟؟





لالالالالالالالالالالالالالالا لالاه ؟؟؟



لا تقولون سوالف عادية


فانتم في قرارة انفسكم تعلمون

هل تخدعون الناس ؟؟

ان خدعتم الناس بتبريركم هذا

فلا تستطيعون ان تخدعوا انفسكم

وان تمكنتم من اقناع انفسكم بهذه الاعذار

فلن تخدعوا الله سبحانه وتعالى



اقرأوا هذه الآيات وتمعنوا فيها . .


وَلَقَدْ خَلَقْنَا الْإِنسَانَ وَنَعْلَمُ مَا تُوَسْوِسُ بِهِ نَفْسُهُ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ

إِذْ يَتَلَقَّى الْمُتَلَقِّيَانِ عَنِ الْيَمِينِ وَعَنِ الشِّمَالِ قَعِيدٌ

مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ

وَجَاءتْ سَكْرَةُ الْمَوْتِ بِالْحَقِّ ذَلِكَ مَا كُنتَ مِنْهُ تَحِيدُ

وَنُفِخَ فِي الصُّورِ ذَلِكَ يَوْمُ الْوَعِيدِ

وَجَاءتْ كُلُّ نَفْسٍ مَّعَهَا سَائِقٌ وَشَهِيدٌ

لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ فَبَصَرُكَ الْيَوْمَ حَدِيدٌ

وَقَالَ قَرِينُهُ هَذَا مَا لَدَيَّ عَتِيدٌ

أَلْقِيَا فِي جَهَنَّمَ كُلَّ كَفَّارٍ عَنِيدٍ

مَّنَّاعٍ لِّلْخَيْرِ مُعْتَدٍ مُّرِيبٍ

الَّذِي جَعَلَ مَعَ اللَّهِ إِلَهًا آخَرَ فَأَلْقِيَاهُ فِي الْعَذَابِ الشَّدِيدِ

قَالَ قَرِينُهُ رَبَّنَا مَا أَطْغَيْتُهُ وَلَكِن كَانَ فِي ضَلَالٍ بَعِيدٍ

قَالَ لَا تَخْتَصِمُوا لَدَيَّ وَقَدْ قَدَّمْتُ إِلَيْكُم بِالْوَعِيدِ

مَا يُبَدَّلُ الْقَوْلُ لَدَيَّ وَمَا أَنَا بِظَلَّامٍ لِّلْعَبِيدِ

يَوْمَ نَقُولُ لِجَهَنَّمَ هَلِ امْتَلَأْتِ وَتَقُولُ هَلْ مِن مَّزِيد حسنا



وماذا بعد ؟؟

إلى متى ؟؟

ألم تقتنعي بعد ؟؟ بتقولين
. .

ما اقدر والله . . واللي معاي ما اقدر افارقهم ووووو . .


سؤالي إليك . .

في من تـثـقـين أكثر ؟؟
في نفسك التي يوسوس لها الشيطان


أم في الله سبحانه وتعالى ؟؟


هذا قول الله سبحانه وتعالى في الحديث القدسي :


((أنا عند حسن ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملأ ذكرته في ملأ خير منه ، وإن تقرب إلى شبرا تقربت إليه ذراعا ، وإن تقرب إلى ذراعا تقربت إليه باعا ، وإن أتاني يمشي أتيته هرولة ))



والله المستعان انا قلت الى عندي

والباقى عليكم

لاتقولون انا غير الله مو هاديني احس ما اقدر

يقول الله تعالى : " .. إن الله لايغير مابقوم حتى يغيروا مابأنفسهم " لازم انتي تنوين وتتركين هالشي والله ان شاء الله راح يهديج


سلام

[سموةالجرح]

جزيتي خيرا غاليتي صحيح كلامك الله يشافيهم مما ابتلاهم ويعافينا وياهم

[بسوم]

الله يعطيك الف الف عافيه
بصراحه موضوع في قمة الروعه

[غلا الشوق]

موضوع رااااااااااااائع
الله يعطيك الف عافية يالغالية

[الشوق عطري]

هلا وغلا

منورين يا حباايب