ليله رومانسيه ولا اروع

[ذبحهم غروري]

حبيت الموضوع وقلت الطشه وانقله لكم

- ليله شهرزاد



-كتبي رساله بورق قديم تصنعينه بحرق اطرافه وانت وفنك كدعوه لهذه الليله
-فرشي فرشه بالارض وكوشيات ملونه زري وجهزي سفره على طاوله دائريه ارضيه واستعملي اواني كلها ستيل ذهبي يعني ستايل قديم وشيفونات بالغرفه وشموع
-لبسي لبس شهرزاد مع الشيفون بالويه والبنطرون المفتوح واكسسوارات ذهبي واساور وحيول
-اشتري تحفة على شكل مصباح وحطي داخله شمعة وحاولي يكون فيه فتحه عشان تدخلين الشمعه وطفي اضاءة الغرفة كلها وحطي الشمعه بداخلها وشغليها .. واكتبي جنب المصباح ورقة (( أفرك المصباح)) حاولي تنخشين ورا اي ستارة بالغرفة او اي مكان مايشوفك فيه بس انتي تشوفيه وبس ياخذ المصباح وينفذ المكتوب الا انت طالعه له زى الجنية وتقولين اطلب واتمننى راح احقق لك 3 أمنيات
-بعد العشا رقصيله رقص مثل المسلسلات القديمه وحركات مع الدلع على نشيد او لحن الف ليله وليله وهذا رابط التحميل
4shared.com - online file sharing and storage - download ظ…ظˆط³ظٹظ‚ظٹ ط£ظ„ظپ ظ„ظٹظ„ط© ظˆظ„ظٹظ„ط©.mp3 2-



ليله العبايه



-تجهزين طاولة القهوة وترتبينها بشكل حلو ورومانسي ويكفي تشعلين عليها شمعة لخلق جو حلو
ولا تنسين تعطير المكان والبخور وياليت لو تكون فيه ريحة قهوة تعطي إحساس انكم في كافيه
-والأهم العباة السودة لازم يكون قماشها ناعم وحلو والنقشه غييييييير وتكون مخصرة على الجسم تمام ومفتوحه من جدام
-تحت العباة ما تلبسين غير الإكسسوارات أو الذهب الناعم وحزام سلسله
-وما أوصيكم بالكعب حتى لو كنتي طويلة ترى الكعب يحلي الجسم
-الشعر مع العباة حلاته مسشور والمكياج عندك خيارين *إما أنه يكون نااااااااااااااااااااااااااااااااعم أو يكون اسموكي وتاتو حركات بالظهر وبالساق ولا تنسين صبغ الاضافر الاحمر
-ولاتنسين الموسيقى الهادية
-واذا يا عطيه كم نظره واذا سألج وين بهالليل وقوليله بصراحه عندي مشوار مهم .. تعال اقول لك عليه في الغرفه وفي الغرفه مهم جداا انك تخلينه يكتشف انك مو لابسه شي بنفسه وبدون ما تشيلين العبايه
- وممكن تمثلون كأنكم ما تعرفون بعض والتقيتوا بالكافيه
وتقدمي له الكافي أو الكابشينو والكيك أوالحلو



3-ليلة على ضوء الشموع



للشموع سحر خاص يضفي على جو الغرفة رونق وجمال مميزين
-كمية كافية من الشموع وبأحجام وأشكال مختلفة رتبي الغرف بحيث تكون الشموع على كل الكمودينات والطاولات والارض بشكل هندسي
مجموعة من الشموع العطرية المتوسطة الحجم مرتبة في شمعدانات بارتفاعات مختلفة على رفوف المكتبة بحيث يعطي بعد جميل ومنظر جديد لأثاث الغرفة ضعيها أعلى المكاتب لتضفي إضاءة ناعمة ورومانسية
في الحمام بجانب البانيو الرومانسي والمملوء بالورد تفوح منه أجمل روائح الورد وأطيبها بأشكال منوعة وكرسالة خاصة تحمل الكثير من المعاني
على طاولة الطعام الأنيقة أملئ بها الزايا الفارغة على طول الممرات في الأرضيات بأسلوب خاص وفي الماء وبين أحجار الكرستال <<< رووووووعة
- للشعر يفضل كيرلي المكياج ناعم مع كحلة عربية ولو أضفتي العدسات تكوني رووووووعة
-نفنوف حفله ناعم بسيط وطويل والاحلا ستان والإكسسوارات أنيقة ومناسبة للفستان ولازم تكون مرصعة بالأحجار لتعكس إضاءة الشموع ولاتنسين اللمعه
-والعصير والحلو وبعدها رقصوا سلو وخلوا ليلتكم رومانيسه





