مشكلتي مع ولدي مالها حل الابأذن الله

[قلب دافي]

بسم الله الرحمن الرحيم
السلام عليكم ورحمة الله وبركاته

بدايه ولدي ماجاني الا بعد سبع سنوات ومعاناة علاج اللهم لك الحمد على كل حال

الشي اللي جاء بعد فرحتي فيه كنت اعطيه صدري بالاربعين بعد كذا صار يجوع لأن حليبي مره قليل احاول اشفطه له يجي رقم واحد بس

قررت اعطيه صناعي


بديت بــ رونالاك 1 ماغص شديد وصياح لين الفجر

غيرت رونالاك جنتل امساك شديد

غير الدكتور لحليب هيب اي سي حليب الماني الصنع

ماغص بس اخف شوي بس مشكلته كل يوم هواش انا وزوجي مايلقاه بالصيدليات


عمره صار 3 شهوررجعت لرونا لاك 1 قلت يمكن كبر شوي الولد ماينمغص

صار له ماغص وانتفاخ عجيب


غيرت الى ابتاميل بعد بحث وعناء طويل

نفس الحكايه مغص وسهر وصياح

رجعت للدكتور وقال عطيه حليب ماعز قولدن قوت


والله لايوريكم انواع الهواش انا وزوجي بالسياره هذا اخر شي توصلتي له

حليب ماعز منتي قادره تتحملين الصياح


اشكي لله ثم لكم وش اسوي انا مستمره على ابتاميل الين الحين


انتظر ردودكم على احر من الجمرررررررررر عمره الحين 4 شهور ونص





اختكم المحتاره

[ام لـجين]

طيب جربي سيميلاك حلو مرا انا مستخذمته لبنتي والحين بعد ناويه بعد مااولد ان شاء الله ناويه عليه بعد ..

[حنين الجنة]

ابتاميل رااااااااااااائع
وهو الحليب رقم واحد ببريطانيا
وانا استخدمه لبنتى
وترى بعد ما تكمل سنه راح افطمها منه واعطيها حليبنا العادى

[قلب دافي]

مرحبا ام لجين

فكرت استخدمه لكن متأكده راح يصير ماغص ونفس الحاله

شاكره مرورك الجميل اللطيف

[قلب دافي]

مصريه مغتربه

هل تؤيدين ان استمر على ابتاميل حتى مع وجود الماغص ؟

شاكره مرورك الكريم

[سولآف]

حبيبتي كل طفل يختلف في تقبله للحليب عن الثاني

انا بنتي تبهذلت معهاها مثلك استخدمت سيميلاك بس الحديد كثير فيه يسبب مغص
وبعدين استخدمت بيوميل ولاناسب بعد لانه خفيف ونحفانه عليه

نصحوني ب اس 26والثاني روناجروا
استخدمت روناجروا والحمدلله حلو واس 26اشوف بنت اختي صحة عيالها عليه حلوة ماشاء الله

الله يعينك ياقلبي
ادعي لي اجيب اخو او اخت لبنتي كبرت ونفسي احمل

[طال العنا]

انا كان حليبي في الاربعين مره قليل والى الان عمره 3شهور
في البدايه استخدمت سميلاك وسبب له اسهال ممكن 4مرات باليوم ويطلع برى ا
لحفاظ
ثم استخدمت رونالاك بعد فتره جاه امساااك شديد

ولله الحمد والمنه الان من شهرين وانا استخدم له بيبيلاك ووضعه كويس

وبأذن الله ماراح اغيره مع انه فيه زيت النخيل وغالبيية حليب الاطفال فيه زيت النخيل

وعلى فكره لاينصح بكثرة تغير الحليب

[أم البطل]

اختي شوفي طبيب اطفال مختص وهو يحدد نوعية الحليب المناسب لطفلك,ثم بداية استعمال الحليب قد يتغير على ولدك ولكن مع الاستمررار راح يتعود عليه,أنا كنت استخدم لولدي حليب سيملاك,ولما راجعنا الدكتورة وصفت لنا اس 26اتش أيه,والله نفس الحال نتبهذل في الصدليات علشان نلقاه,كل مرحنا لصيدلية يقول متوفر اس 26 لكن اتش ايه غير متوفر والله المستعان, مع أنه مو مغير بجسم طفلي لكن الحمد لله بصحة جيدة عمره الآن 4أشهر

[زهرة البنفسج]

والله نفس حالتك ولدي ماجا الا بعد 7 سنوات ولله الحمد
بس تعبت مره الحين بيكمل شهر وانا مانام منه صياح طووول الليل
كان حليبه سيميلاك
غيره الدكتور فبي ميلك 1 راح الامساك والمغص بس باقي مستمر ماراح
وماخليت دوا مغص مااعطيته اخر شي احس انه ريحه شوي نقاط اسمها سالينال دلتني عليها وحده جزاها الله كل خير يعني يبكي بس اخف من اول
واليانسون مع الكراويه شوي يريحه
الله يعيننا عالى التربيه واسهر ويصلحهم ويرزقنا برهم ولايضيع تعبنا يارب

[قلب دافي]

جزاكن الله خير على مروركم الكريم

وجعله في موازين حسناتكن وحفظ لكن ذريتكن وسخر ازواجكن

والله يرزقك يامـــــــلاذ ماتتمنين