ليله رومانسيه ولا اروع 2

[ذبحهم غروري]

باقي الموضوع

11-الليله البحرية



-تجهيز الغرفه بالتور السماوي حوالين السرير وطاوله العشا الصغيره
-قواقع وصور سمك علقيها في خيط وحصي ابيض نجوم تضيئ بالظلام (عند بو اميه) شموع زرقاء أو بيضاء أو شموع صغيره تطفو في كأس ماء
-لوعندج بعد حوض سمك يكون احلا وفرشي أرضية الحمام بفوط زرقاء. وترسي البانيو بماء فاتر مع رغوة الحمام ولا تنسين سلة الأصداف مع الليفة وباقي الأغراض
- شريط فيه صوت أمواج البحر والعشا بهالليله كله بحري
-لبسي لبس حوريه البحر واذا ماعنج بدله حفله سماويه وسدرها ترتر وأهم شي ورده بالشعر وخلي جسمج كله لمعه فضي
-كتبي بطاقه الدعوه على ذوقج وزينيها وخليها الصبح على مخدته بصحن او قلاص شفاف
-وخليه يدخل عليج وان تقاعده على كرسي تمشطين شعرج بشوكه خشب مثل عروس البحر




12-ليله الغابة



-فرشي السرير بخام قطن بني ونثري شويه ورق شير وزينيه تور اخضر رول فرشيه بالارض وييبي كل الزرع اللي عندج بالبيت وترسي فيه الدار
واذا عندج العاب عيالج باندا ودبب وشواذي يصير شكلهم حلو بعد
-خلي القعده ارضيه وزينيها يورق الشير وكوشيات خضر والعشا عصير فرش وماعون فاكهة ولا تنسين تكثرين الموز وطبقج الاساسي
-زهبي الحمام بالفرش الاخضر والزرع والشموع الخضر وترسي البانيو بالماي وكم ورقه شجر وزجاجه فيها رساله كلام حلو وركزي كشاف ازرق على البانيو وفتحي الدوش وعلقي ورق بخيط وكانه ينزل مع الدش
-شريط اصوات الطبيعه مثل العصافير
-لبسي لبس بوكاهانتس وماكو اسهل منه اشتريلج خام بني قطن وقصيه قطعتين من غير خياط بس جلاليب وخلي شعرج ناعم ومكياج اخضر مع رسم بالويه ولا تنسين التاتو وشوفي قلب بوكاهانتس الأزرق بعد يطلع حلو
-سويلج خريطه كدعوه لهالليله على ورقه شجر كبيره ولفي معاه رساله على خام جلد بني فيه خريطه للغابه وابحث عن الكنز والكنز بكون صندوق حطي فيه اكسسواراتج يعني ذهب ولعبي هاللعبه




13-ليله الورد



-جهزي الغرفه بالورد المنثور في كل مكان بالأرض والكومودينات والسرير وعلقيهم بخيط مثل الصوره مع كم بوكيه وزيهم بكل الغرفه والحمام وشموع على شكل ورد وفرشي التور الوردي بالممر طريج الدار ونثري عليه الورد وبالاطراف شموع الورد
-زيني الحمام بالورد وربطي الورد وعلقيه بالدش وكتبي بآخره رساله تقول ( أردت ان اغسلك بالورد)



-زيني مواعين العشى بالورد وهذي طريقه لتزيين القلاصات



ونكمل باقي الورد بنفس الطريقة نبدأ نحط الصغير وبعدها الكبير ..لين يصير معانا بهالشكل
بعدها نحط الشرايط حولين الوردة .وبعدها نفك الوردة الثانية ..وماحنحتاج منها غير الأوراق الصغيرة
ونلزقهم بترتيب داخل الكاسة .. وبعدها نلزق الكريستالات على الورد ..
-لبسي قميص نوم ستان وردي أو تنكري الملاك وطوق ورد على شعرج
-سي دي بصوت العصافير وبطاقه الدعوه بصحن ورد
خليه يدخل وانت نايمه بفراشج نومه ملاك




14-ليله الهاواي



-عيشي جو هاواي وييبي كل زرع البيت في دارج وفرشي الارض بوسايل من صنع ايدج نثري فيهم رمل وطبعااا لزقيه بالغرا وسويلج بحر بالستان السماوي. والسرير إذا كان بو عواميد .. لفي العواميد بشريط الليتات الصغار وعلقي فيه الورد .. وفي ايكيا يبيعون زل الحصير سكري فيه السرير من فوق ويصيرلج مثل الكوخ وطاوله صغيره للأكل زينيها بجوز الهند والورد ونثري الورد بالارض بطول الممر لين الغرفه
-لبسي لبس بنات هاواي والورد بالشعر ولا تنسين ريلج لبسيه معاج إذا رضى طبعااا وعطري الغرفه بشموع جوز الهند والبدي لوشن كله نفس الريحه
-العشى بحري الاحلا سمك وعصير الجوز وصوت امواج البحر وبعدها رقصو سامبا وعليكم بالعافيه .



15-ليله الشوكليت



-كفر بني واضاءه وشموع بنيه وفواحات كاكاو دخلي الاحمر شوي بمفرش طاوله الاكل والحمام زهبي المناشف البنيه وزينيهم بقلوب حب حمر و زهبي مجموعه الجسم بالكاكاو
-نافوره الكاكاو مع التغميس وانتي وفنج بعلب الكاكاو وزعيهم بالغرفه وشوقيه
-وانتي بعد صيري كاكاوه ولبسي كاكاوي ولوشن بالكاكاو وخليج بهالليله فنكيه شوي
دهني شفايفج واضافرج بالعسل وبعدها حطي عليهم بودره كاكاو الساده ولو تقدرين تنقشين قلاص العصير والصحن بنفس الطريقه وباقي المكياج بني والشعر كيرلي ولا تنسين التاتو
-اساس هالليله لعبه الكاكاو اهم شي لا تنسينها
-وطبعااا بطاقه الدعوه عباره عن هديه صغيره فيها قطعه كاكاو ورساله كتبي فيها ( انت مدعو الليله لأكل كاكاوة حياتك)





16-الليله الشرطيه



- طبعا لبس الشرطيه والكلبشات ومسدس اهم شي
-طبعي ورقه كتبي فيها مخالفه مروريه
-صوت سياره الشرطه
-اذا يا زوجج لزقي المخالفه على باب الغرفه واول ما يفتح شغلي الصوت وقوليله مخالفه وحطيله مبلغ خيالي وبعدها ماعنده يدفع كلبجي وابدي الليله السعيده


الله يوفقكم يارب وتعيشون ليالي رومانسيه بسعاده

[بنت جدة]

يسلمووو على الموضوع

[بنوته توته]

واي كشخه


يسلموو غلااي

[ميمــو بينــك]

يعطيج الف عآآآآفيه
مبدعه في اختيارج
دمتي بوود ^__^

[بصير خاله ولاصرت ام]

هههههههههههههههههههههههههههههههههههههههههههههههههه هههههههه يووووووووووه استحي مقدر اسووي هالحركات واصلا مايشجع هووو 24 ساعه معصب

[دلوعة سعد]

هههههههههههههههه حلوات بس الليله الغابه تخوف شوي

مشكوره حبيبتي

[ذبحهم غروري]