4- ليلة الثلج



-تطولين السنترال وتخلي لمكان بارد ولأقصى برودة ممكن تتحملوها
تييبين رغوة الحفلات وترشينها على أطراف الممرات والغرف
-تييبين ثلج صناعي إن أمكن أضيفي لها الماي وتتكاثر علبة صغيرة تسوي لك 3 جالون ثلج
رشيه بوسط الغرف وعلى بعض الشجيرات الصناعية بزاوية في الغرفة اللي راح تقعدون فيها
-خذي لك طاولة خشبية يكون لونها غامق أو خشب محروق مثل ما نقول
في وسط الطاولة حطي عدد كافي من الشموع بيضاء متساوية الحجم ومتلاصقة حتى تعطي شكل مثل النار اللي تتدفوا عليها على أطراف الطاولة ثبتي ريش أبيض >>>> ولا أروع ولاتنسين تحطين دبدوب ابيض كأنج صج بالثلج
-لبسي قميص ابيض طويل بريش وتاج ملكله وخلي شعرج مستشور ومكياج سموكي وفضي وكثري اللمعه بالخدود وكأنج ساحرة الثلج
-وحضري عشاء مع كاتو فانيلا بالكريمه البيضه
-ادعي زوجج لهذي الليله البارده ببطاقه فيها كزينه بالريش قبلها بوقت حتى يتفرغ







5-يوم رجعةالغالي من السفر

في الغالب يكون الزوج في يوم رجعته من السفر تعبان ولا ينتبه للتفاصيل وكل همه يشوف زوجته وعياله بخير
طيب شلون تستقبلين زوجك؟؟



-على حسب وقت وصوله لبسي لبس مريح وناعم بالنهار نفنوف بألوان زاهيه وبنوتيه وبالليل قميص قطن ناعم ومغري وشعر مستشور واكسسوار نعوم لازم تكوني ناعمة ومريحة لنظر عيونه مع طقم اندروير مناسب لملابسج ولازم بعد يكون ناعم والوان فاتحه
-حضري العشا او الغدا مع فازه ورد وردي او ابيض مع مفرش وطقم الضيوف وحضري طبق حلو يحبه من ايدج
-واذا دخل الغرفه فاجئيه بعلبه كاكاو كهديه حلوه وخليها على السرير مع الورد المنثور
-زهبيله بجامه يديده ومناشف وزهبي الحمام بحيث يكون كل شي طقم مع شراء ادواته الخاصه يديده
-وبدون عتب ولوم ومشاكل سولفي احلا السوالف بس اذا طلب عشان ما يقول صدعتيني واهم شي الابتسامه
وجذي بتكونين اهتميتي بكل التفاصيل اللي راح يلاحظها زوجك وتبقى بذاكرته دائما



ً 6-ذكرى ليلة العمر

أول شي تحديد الموقع جناج فاخر فندق أو شاليه أو مجرد غرفتج بالبيت



-خارج بيت الزوجيه
-قيص نوم طقم مع بجامت زوجج وطقم الحمام ومناشف كلها نفس الالوان مجموعة استحمام



- ملابسك إذا كانت القعدة بالجناح كثري من الفساتين الناعمة واذا بشاليه لاتنسين المايوه
- لا تنسين تزهبين نفنوف حفله ابيض او قميص نوم عروسه والتسريحه الناعمه وشبكتج


- طلبي العشى بالغرفه وحطي شموع وورد ابيض وقدمي نفسج له هديه

-واذا كنت بالبيت
-خلي كفرج ابيض وستان وزيني دارج بكم بوكيه وورد منثور وبالونات على قلوب
ولا تنسين المباخر



-اذا بدلت عرسج كبرج لبسيها بدون جيبون عشان ما يضايقج او لبسي أي نفنوف حفله ابيض ناعم وسوي تسريحه ولا تنسين الشبكه
-بشت ريلج بخريه وزهبيه
-زهبي طاوله مدوره وكيكه وشموع بيضه وعشا خفيف
-إذا عندج بطاقه عرسج خليها على كومودينته الصبح وكتبي معاها رساله لاتنسى عرسنا الليله
-وبوقت وصوله شغلي هب السعد وعيدو ذكريات احلا يوم


-واذا كنت حامل وتعبانه لا تطوفين هالليله والعذر حامل لان مافيها تعب وايد بس نفنوف بوقصه وصندل ناعم والمكياج الخفيف











7-إفطار رومانسي في السرير


بيوم عطله زهبي الريوق الفندقي ودلللي حبيبج ودلعيه
-غسلي ايدج بماي بارد وعطريها بعطر ناعم وقعديه ودلدقيه بريشه مع احلا ابتسامه وييبيله الريوق الفندقي من توست ومربا وزبده بحجم صغير وبيضه عيون ومرتدلا وكله وهو بسريره لاتنسين الورده الحمره رمز الحب ولفي الشوكه والسكين بمنديل الطاوله
ـ قدمي الفطور بعد فتح البردات والدرايش
وبعدها عاد طلبي وتدللي




