ارجوكم ساعدوني ام جديده

[قلب دافي]

السلام عليكم ورحمة الله وبركاته

انا لدي طفل عمره شهرين وعشرين يوم

احس دايم انه يواجه صعوبه بالتنفس ولمى يرضع يتنفس من فمه

ويتضايق ويبطل رضاعه وزنه مره صغير وديته دكتور قال فيه حساسيه في انفه
عشان كذا مايقدر يرضع انا تعبت مره تخيلو بهالعمر يرضع 60 مل وياليت يخلصها مدري وش الحل اللي عندها طب شعبي

عطاني قطره بس احس مالها فايده والمصيبه انه يرضع هواء كثير

وانواع الغازات والماغص اللي عندها حل تساعدني ارجوكم


اختكم في الله / قلب دافي

[miral beautifl girl]

حبيبتي وديه عند استشاري اطفال مو اخصائي ولا طبيب اطفال عام استشاري لان ترا مو سهل يملأ الهواء بطن طفل مو سهل ابببببببد انا ما ابغا اخووووفك بس وديه عند استشاري واصري حتى لو رحتي مستشفى حكومي وقالوا بس طبيب اطفال عام قولي ابغا استشاري

واللللللللللللله يووووووفقك ويخليلك اطفالك


دعواتك لي بالحمل لاني ماقد حملت

[hatoo]

اختي في نوع زجاجه رضاعه تمنع دخول الهواء لبطن البيبي اسمها aventمن philipsهادي حلوه كتير وماتخلي البيبي عندو مغص واذا مافي فايده حاولي ان تشربيه الحليب بالسرينقه بتاع الابره انا بشرب بنتي الميه فيها وان شاء الله مافي الا الخير

[قلب دافي]

فديتكم خواتي العزيزات والله يجعله في موازين حسناتكم

والله يخلي لكم غاليكم ويرزقك اختي الجميله بالحمل ياااااااارب

وتفرحين فيه راح اجرب الرضاعه اللي قلتيها

ممكن القاها في صيدلية النهدي ؟

اختكم قلب دافي

[ام ريوما]

الله يحفظ لك ولدك ويعافيه
انا كانت بنتي تعاني من حساسيه في الانف وشوية زكام وكانت ماتقدر تتنفس احياناً احسه مسدود
وكانت لما ترجع يطلع من انفها وتجلس تمر قلبي لين يرجع لها نفسها
ووديتها عند دكتور وعطاني محلول مويه وملح
وقطرت لها ثلاث مرات كان في البدايه ولا كأني اقطر لها
بس بدا يخف شوي شوي واستمريت عليه والحمدلله راح عنها
الله يشفيه يارب

[مي نور البدور]

اذا كنتي ترضعين من صدرك ترى حبيت اقولك ان حليبك هو علاج بنتك اعصري في انفها من حليب صدرك وان شاء الله تتحسن انا اعمل كذا ب عيالي كلهم حتى اذا التهب عيونهم اعصر فيها بس اهم شي بعد كل رضعه كرعي البيبي وان شاء الله ما ترين بائس

[ام مطمئنة]

عزيزتي انتي ترضعين طبيعي الى جانب الصناعي ؟
اذا نعم اول علاج حاولي تخففي من الصناعي لحد ماتوقفيه نهائي
لانه هو السبب الرئيسي بالحساسية عند الاطفال
بعدين فيه بخاخ ماء وملح يباع بالصيدليات وشفاطة للانف خاصة بالاطفال
رشي مرتين من البخاخ بانف الطفل وقومي بشفط انف الطفل افعلي ذلك عدة مرات باليوم سيساعد ذلك الطفل للتخلص من البلغم وفتح مجاري التنفس وهذا العلاج افضل من الادوية ويعتبر طبيعي ليس له اضرار ومفعوله ممتاز وقد جربته عدة مرات باطفالي
وايضا قطرات من حليبك بانف الطفل مفعولها جيد
شفى الله طفلك