ربنا رزقني بي احلى ريتال في الدنيا الحمدلله

[RANA ROSE]

(السلام عليكم ورحمة الله وبركاتة) إزيكم عاملين جميعا يارب تكونوا بخير جميعا ياجماعة الخير انا ولدت اخيرا وعلى فكرة ربنا رزقني ببنوتة حلوة الحمد لله وسميتها ريتال مش رودينا بس تعبت جداااا في الولادة ولدت فجاة كنت راحة عادي اكشف والدكتورة قالت الرحم مفتوح نصف سم وقالت محتاجين تخطيط للبيبي الظاهر كانت شكة في حاجة وبعدين رحت عملت التخطيط ورحت للدكتورة قالتلي روحي ساعتين وكلي واشربي كتير وعملت التخطيط تاني بعد ساعتين كتبولي دخول فجاة لية عشان التخطيط كان وحش جدا على البيبي انا حسيت من الاول لما قالتلي عيدي بعد ساعتين شفت التخطيط مش مظبوط الطبيعي بيكون خطوط سودة متصلة ببعضوبتطلع وتنزل في معدل معين من 40لي 100دة الطبيعي لكن التخطيط بتاعي كان مقطع جدا وبيطلع جامد جدااا وينزل فجاة دقات قلب البيبي كانت 240 وتنزل فجاة40المهم مطولش عليكم الا بالخيردخلت واخدت تحاميل طلق صناعي وفضلت يوم كامل اتعذب والدكتوة تكشف تقولي الرحم اتفتح بسيط فضلت كدة لتاني يوم وفي الاخر الدكتوة قالت الحبل السوي لف حول رقبة البيبي فلازم تولد قيصري وحالن بس دخلت واخدت حقنة العمود الفقري وولدت الحمد لله بس بجد الحمد لله ان بنوتي بخير بس بجد الطبيعي افضل بكتير لاني جربت الطبيعي في عبدالرحمن ابني الاولاني الطبيعي تعب في الولادة لكن راحة بعد كدة لافي بطن شكلها وحش ولاوجع في الظهر بس نصيحة مني الربنا يسهل لها في الطبيعي تتكل على الله لكن مش تقول لالا عايزة اولد قيصري اريحلي صدقوني القيصري راحة بس في الولادة لكن بعد كدة تعب وشكل البطن والجرح بس الف حمد وشكر ليك يارب وعقبالكم جميعا لما تقوموا بالسلامة بس ما تتعذبوا وتتعبوا زي ربنا معاكم ويقومكم بالف سلامة ويارب يدي لكل مشتاق ويرزق الي لسة مارزقهم ياررررررررررررب

[**سماسم**]

ألف الحمد الله على سلامتج ومبروك البنوته الجديد جعلها الله من مواليد السعاده يارب
,,

[غـــلا]

الف مبروووووووووووك حبيبتي

الحمدلله على سلامتك ويتربى بعزكم

[TooLeeN]

الحمد لله على سلامتك وسلامه ريتال
تتربى في عزك

[RANA ROSE]

الله يبارك فيكم وعقبالكم جميعا الحامل ربنا يقومها بالف سلامة والي مش حامل عقبالها يارب وربنا ولي التوفيق00000

[نبع المحبة]

ألف مبروووووووووك خيتوو
عالمولودة الجديدة
تتربى بعزكم ان شا الله

[مشــــــــاعر]

الــ مـــبروووك ـــــف يالغلا..
والحمدلله على سلامتك..ويجعلها قرة عين لك ولوالدها..
قبل شوي باركت للأخت أميرة الذوق جابت بنوته وسمتها نفس الاسم..
الله كريم أنا أخاف من الولاده الطبيعيه عشان كذا أفضل القيصريه الاول جبته بعمليه..
ربي يسهل وأولد هذي المره طبيعي..رغم خوفي لكن الله قادر..

[RANA ROSE]

الله يبارك فيكي عقبالك بإذن الله يامشاعر وربنا يقومك بالسلامة إنشاء الله أطمن عليكي بالخير ..........