8-ليله رومانسيه بالحديقه



-لبسي لبس خفيف وناعم مثل الترينجج
-يمعي بصندوق كروت ورسايل الحب وصور السفرات ونثري عليهم ورد
-ساندويشات وعصير ومطاره ماي وأونو وجنجفه
-مصباح اضاءه خارجي واحد فقط وسله الرحلات ومواعينها
-خيمة صغيرة فرشيها للنوم اقضو ليلة تحت أضواء النجوم . ولاتنسين المده والكوشيات
وطبعااا طبعااااا لازم يكون الجو حلو
دخول الشتا والا آخره




9-ليله جنسية حمره



-يفضل ترتبين السرير بمفرش أحمر ورومانسي
-جهزي طاولة بشكل مرتب وزهبي عليها قارورة الحب حطي فيها بتلات الورد ورسالة حب ويمها ورده حمره والعشا وعصير رمان او فراوله وزينيه بقطعه فراوله مع الكاتو بشكل القلوب والعشا الخفيف
-زيني الغرفه في السقف باللون الاحمر واذا كنتي تقدرين حطي ورد على دار مدار السرير تقدرين تكتبين عبارات على ورق مقصص على شكل قلوب وتلصقينهم من باب البيت لين غرفتكم مع تور احمر وكم شمعه تنور الطريج
-الشعر كيرلي والمكياج أي لاينر وحمره حمره
-وطبعا قميص نوم احمر والكعب واللمعه بالجسم وتاتو بآخر الظهر






10-رومانسية المساج

-جهزي فرشه ارضيه مع شرشف ابيض وزينيها حسب زوقج بالشموع المعطره والورد المجفف والحصى بحيث تكون حوالين الفرشه مع امتداد مدخل الغرفه



-وزعي الفواحات بنكه حامضه كالبرتغال او التفاح المخلوط
-لاتنسين المناشف بحجم كبير لتغطيه الجسم
- زهبي سله وحطي فيها زيت المساج مع شويه ورد مجفف مع شمعه معطره كديكور
-شغلي موسيقى صوت الطبيعه وعيشي الجو
-كتبي قائمه بأنواع المساجات مع تفاصيلها مثل السبا وسميهم بكيفج بحيث تخلينها شوي فيها كلام .... سرري مثال : مساج تاهو تاهو مساج مايا مايا مساج تاي..
وخلي السعر اشياء يسويها زوجج ( عاد انتي وافكارج ) وتدرجي من لسهل للاصعب
-اللبس :بما ان هالليله بتكررينها وايد لان الرياييل يحبون المساج فبعطيج خيارات للبس في كل مره بتغيرينه بس باقي الخطوات نفسها



-اما تلبسين لبس البحر فوق الاندروير من نفس الالوان وصندل فيه ستراس وورده بالشعر ولا تنسين الاساور أو روب قصير وبكيني طقم ويكون كل الستايل ناعم .تنكري الممرضه .لبس الصينيه وطبعاا تلعبين دورها
وتكون دعوه المساج على حسب اللبس بمسج والا مكالمه وكأنه رابح جلسه مجانيه
-حضري عشا خفيف ساندوش وبعد العشا قدميله المنيو عشان ينقي نوع المساح مع شاي اخضر وقطعه شوكولاته سوده
لعمل مساج فائق الجمال يجب أن :
نوفر بعض الأشياء الي تساعد وتخلي جو المساج ممتع منها يكون السرير اللي نايم عليه الزوج مريح وضع مخده تحت منطقة الصدر والبطن واسفل القدم وستخدام زيت المساج الجنسي


يــــــــــــــــــــتــــــــــــبـــــــــــــــ ــع

[عاشقة طيور الجنه]

تووحفه يعطيك العافيه

[أم فيصل 2]

مشكوووووووووووة

[~ درر ~]

حلو بس بعض الاحيان الرجال مايعطون وجه ليه بس احنا البنات الي نسوي
والرجال ليه مايبدعون ويكون لهم مواضيع زي كذا> مقهوره~

[ميمــو بينــك]

مبدعه واختيار ذووق
دمتي بود وسعآآده لاتنتهي ^__^

[ذبحهم غروري]

-

[مودي]

روعه واحلى ليله ليلة الثلج
مميزه تسلمي

[ذبحهم غروري]

مشكوره على مروركم العطر

[سيدة الغرام]

الله يعطيكي العافيه ياقلبووووووووو

[سيدة الغرام]

يسلموووو ياقلبي